Taetùs 2:5 - To kə Kəzə̀ kə̀ Fughu ko

⁵ ghe e lo wâazən ghəla ghe zumso tsughu ghue zo an ndughu tə anum, zuuw ndùw â num a ghee gho, mùghù mughùu è zɔlɔ zo, fwàʼà dzɔ̀ɔ ndùw sùghò an ndughu tə ghee, ki fə̂ŋ tə̀ dzûŋ tò, enyəa e kwo ghùw lò so e kə̂aa bǒon ghəa è li zo kùu ndùw shwaʼ u Kəzə̀.

Taetùs 2:5 Iomraidhean Croise

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Kə̀fwàʼ 9:39

Pità fi nughù kɔ̀ʼ nû nùghù wò ghèe ghee; a m bùghò ù bùghò tɛ̂ tsughu fughu, ghe n nì kɔ̀ʼ ndùw wən an dzughu e ndughu e te zo edūŋ. yiikpūw ghən à dzə̀m n ti ko ghèe ghee, ghe n dîi dèe tsùghûu gbà ù təndzʉ̄ à ndzʉ tə̀ li to Dolkàs mò təm ghəa ghèe ghee mò naām lo a dzə̀m.

Lumà 14:16

Kà nlò è ghəŋlo enyəa fəgha kəla ghɛ̀ kwo enyəa kə dzɔ̂ɔ nù â ghɛ̀, ghî ghə̀ è kuuwn moʼnlò enyəa kə dzɔ̂ɔ yò.

Lumà 2:24

Ghe tɔm naŋa an Mwàʼsò kə Kəzə̀ enyəa, “Ghî ghəla ghe yô Dzûu tǒ Zə̀ kə̀ fɛ shuwnlò mò à lò ghɛ a Dzûu tò.”

1 Kòlentìan 11:3

Ŋ̀ ləghaa enyəa ghɛ̀ zuwkɛlɛ tsughu enyəa Kə̀lestò lò kətuw a zəŋò wìnû, wìnû vʉ̀a ù lò tuw ko a zəŋò wi ù wə̄n, Zə̀ chia kə lô tuw ko a zəŋò Kə̀lestò.

1 Kòlentìan 14:34

ghîzən a ki aledòʼò mɔŋ abugho ghe lo an dzeŋe kə ghì a Kəzə̀. Nu ghe ki dzə yo daʼa kə̀ li ko alekə̀a èghəa, ghe ki ko alebɔɔ̄m zuuw nduw ko â num a ghee gho aŋghəa lâŋ kə̀ deē.

Efɛsùs 5:33

Shwaʼ wən enyə lǒ â ghɛ̀ a dzə̀m, enyəa ghùw kì aleləghaa wi ù wə̄n tò aŋghəa ù ləghaa ghue u wə̄n wo a te, wìzən e tele zuuw nduw sugho â num ù wə̄n.

Kòloshìan 3:18

Yi ghə a anūm gho, e zūu nduw nlò â num ghɛʼɛ gho, tɔŋlo enyəa ghən lò ghəa ghəla ghî ghəla ghe boō fughu â Mughu ù te ki aleghəŋlo.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

1 Timotì 6:1

Ghî ghəla ghe lo kɔ̀ɔ mò ki alefughuu kɔʼso mò â ghe mughùbè a ghee gho, tò ghùw ù lì ka e kəaa boon ghəa zo an zən e Kəzə̀, àsùghò tsʉ̀ e sɛ̀ zò.

Taetùs 2:4

enyəa, ghe e lo aletsʉ̀ wâazən gho enyəa ghe e ləghaa num a ghee gho àsùghò wɛ a ghee gho,