Taetùs 1:9 - To kə Kəzə̀ kə̀ Fughu ko

⁹ Ù kì aletɔ̀ʼɔ̀ kwuū tsʉ̀ è dzûŋ zəla ghe fə̀ zoʼn wə̄n a te, tò ù è lo aletoōn ndûuŋ ndûw ghì à li gho an tsʉ̀ è səŋò e te zo, ù e lo sugho alekomsô ghì ghəla ghe tuū maʼn tsʉ̂ è dzûŋ e te zo.

Taetùs 1:9 Iomraidhean Croise

Kə̀fwàʼ 18:28

tɔŋlo enyəa ù mò təmazəa tsughuu Tə̀dzûu ènyə mgbaŋ mgbaŋ, dèe tsùghuu alo kəmwàʼsò enyəa Yɛso lǒ Kə̀lestò.

1 Kòlentìan 14:24

Abugho ghee a dzəm kuūwn dzâa shʉghà u Kəzə̀ wò, ghùw wəlà ù dòʼkè boō fughu ŋkāa ghùw ù nughùnùghù vʉ̀a ù ndùw nyə wo fughu, ghe sò zǔuwkɛ̄lɛ̄ nǔ ghee, ghəa a te ghəla ù tɔ kɔʼ sô kɔlɔ̀ tsughu wə̄n aŋ ghəa a wə̄n à biigh gho.

1 Tɛ̀sàlonìan 5:21

E mɔmso koʼō nduw nlò ghəa ghəla ghe dzɛ̀ a dzə̀m, ghɛ̀ ŋ kuuwn nìi naāŋ wò ko ghəla a lo à dzûŋ ghò.

2 Tɛ̀sàlonìan 2:15

Waazə̂ ghaʼa gho, à fi lo enyəa ghɛ ki alefəghaan tee tsughu, ghɛ̀ gaʼ tsughu tuw ko an shwaʼ ù Kə̀zə̀ wəla ghǎʼ fə̀ naʼà wo â ghɛ̀ an dzə̂ ŋkāa à fə̀ tɔm wo alo kəmwàʼsò.

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

1 Timotì 1:19

Tɔ̀ʼɔ teme tsughu ko aŋghəa ghù boo fughu a te â Yɛso, ghù kele tsughu sughò fə̀ŋ è zɔ̀lɔ. Ghî à li a lo nû ghe kôom buʼù kɔʼɔ̄ shiāa yo aleghə̂əŋ ghəa zəla e lô tsəghatsəgha, ghəa a te yia a ghəŋlo, ghe yia kôom yo aleboō fughu â Zə̀ kò.

1 Timotì 4:9

Shwaʼ wən u lo êsəŋò, vʉa u kûum kpe sugho aleboō fughu a te.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

2 Timotì 1:13

Tiso kɔʼ tuw kə̀a kò aŋ ghəa ghən a dzə̀m mùgho mò zoʼn ghû a te, ghù e zoʼn nduūŋ nduw ghî à li gho a te. Abugho ghù ghəŋlo êzə̀, tee tən tsughu ko am fə̀ŋ zəla sɛ̀ gaʼ tsughu a zəŋò Zə̀ kò aŋghəa sɛ̀ lo alo kəfəgha kə mɔ̀ʼ sɛ̀ à ghê Kə̀lestò Yɛso.

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

2 Timotì 3:14

Yìa a bughò ghû, tee tən tsughu am fəgha kəla ghù lǒ mò ghù n zoʼnlo, boo tə̀n è tsughu, tɔŋlo enyəa ghù kwò nû ghùw wəla ù mò zoʼn ghû a te,

2 Timotì 4:3

Tɔŋlo enyəa, nəgha e lo kpee nù, ghî ghə̀ e ke tuu maʼn wo tsʉ̂ è səŋò zò. Ghe e ke kuuwn ləghaa ko alenùghù ndûw a n dzìi tə ghee, ghe e tɔɔŋ zuūŋ wo wàdè təla ghe ləghaa enyəa tə e fughu ghee â tsʉ̀ zəla ghe ləghaa alezūw.

Taetùs 1:11

Ghù kì aleghəə̄ŋ tsughu enyəa ghe bughū naŋâ shwaʼ ù laʼsō u ghee u te wo, nu ghe saʼà màʼn kàâŋ ndughu tə aghì enyəa ghe ka kele dzə̀ êsəŋò. Ghe fɔ tə aghəa tən fɛ ghəəŋ kaaŋ ko ghe sô səā â sə gho aŋ ghəa a ukʉ̄a.

Taetùs 2:1

Yia kuūwn bughò ghû a Taetòs, ghù ki alezōʼn nduw ko ghî ghò am fəgha kəla kə boōm dzəə̄ŋ nduw ghèe tsʉ̀ è səŋò zò (kùu ndùw Yɛso Kə̀lestò).

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.

Edêe Fughu 2:25

mò a mìaa ko yo enyəa ghɛ̀ tɔʼ kwu kele tsughu ko nlò ghəa ghə̀là ghɛ̀ bûʼ ki tò Ŋ̀ kê telè bughò.

Edêe Fughu 3:11

Ŋ̀ kuʼù bùghòo nù; tɔ̀ʼɔ naŋa tsughu nlò ghəa yìa ghɛ̀ ki ghè ghò, e kwo ghùw lò so e suʼù nughùun namso kɛʼɛ kò.

Edêe Fughu 3:3

Mòʼn wò nlò fəgha kəla ghe mò zoʼn tsughu ghɛ̀ a te, àsùghò ghəa ghə̀là ghɛ̀ mò zuw; ghɛ̀ e naaŋ lâŋ kə te ko, ghɛ̀ maʼa bo zo. Abugho ghɛ̀ tàʼkè nughù kɔʼ, Ǹ lo soʼō nyəa wô a zəŋò ghɛ̀ mò ghɛ̀ kwò naŋa yo tò ghûw ù tsɔ̀ŋɔ. Ghɛ̀ lo tsoo kele yo nəgha zəla Ǹ lo soʼō nyəā a te a zəŋò ghɛ̀.