Taetùs 2:13 - To kə Kəzə̀ kə̀ Fughu ko

¹³ Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Taetùs 2:13 Iomraidhean Croise

Matìo 16:27

Wɛ ù Ghùw ki alebùghò ghèe ghê tsə̀təndə̄ghā tə Kəzə̀ tò təla tə lô tə wə̄n to an səghanyəgha n Tsele, ù è ke tsəa ko ghùw am fəgha kəla kə kpe am fwàʼ kə wə̄n.

Matìo 25:31

“Abugho Wɛ ù Ghùw kè bugho â dwaʼa wəla ù ki tò Kədə̀ŋ ghèe ghê tsə̀təndə̄ghā tə Kəzə̀ to tə dzə̀m, ù lo kɔʼɔ̄ nyaʼā kɔʼ an ndàŋ è kə̀də̀ŋ è wə̄n.

Matìo 26:64

Yɛso m bɛ̀lɛ̀ ndùw wən enyəa, “Ghù dzɛ̀ sə̀ wò êzə̀. Ǹ so Ŋ̀ kuūwn dzâa wô ghɛ̀ enyəa, alenìi nughù tsughu êzə̄ŋ nùghù ndùw â sə ko, ghɛ̀ kê kòʼò wò Wɛ̀ ù Ghùw ù te ù dòʼ aŋ kwè ù təma u Zə̀ kə̀ ghaʼa ko, mò vʉ̀a ù bùghoo am mbà è kəwala.”

Mâk 14:62

Yɛso n daŋso nùghù dzɛ̀ sə̀ wò enyəa, “À lò mugho; ghɛ̀ lo nāam kòʼò Wɛ̀ ù Ghùw ù te ù dòʼ aŋ kwē ù təma u ghùw wəla ù ki Dwaʼa wo, mò vʉ̀a ù bùghǒo am mbàʼ.”

Mâk 8:38

Ghî ghəla ghe də̂nsò tuw ko aŋ ghəa zaŋa àsùghò aŋ tsʉ̀ zaŋā am mwěe e nɛ zəla e tsəŋo yò Zə̀ kò, ghəəŋ tsughuu sùghò ghəa à biigh gho enyə, Wɛ̀ ù Ghùw kè bɔ̌ɔm də̀nsò sùghò kə̀tuw êzə̀ a zəŋò ghee abugho ù kè bugho ebàm am Nsəghanyəgha n Tsele ghèe ghê tum tə Kə̀zə̀ tə̀ zɔlɔ to.”

Kə̀fwàʼ 24:15

chìi ndùw ko tùʼ alo Kəzə̀ to ghue e ughùe e ghee e chîi sugho, enyəa ghî a tsəghatsəgha ghèe ghê bəən tə aghì tə̀ lo kɔʼɔsə̄a nù alo evʉ ghee a dzə̀m.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 5:5

Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

Lumà 8:18

Ŋ̀ kwo nû enyəa fala zəla sɛ̀ fanlo êzəŋ kâ mbùʼ kɔʼ kpe alebàan ndûw ghèe səghanyəgha məla Zə̀ kə̀ lo naāŋ sɛ̀ a te.

1 Kòlentìan 1:7

Zən lò e ghee ghɛ̀ ki mɛʼɛ̄ fughu wəla Zuʼ tə Kəzə̀ tə̀ fughu â ghɛ̀ a dzə̀m, aŋghəa ghɛ̀ ləə̄m ndûw tsuʼ fəla Mughùbè ù sɛ̀ Yɛso Kə̀lestò lo kôom bughōo ebàm a te.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 1:5

Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

Kòloshìan 3:4

Abugho Kə̀lestò wəla ù ki mughù e sɛ̀ zò lo kôom dê sə wo ghue u wə̄n wo ebàm, ghɛ̀ a ghee e ke dzeŋe lò ko a dzə̀m an səghanyəgha wə̄n.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

2 Tɛ̀sàlonìan 2:8

Ghe lo daŋso dêe fughu səā wô ghùw wəla ù zuūw yo lâŋ kò, Yɛso lo daŋso wiī maʼa wə̄n mò ù fò ndùw təzuʼ a zəŋò wə̄n. Yɛso lo daŋso dzûuw màʼà sugho wə̄n daʼa kə səghanyəgha ŋ wə̄n ù bùghò â ghe kò.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

2 Timotì 1:2

M̀ mwàʼsò kən kə tɔɔ wò â ghǔ a Timotì, ghù wɛ waŋā ù tsùʼu. Ŋ̀ gɔ̂ŋlò enyəa to Kə̀zə̀, tɔɔŋ Tsele ù te ghèe Mughùbè ù sɛ̀, Kə̀lestò Yɛso mò dê ghù â dzɔ̀ e ghee zo àsùghò se è kwuso zo, ghe fughuu sughò ghù â bughun zo.

