Taetùs 2:12 - To kə Kəzə̀ kə̀ Fughu ko

¹² Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Taetùs 2:12 Iomraidhean Croise

Matìo 12:32

Ghùw wəla ù boōn zən e Wɛ ù Ghùw zò, to Zə̀ kə̀ ghuuw maʼà ghea a te gho; wəla ù kuūwn sûuwn zən e Zuʼ tə̀ Zɔlɔ to, Zə̀ kə̀ lo zə̀a yǒ bôo tə ghùw ù te to, to mbī kê bughò mîaa.”

Matìo 16:24

Yɛso n daŋso dzɛ̀ â Tsə̀təndə̄ghā tə wə̄n to enyəa, “Abugho ghùw so e bwîi â bàâ mùghò, ù n ni tsùghù enyəa e yo dzə̂ fəgha kə̀ li ko, ù m boo tsughu evʉ, ù n nùghù wô a bàâ mùghò.

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Lûk 1:6

Ghe m mughu tsəgha an làŋ kə Kəzə̀, lò tsəghatsəgha an sə kə Kəzə̀.

Lûk 1:75

Sɛ̀ ke e lo tsəghatsəgha, zɔlɔ sùghò an sə kə wə̄n to mbī kê bughò mîa.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 6:25

A m bùghò ghe dâŋ sə ndûw kôʼ ndûw Yɛso aŋ ŋgùŋ è lò è zə̂, ghe m bvʉ â wə̄n enyəa, “Labì, ghù fɛ bughò zə̀n?”

Kə̀fwàʼ 24:16

Zən lò e ghee M̀ bughōo mùghò Ǹ nì kɔ̀ʼ mbāŋ kə te ko enyəa mùghò è ki ko fə̀ŋ è zɔ̀lɔ a zəŋò Zə̀ kò àsùghò a zəŋò ghì ghò.

Kə̀fwàʼ 24:25

A m bùghò Pôl tɔ̀ʼ teso tsughu tuŋlō u ghee wo aŋghəa ghî a ki alelo tsəghatsəgha a te, àsùghò aŋghəa ghî a ki alenaŋso ghuw kə e bwìi kə ghee ko a te, àsùghò aŋghəa Zə̀ kə̀ lo saʼā ghî ghò a te an tsuʼ fə̀ guŋso fo, Fɛlècks n tɛ̀ ètsəŋ, nùghù dzɛ̀ tsùghù enyəa, “Kə̌aa nùghu ndùw ezə̀ŋ, abugho Ǹ sô ndôʼ kele tsughu nəgha zo, Ǹ sô kôom tɔŋɔ̄ wô ghù.”

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 6:12

E kwo ko bo e lǒ so e kòom kele daʼa kə li ko aŋ gwə̀n e eghùe zɛʼɛ zəla e lo doʼn təla yo, aŋghəa e lô aletsəə̄n nduw ghùw aleghəə̄ŋ ghəa à biigh ghəla gwən e ughùe e ləghaa.

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

2 Kòlentìan 7:1

Waʼāwaʼ, ghəa sɛ̀ ki dzə̂ to kəla Zə̀ kə̀ to naŋā â sɛ̀, bùghò nlò tò sɛ̀ nîi nughù ghu kə sɛ̀ aŋ ghəa ghə̀là à dzə̀m a lô aledzəsô ghue e sɛ̀ àsùghò fə̀ŋ tə sɛ̀ tò, a ghəə̄ŋ tsughu enyəa sɛ̀ mughùu tsughu mughùu è zɔlɔ zəla e kɔʼkpē mo a tsəŋo ndùw Kə̀zə̀.

Gàlashìan 1:4

Yɛso Kə̀lestò wən fə̀ zuw nduw â Tsele ù sɛ̀ tɔɔŋ Kə̀zə̀, ù m boo tsughu alekpuw an tuw u sɛ̀ bòʼ bòo tə sɛ̀, alebəghaasə sɛ̀ aŋ ghùu mwàm è biigh zən fɛ am mbī.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 1:4

Zə̀ kə mǒ sɛ̀ ki shiāa nû to kə e bughò gbə̂n mbī, enyəa sɛ̀ è lo ghî a wə̄n gho aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò, mò sɛ̀ ki yo nùʼ tò, lò sugho ghî à zɔlɔ gho an sə kə wə̄n. Zə̀ kə̀ ləghaa sɛ̀,

