Taetùs 2:15 - To kə Kəzə̀ kə̀ Fughu ko

¹⁵ E zoʼn nduw ghî ghò aŋ ghəa ghən gho, dzə̀là ndùw fə̀ŋ tə ghee, tsʉ̀a ndùw, geen ndùw sùghò ghee aŋ ghəa ghəla ghe ghəə̄ŋ bonlō, tǒ ghùw wəla ù ki daʼa kə te ko. E kwo ghù lò bomlo enyəa ghùw kòʼòkê ghù.

Taetùs 2:15 Iomraidhean Croise

Matìo 7:29

Nu ù fə̌ ghee zoʼn yo tò ghê dèekə̀làŋ, ù fə̌ ghe zoʼnlo tǒ ghùw wəla ù ki dwaʼa u te wo.

Mâk 1:22

Dzughu zə n zuu àghì an dzì zəla ù zoʼn ghee a te; tɔŋlo enyəa ù fə̌ ghee zoʼnlo an dò tə aghəa, à fə̀ yo dzə̂ aŋ ghəa ghê dèekə̀làŋ zoʼn ghî ghò a te.

Mâk 1:27

Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”

Lûk 4:36

Dzughu zə n zum ghî a te gho a dzə̀m, chìa m bvʉ â kə̀chìa enyəa, “Wən lǒ ŋgòʼ è shwàʼ ù ghɛ wo ēnyə à? Tɔŋlo enyəa tûw wən dôo tsə̀ghàsò kə̀làŋ â zʉ̀ ù biigh wò, vʉa u səā nughùun wo.”

1 Kòlentìan 16:11

E kwo ghùw lò so e koʼòkèe wə̄n. Ghɛ̀ lo bɔɔm təma zəghāa kɔʼ sugho wə̄n kədzûŋ, aŋghəa ù bùghò ebàm alebùghò kôʼ mùghò; nu M̀ fɛ lə̄əm wə̄n ghàʼ à ghêe waazə̂ a sɛ̀ li ghən.

1 Timotì 5:20

Abugho ghùw mgbɛɛ̄ ghəə̄ŋ ko bo zo, ghù ŋ ki alekwɛ̀ɛn ndùw wə̄n a sə kə ndə̀m è aghì, to ghî à li ghən kôʼ, ghe tsəŋò kômlò.

2 Timotì 4:2

E dəma ko alezughò shwaʼ u Kəzə̀ u te wo nəgha tən tə̀ dzə̀m, kà ghî à ləghaa ŋkāa ghe ləghaa yo. E naŋso ndùw ghî ghò, kwɛ̀ɛn ndùw ghee, dzə̀là ndùw sùghò ghee â sə̀ŋ zò. E ndòʼò màʼn tsughuu sugho ghue wo aletsʉ̀ ghee an shwaʼ u Kəzə̀.

Taetùs 1:13

Shwaʼ u ghùw ù Kə̀lêt wən lo èsəŋò. E fi lo enyəa ghù è komso təla nduw ghee an sə kə ghee, aleghəŋlo enyəa boo e ghee aŋ ghəa a Kəzə̀ lo bughò teme, zə e tughuu sugho,

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.