Taetùs 2:2 - To kə Kəzə̀ kə̀ Fughu ko

² E zoʼn nduw noo tə ayînû tò enyəa ghe e nyoʼn lo, ghe ki alemughu mughùu zə ŋkɔʼso zo, àsùghò enyəa ghe kele tsughu alekɔɔn tsughuu ghue e ghee zo. Ghe ki aletɔ̀ʼɔ̀ boō fughuu tsughu â Zə̀ kò, ghe e kum ki ləgha zo aŋ ghùe e ghee, àsùghò enyəa, mò à sə̌a kô kwò, ghe e kɔɔn tsughu ko fə̂ŋ tò am boo e ghee a zəŋò Yɛso Kə̀lestò.

Taetùs 2:2 Iomraidhean Croise

Mâk 5:15

Ghe fi bughò kòʼ wò nù Yɛso, à ghùw vʉ̀a ù mò ki zʉ̀ wò mò vʉ̀a ù dǒʼ fughu, mò ù dzə̀là kèle tə̀ndzʉ̄, mò ù lǒ an tɔ u wə̄n; ghəa ghe kôʼ tsughu ghəa yi gho êzə̀, fə̂ŋ tə̀ m bàa ghee.

Lûk 8:35

Naʼ e fi zôo sə̀ wò nù alebùghò kôʼ fəgha kəla kə sə, ndùw bùghò a vʉ̀a Yɛso, bùghò kòʼ wò ghùw vʉ̀a zʉ̀ ù sə nughù tsughu a zəŋò wə̄n mò vʉ̀a ù dòʼ a tsəla efwē e Yɛso à ndzʉ to a zəŋo ughùe, mò ù lò an tɔ u wə̄n. Fə̂ŋ tə̀ n sə ghee.

Kə̀fwàʼ 24:25

A m bùghò Pôl tɔ̀ʼ teso tsughu tuŋlō u ghee wo aŋghəa ghî a ki alelo tsəghatsəgha a te, àsùghò aŋghəa ghî a ki alenaŋso ghuw kə e bwìi kə ghee ko a te, àsùghò aŋghəa Zə̀ kə̀ lo saʼā ghî ghò a te an tsuʼ fə̀ guŋso fo, Fɛlècks n tɛ̀ ètsəŋ, nùghù dzɛ̀ tsùghù enyəa, “Kə̌aa nùghu ndùw ezə̀ŋ, abugho Ǹ sô ndôʼ kele tsughu nəgha zo, Ǹ sô kôom tɔŋɔ̄ wô ghù.”

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

1 Kòlentìan 15:34

Kwən nyə̀ wò nlò an tɔ wɛʼɛ ù səŋò wò, ghɛ̀ ka ghəa à biigh a kôom ghə̌əŋ sùghò. Ghɛ̀ â li a kwo dzə yo Zə kò. Ŋ̀ ghəa ghən â ghɛ̀ kə̂aa wò enyəa Ǹ dənsò tsughu tuw kɛʼɛ̄.

1 Kòlentìan 9:25

Ghî à nyəŋo ghən à dzəm kì aletɔʼɔ̄ naaŋ tsughu lwâŋ wəla ghe zoʼn tsughu ghee a te. Ghe enyə ghəŋlo enyəa to ghe mô lò alekele kə̀lɔ̀ʼɔ mo kə lo boo mìaan nù, sɛ̀ kuuwn kəŋo alekelê lɔʼɔ kəla kə kê boō mîaan koʼò tsəghà yo.

2 Kòlentìan 5:13

Abugho à kpaʼ lô enyəa ghàʼ yo dzə̂ an tɔ waʼā, à lò ghəa e Kəzə̀, abugho ghàʼ kuūwn tɔ̂ʼ ti an tɔ waʼā; à lò aŋ ghəa zɛʼɛ̄.

Gàlashìan 5:23

zʉ̀ kə emùghù àsùghò ghuw kə ebwìi kə̀ naŋso ko; abugho ghəa ghən enyə lǒ a zəŋò ghùw, làŋ kə̀ li yo dzə̂ alekɔlɔ̄ wə̄n.

Fèlepìan 4:8

Alemìasò tsughu shwaʼ waŋā waazə̂ ghaŋa gho, naŋa tsughu nlò moʼn zɛʼɛ zo an ghəa dzuŋ ghò àsùghò aŋ ghəa ghəla a ki kɔʼso mò, àsùghò ghəla alo tsəghatsəgha àsùghò ghəla alo èsəŋò, ghəa a zɔlɔ à sùghò ghəla ghî ləghaa alezuw àsùghò alekòʼ

1 Tɛ̀sàlonìan 5:6

À fi lo enyəa sɛ̀ ki dzə yo alebwii tò ghî à li gho. A kuuwn ki aletisō kɔʼ kətuw edzuŋ, a e naŋso tsughu sugho ghuw kə ebwìi kə sɛ̀ kò.

1 Tɛ̀sàlonìan 5:8

Yia a kuuwn bugho sɛ̀ ghəla a lô wɛ a tsə̂ ghò, a ki alenaŋsō ghuw kə e bwìi kə sɛ̀ kò, a gaʼā ndûw fə̀ŋ a zəŋò Kə̀lestò, àsùghò enyəa, a e ləghaa ghue e sɛ̀ zò; sɛ̀ e ghəŋlo enyə tò kəkə̀ŋ sɛ̀ dzəlà kele alo kəchīchī alekə̀əŋ. Sɛ̀ e ndzəmā chiī sugho tùʼ enyəa a lo zəa nù tuw ko, tò a e soō alo kətàŋlò a dzəlà kele kɔʼ alo kətūw.

