Taetùs 2:10 - To kə Kəzə̀ kə̀ Fughu ko

¹⁰ ŋkāa kɔ̀ɔ mə̀ è ka e tsɔŋɔ sugho fʉgha u ghee wo. Ghe ki alekuūwn deē nduw mwam è dzûŋ zò an dziī zəla ghùw lò alegaʼ fə̀ŋ a zəŋò ghee, to ghî ghə̀ è koʼo tɔɔ wo mwam e ghee è dzûŋ zò, ghî a te ghə e ləghaa alezəəŋ shwaʼ u Bəghambī ù sɛ̀, Kə̀zə̀.

Taetùs 2:10 Iomraidhean Croise

Matìo 24:45

“À kǔuwn lò kɔ̂ɔ fə̀ dzûŋ fə̀ ghɛ fo, mo fə tɔɔ sùghò nù a? À lo kɔ̂ɔ fəla mughùbè ù wə̄n nî naŋā tsughu enyəa fə è lɛɛn ndughu è wə̄n a, àsùghò kɔ̀ɔ n li mən alefughuu ghee â fʉ̀ghàzəa wò an nə̀gha zəla ghe ki alezəa a te.

Matìo 5:16

Ghəəŋ tsughu nlò enyəa kɛ̀ʼɛ̀ kɛʼɛ kə e bɔɔm baŋā sugho êzə̀ an sə kə aghì. Ghe e koʼō ghəa fwàʼ kɛʼɛ kə dzɔɔ̄ a te, ghe e kɔʼso Tsele wɛʼɛ wəla ù lò alo kəwālā.”

Lûk 1:47

Fə̀ŋ zaŋa zə̀ èduʼnlo bòʼ Kə̀zə̀, ti usûŋ waŋa,

Lûk 1:80

A m bùgho wɛ ù te noō kpe tsughuu aŋ ghûw, kele tsughu fə̀ŋ, ù n nyə̀ mùghù dòʼò ndùw aŋ ŋgwən, dòʼò ko a fughu, ndùw kùm ndùw an tsuʼ fəla ù fə̀ kaʼ tsughu ghî ghə Ezə̀lɛ̂ ghò a alezoʼnlo a te.

Lûk 16:10

Ghùw wəla ù lǒ alenyɔ̀ʼɔ̀ kwuū kēlê nyàaŋ fə fəfə̀ghà, ù lò nû alenyɔ̀ʼɔ̀ kwuū kele sughò ndə̀m. Ghùw wəla ù yò aledòʼò tsəghatsəgha an nyàaŋ fə fəfə̀ghà, ù yò sughò aledòʼò tsəghatsəgha an ndə̀m.

Dzɔ̌n 12:6

Ù ka fə ghəa ghən kə̂a tsughu dzə̀ bòʼ ù fə̀ ŋgeē ləghaa aleyòsò ghì à laa gho, ù fə̀ êzə kəa tsughu bòʼ ù fə̀ lo ghùwtsɔ̀ŋɔ, à n naaŋ tsə̀ghà sùghò wə̄n kə̌aa kə kua u kədzeŋe u ghee wo, ù n tsoo nyɛʼɛ nìi sə̌aa tsə̀ghà sùghò ùkua a te.

1 Kòlentìan 4:2

Ghəa zəla ghe ləghaa â ghì ghəla ghe naŋa tsughu enyəa ghe e lɛnlo â ghəa ghən gho lo ko enyea, ghe ki alefwàʼ â Mughùbè ù ghee am fə̂ŋ e ghee a dzə̀m.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 4:8

Alemìasò tsughu shwaʼ waŋā waazə̂ ghaŋa gho, naŋa tsughu nlò moʼn zɛʼɛ zo an ghəa dzuŋ ghò àsùghò aŋ ghəa ghəla a ki kɔʼso mò, àsùghò ghəla alo tsəghatsəgha àsùghò ghəla alo èsəŋò, ghəa a zɔlɔ à sùghò ghəla ghî ləghaa alezuw àsùghò alekòʼ

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 5:17

Tsoʼ tə dzeŋe kə ghì a Kəzə̀ təla tə nyɔʼɔ̀ fwaʼā fwàʼ kə ghee ko, ki alekelê namso kə̀ dzûŋ kò àsùghò kɔʼso mò; a ka dɔ̂m taŋ ghəla ghe zughò shwaʼ u Kəzə̀ wò, zoʼn sùghò àghì.

1 Timotì 6:1

Ghî ghəla ghe lo kɔ̀ɔ mò ki alefughuu kɔʼso mò â ghe mughùbè a ghee gho, tò ghùw ù lì ka e kəaa boon ghəa zo an zən e Kəzə̀, àsùghò tsʉ̀ e sɛ̀ zò.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

Taetùs 1:3

A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.

Taetùs 3:4

A m bùghò ghe kuūwn dê tsughu sɛ̀ â dzɔ̀ e Zə̀ kəla kə bəghaasəa sɛ̀, à ləgha e Wə̄n zo,

1 Pità 2:12

E deē nlò mwam è dzûŋ zò am bvʉ̀a e ghì ghəla ghe kaām kwo yo Zè kò, to zə e lo enyəa mo ghe kwuu ko ùgəŋ a zəŋò ghɛ̀, ghe ŋ koʼò wo fwâʼ kɛʼɛ kə̀ dzûŋ kò, fughuu ùkɛɛ â Zə̀ kò an tsuʼ wəla kə kê kôom bughoo a te ebàm.

1 Pità 3:16

Kele tsugho nlò fə̀ŋ tə̀ zɔlɔ to, to enyəa abugho ghî a sûuwn ko ghɛ, ŋkāa teso bǒon mwam zɛʼɛ è dzûŋ zò am fwaʼ kɛʼɛ â Kə̀lestò, ghe n lo kelê tuw kə̀ dəla ko.

2 Dzɔ̌n 1:9

Ghùw wəla ù ndùuw ko â sə ko, mo ù bɔ̌ɔm bwìi ndùw yò an tsʉ̀ è Kə̀lestò, ù fi baʼso tsughu a wə̄n gho a te, ghùw ù te yo dzə alo kəfəgha kɔ mɔ̀ʼ ghèe Zə̀ kò. Ghùw wəla ù mughu am tsʉ̀ e Yɛso Kə̀lestò, ù lò alo kəfəgha kə mɔ̀ʼ ghèe ghê Tsele àsùghò Wɛ.