Taetùs 2:7 - To kə Kəzə̀ kə̀ Fughu ko

⁷ Ghuūghùe wʉ̂a Taetùs, ghù kì aledeē nduw tsə̌a aŋ ghəa à dzûŋ ghə̀là ghù ghəŋlo. E ti ko alo èsəŋò am fəgha kəla ghù děe ghè kò, e kwo ghù lò se nɔʼn ghəəŋ nù.

Taetùs 2:7 Iomraidhean Croise

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

2 Kòlentìan 2:17

Ghàʼ yo dzə̄ tò ndə̀m è ghì a mbòʼkùm ghəla ghe nî shwaʼ u Kəzə̀ wò zəa a te, ghəa Zə̀ kə̀ kuūwn tum sə wô ghaʼ, ghàʼ kə̂aa wò shwaʼ waʼa ù səŋo wò an sə kə wə̄n tǒ kɔ̀ɔ ŋ Kə̀lestò n sə̀ŋò mò.

2 Kòlentìan 4:2

Ghàʼ n tùe màʼà ghəa à dəla a kətūw gho àsùghò ghəa a kələ̄m gho, ghàʼ tue nû alebəla kaŋlo an tɔ u aghì, ghàʼ fwəlà sùghò yò shwaʼ u Kəzə̀ wò. Ghəa ghàʼ laām kə̂aa səā wô êsəŋò enyə an ndɛ, ghàʼ ghəŋlo an sə kə Kəzə̀ enyəa ghî ghə̀n à dzə̀m kele tsughu enyəa ghàʼ ki nû kɛɛ wo.

2 Kòlentìan 8:8

Ŋ̀ ghəa ghə̀n â ghɛ̀ kə̂aa wò dzə̀ yò tò M̀ fughuu wò kə̀làŋ. Ǹ dêe wò aŋghəa dzweŋe u ghì a Kəzə̀ ù li ghən ki ghɛ̂ zo a te aleyoso ghî gho, alemɔ̀msò kôʼ enyəa ləgha zɛʼɛ e lo nû kùum kə eləgha ko a?

Efɛsùs 6:24

Yìa Ŋ̀ gɔ̂ɔŋ sugho enyəa to Zə̀ kə̀ mo dê dzɔ̀ e wən â ghì ghəla ghe ki ləgha zəla e kê mîaan koʼò yo â Mughùbè Yɛso Kə̀lestò.

Fèlepìan 1:10

tò ghɛ̀ e ke lo alekwo ghəa zəla e dzɔ̂ tsəgha. Ghɛ̀ e ke lo ghî à zɔlɔ gho, mò ghe e yo alesaʼ ghɛ aŋ ghəa è li zo

2 Tɛ̀sàlonìan 3:9

Aŋ ghəa ghəla ghǎʼ mò ghəŋlo lo enyə, à mò yo dzə bòʼ ghàʼ mò ki yo daʼa ko alebvʉa wô fəgha kə̀là ghǎʼ mò ləghaa, à mò kuuwn lo enyəa ghàʼ mo ləghaa aledèe wô â ghɛ̀ tǒ tsə̌a e dzùŋ zəla ghɛ̀ ki alekòʼò nî.

1 Timotì 4:12

E kwo ko ghù lò bomlo enyəa ghùw ù lì koʼò lʉgha ghû mbuu ghù lò dzə̂ wɛ̂ɛtùghu. Ghùw kì aledòʼò tsughu tǒ tsə̌a è dzùŋ aŋghəa ghî ghela ghe boō fughu â Kə̀lestò lò alekòʼò nîi kɔʼ, an shwaʼ wûa ù kəaa wo, am mwam wʉ̂a ù dzûŋ wò, an ləgha zəghà â ghì ghò, am fə̀ŋ zə̀ghà zəla ghù gaʼ tsughu a zəŋò Kə̀lestò àsùghò am mùghùu zə̀ghà mò e ki yo dzʉ wo a te.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

1 Pità 5:3

Kà nlò è baŋso sə gho a zəŋò ghî ghəla ghe fughu naŋā enyəa ghɛ̀ è lɛnlo. E laam lo aledeē mwam e dzûŋ zəla ghe lo alekòʼò nî.