2 Timotì 4:1

Ǹ dzàa wò â ghù a n sə kə Kəzə̀ ghèe Kə̀lestò Yɛso wəla ù kè saʼā ghî ghəla ghe kê naām lô â sə à tughu gho, àsùghò ghəla ghe lo mo ghe n kpuwnlo, abugho ù kè bughoo alebùghò saʼ mbī a te tò kədə̀ŋ enyəa:

2 Timotì 4:8

Namso kə ləəm mùghò êzə̄ŋ alo kəwālā am fwàʼ kə̀ dzûŋ kə̀là Ǹ lo mò mùghò fwâʼ ghè kò; Namso kən kà yò ko â mùghò, kə lo â ghì ghən à dzə̀m ghe ki ləgha zo alekòʼ tsuʼ fəla Kə̀lestò kè bughōo a te ebàm. À namso kə te kə naŋa Mughu ù te wəla ù saʼā ghî ghò a dzə̀m am fôʼ è tsəghatsəgha.

Taetùs 1:2

Tsʉ̂ è səŋò zən lo ghəəŋ nù ghe lo e mughu, kwo tən enyəa ghe lo kelê mùghù e doʼn təla zəla Zə̀ kəla kə kaʼn yô gha gho fə̀ to naŋā â wǐiwì.

Taetùs 1:4

M̀ mwàʼsò kən fɛ tɔɔ wò â ghù a Taetòs, ghù kùm lǒ wɛ waŋā ù sə̀ŋò bòʼ ghàʼ à dzeŋe boo fughu â Kə̀lestò Yɛso. Gɔ̂ɔŋ zaŋa e lo enyəa to Kə̀zə̀, Tsele ù te, àsùghò Yɛso Kə̀lestò wəla ù Bəghāasəā sɛ̀, mô fughu ghû â bughuun zo, à dzùŋù mò.

Taetùs 3:4

A m bùghò ghe kuūwn dê tsughu sɛ̀ â dzɔ̀ e Zə̀ kəla kə bəghaasəa sɛ̀, à ləgha e Wə̄n zo,

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

1 Pità 1:7

Ghəa ghən lo aledèe tsughu enyəa boo zɛʼɛ̄ e kûm lǒ è səŋò zò. Tsɛ zəla e bûʼ lô ko alebo, ghe naam mɔ̀msò kòʼò nù aŋ wə̀n. Boo zɛʼɛ̄ zəla e bûʼ tsəghàsə ko tsɛ zo, ghe ki sugho nû alemɔ̀msò kô, to ghɛ̀ ke e lo aletughuū tsəghà ghəa a mbī gho. Zə̀ kə̀ kê kɛɛ ghɛ̀, kə lo naŋa ghɛ̀ alo nsəghanyəgha, kə lo ghəŋlo ghî ghə̀ e fughuu ghɛ â kɔʼso mò abugho Yɛso Kə̀lestò kə̀ kôom dê sə wô ghue u wə̄n wo ebàm.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

2 Pità 3:18

Zə êzəŋ e lo enyəa, to dzɔ̂ e Mughu ù te, tɔɔn Bəghambī ù sɛ, Yɛso Kə̀lestò àsùghò tɔ wəla ghɛ̀ ki kùu wə̄n mò ghəŋlo enyəa ghɛ̀ e ŋgee noōm dzɔɔ̄. To ghî mô kɔ̀ʼso tsə̀ghà wə̄n to mbī kê bughò mîa. Zə e lo ko êzə̀.

1 Dzɔ̌n 4:14

Sɛ̀ ŋ kòʼ, yia a teso dzàa sùghò enyəa, Tsele n tùm wǒ Wɛ ù wə̄n ù nùu enyəa ù bùghò bəghāasə̄ mbī.

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Edêe Fughu 1:7

Kòʼo, ù bùghòo nù am mbàʼ, ghî ghə̀n à dzə̀m kə̂ koʼō nduw wə̄n, àsùghò ghì ghəla ghi mò buʼù tsuʼn sugho wə̄ alo fən wə̄n; ndùm tə̀n tə̀ dzə̀m fɛ am mbī kê dînlò bòʼ ghəa e wə̄n. Zə̀ e ke lo ko êzə̀.