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

1 Timotì 1:14

Mughu ù te n dè wò fə̀ŋ e wə̄n è dzùŋ â mùghò aleghəə̄ŋ tsughu enyəa Ŋ̀ gaʼ fə̀ŋ a zəŋò wə̄n àsùghò an ləgha zəla sɛ̀ ki ghè zò aŋghəa sɛ̀ à ghê Kə̀lestò Yɛso lò alo kəfəgha kə mɔ̀ʼ.

1 Timotì 1:2

M̀ mwàʼsò kən tɔɔ wò â ghù Timotì, tɔŋlo enyəa ghù kùum lǒ wɛ waŋa Ǹ nî sə kɔʼ wo am fə̀ŋ zəla sɛ̀ dzeŋe gaʼ tsughu a zəŋò Zə̀ kò. Ŋ̀ gɔ̂ŋlò enyəa to Kə̀zə̀, Tsele ù te ghèe Mughùbè ù sɛ̀, Kə̀lestò Yɛso mò dê ghù â se ghee è kwuso zo àsùghò dzɔ̀ e ghee zo, ghe fughuu sughò ghù â bughuun zo.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

1 Timotì 3:11

Yi a ghee a ki alelo yîzən a dzûŋ gho, mo ghe maʼn kǎaŋ yo fom to, ghe ki bughunlo u tədzə̀ wò, zumso lo sugho.

1 Timotì 3:2

Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

1 Timotì 3:4

A e lo ghùw mò ù kwò alekwuū kele àghì alo wə̄n an ndughu, ghəəŋ tsughu sùghò enyəa wɛ a wə̄n ghə e zuuw â wə̄n.

1 Timotì 3:8

An ndzîi è mɔ̀ʼɔ zən, ghî a li ghəla ghe kwu kele sugho dzeŋe kə ghì a Kəzə̀ gho ki alekaa tsughuu zə zo, bəən kə̂a sùghò yò ghəa gho, mʉa kala yo lʉ̀ mò, səa sùghò yò â sə gho aŋ ghəa a ukua.

1 Timotì 5:1

Kà è tɔnlo â dzə̂ a zəŋò noo kə ghû kò, e bughuso kəaa nduw ghəa gho â wə̄n alo ŋkɔʼso tǒ tsughò. E niī nduw waafəghàŋ à nûu ghò tò waazughù.

Taetùs 1:13

Shwaʼ u ghùw ù Kə̀lêt wən lo èsəŋò. E fi lo enyəa ghù è komso təla nduw ghee an sə kə ghee, aleghəŋlo enyəa boo e ghee aŋ ghəa a Kəzə̀ lo bughò teme, zə e tughuu sugho,

Taetùs 1:8

Ù lǎam ki aledòʼò tsùghù ghùw wəla ù bɔŋɔ̄ naāŋ ghî ghò alô wə̄n, tèlè lə̀ghaa kô ghəa è dzûŋ zò, tɔ̀ʼ kwò sugho alekùu kɔlɔ̂ tsughu ghue u wə̄n. À è lo mò ù lǒ ghùw ù tsəghatsəgha, zɔlɔ sùghò, tɔ̀ʼ kwò sugho ghəa ù tiso ghuw kə ebwìi kə wə̄n ko a te.

Taetùs 2:7

Ghuūghùe wʉ̂a Taetùs, ghù kì aledeē nduw tsə̌a aŋ ghəa à dzûŋ ghə̀là ghù ghəŋlo. E ti ko alo èsəŋò am fəgha kəla ghù děe ghè kò, e kwo ghù lò se nɔʼn ghəəŋ nù.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.

1 Pità 1:13

E fi lo enyəa, ghɛ̀ fəghaan tsughu ghue zɛʼɛ zo, ghɛ̀ tiso kɔʼ nlò tuw ko edzūŋ, ghɛ̀ naŋso tsughu nlò ghuw kə ebwìi kɛʼɛ ko alefwàʼ fwàʼ kə̀là Zə̀ kə ləgha ghè kò, ghɛ̀ e chiī nduw tùʼ am bughuso zəla ghɛ̀ lo kele abugho Yɛso Kə̀lestò kè kôom dê sə wô ghue u wə̄n wo ebàm.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

1 Pità 5:8

Nì nlò ghôm zò, ghɛ̀ tiso kɔʼ tuw ko edzūŋ! Nu ghùwkə̀tuw wɛʼɛ, tɔɔŋ Satàn kǔuw kaaŋ nù tò bəgha kə tɔɔn ko, kə kəŋo ghùw alekwuū pfʉ.

2 Pità 1:6

Kà è kaa ghəəŋ ko nlò ghəa gho tò ghî ghə̀la ghe kwo Zə̀ kò, ghɛ̀ ki sugho alenaŋsô ghuw kə ebwìi kò. Tò aŋghəa ghɛ̀ lo alenaŋsô ghuw kə ebwìi kɛʼɛ, ghɛ̀ ki sugho alekɔlɔ tə̀fə̀ŋ an nə̀gha e utsù. Tò aŋghəa ghɛ̀ lo alekɔɔn tsughuu fə̂ŋ tò an nə̀gha e utsù, ghɛ̀ e ki sugho mwam e ghì a Kəzə̀ gho.