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

Kòloshìan 1:22

Zə̀ kə ŋ ghɛ̀ e nî nàŋa wò e bàm a tsəla e bàm an vʉ zəla Kə̀lestò fə̀ bughò kpuw ghè zò tǒ ghùw nsɔ̌ɔŋnchùw; enyəa ghɛ̀ è zɔlɔ, ghùw e yo alesaʼ ghɛ, ghɛ̀ e ki sugho yo nùʼ tò an sə kə wə̄n,

1 Tɛ̀sàlonìan 4:7

Zə̀ kə̀ ka mo sɛ̀ tɔŋɔ dzə̀ enyəa a bugho mughù mùghù è dzəa zo, à mò laam lo enyəa a bughò mughù mùghù è zɔlɔ zo.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

1 Timotì 4:12

E kwo ko ghù lò bomlo enyəa ghùw ù lì koʼò lʉgha ghû mbuu ghù lò dzə̂ wɛ̂ɛtùghu. Ghùw kì aledòʼò tsughu tǒ tsə̌a è dzùŋ aŋghəa ghî ghela ghe boō fughu â Kə̀lestò lò alekòʼò nîi kɔʼ, an shwaʼ wûa ù kəaa wo, am mwam wʉ̂a ù dzûŋ wò, an ləgha zəghà â ghì ghò, am fə̀ŋ zə̀ghà zəla ghù gaʼ tsughu a zəŋò Kə̀lestò àsùghò am mùghùu zə̀ghà mò e ki yo dzʉ wo a te.

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

1 Timotì 6:9

Ghî ghəla ghe kuūwn ləghaa alekum, à lò nyàaŋ fə eghəa â ghùw ù te alekele kə̀tsòmlo aleghəŋlo èbo, bvʉ̀a sùghò alo fətə̀ma. Ghe ləghaa aleghəəŋ ghəa à kwu gho, ghəa ghəla a dzûuw maʼn mughù e aghì zò àsùghò e ghee zo.

2 Timotì 3:12

Alekùu nîi tsughu, ghe lo ndzaŋso nù ghî ghə̀n a dzə̀m ghe ləghaa alemughù mùghù è Kəzə̀, bòʼ ghe kê lə̀ghaa alelo alo kəfəgha kə mɔ̀ʼ ghèe ghê Kə̀lestò Yɛso.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Hibùlù 8:11

Ghùw lo e yo dzə̂ alezoʼn nduw fən ŋkāa wàazə enyəa, ‘Ghù ki alekwo Mughu ù te.’ Tɔŋlo enyəa aghî a dzə̀m lo kwo nû mugho alekaʼā nughù tsughu am bvùʼu mən kɔʼ tɛ ndùw aŋ ghi à səŋò ghò.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

2 Pità 2:9

Abugho e lo êzə̀, à fi lo enyəa Mughu u te kwo nû alebəghaasə ghî ghəla ghe ghəə̄ŋ ghəa ghəla Zə̀ kə̀ ləghaa àsùghò alenìi kûum naŋâ ghì à biigh gho, ghe e ləəm tsuʼ u saʼ wo,

2 Pità 3:11

Ghəa e lô enyəa ghe lô fʉgha wə̀n ù dzə̀m dzûuw màʼnlò an dziī zə, e fi lo enyəa ghɛ̀ ki alemùghù mùghù è zɔlɔ zəla Zə̀ kə̀ ləghaa,

1 Dzɔ̌n 2:27

Kə̀lestò ŋ kuuwn fughu ghɛ â bughuun zo an Zuʼ tə̀ Zɔlɔ to. Tò ghəa Zuʼ tə̀ Zɔlɔ tə te tə lo am fə̀ŋ tɛʼɛ, e kwo ko ghùw ù li lô kôom bugho alezoʼn ghɛ̀ â ghəa è nughù è li zo. Aŋghəa zuʼ tə wə̄n tə̀ zɔlɔ tə dêe ghɛ̀ â ghəa gho a dzə̀m, àsùghò enyəa fəgha kəla u děe â ghɛ̀, kə kûm lo êsəŋò, mò gha e li yo a te. Tò aŋghəa Zuʼ tə̀ Zɔlɔ tə zoʼn ghɛ̀ a te, e ti ko nlò ghuw ko kə mɔ̀ʼ ghɛ a ghê Kə̀lestò.

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.