Taetùs 1:8 - To kə Kəzə̀ kə̀ Fughu ko

⁸ Ù lǎam ki aledòʼò tsùghù ghùw wəla ù bɔŋɔ̄ naāŋ ghî ghò alô wə̄n, tèlè lə̀ghaa kô ghəa è dzûŋ zò, tɔ̀ʼ kwò sugho alekùu kɔlɔ̂ tsughu ghue u wə̄n. À è lo mò ù lǒ ghùw ù tsəghatsəgha, zɔlɔ sùghò, tɔ̀ʼ kwò sugho ghəa ù tiso ghuw kə ebwìi kə wə̄n ko a te.

Taetùs 1:8 Iomraidhean Croise

Lûk 2:25

Êzə̄ŋ, noo kə ghûw kə li kə n lo tsəgha an Yɛ̀lusalɛ̀m, ghe fə̀ tɔɔ̄ŋ wə̄n enyəa à lò Simìon. Ghùw wən n lo ghûw ù tsəghatsəgha, boo fùghù sùghò â Zə̀ kò. Ù n ləəm tsə̀ghà tsuʼ fəla Zə̀ kə̀ bəghaasəa Ezə̀lɛ̂ a te. Zuʼ tə̀ Zɔlɔ tə n lo tsəgha ghèe wə̄n.

Kə̀fwàʼ 24:25

A m bùghò Pôl tɔ̀ʼ teso tsughu tuŋlō u ghee wo aŋghəa ghî a ki alelo tsəghatsəgha a te, àsùghò aŋghəa ghî a ki alenaŋso ghuw kə e bwìi kə ghee ko a te, àsùghò aŋghəa Zə̀ kə̀ lo saʼā ghî ghò a te an tsuʼ fə̀ guŋso fo, Fɛlècks n tɛ̀ ètsəŋ, nùghù dzɛ̀ tsùghù enyəa, “Kə̌aa nùghu ndùw ezə̀ŋ, abugho Ǹ sô ndôʼ kele tsughu nəgha zo, Ǹ sô kôom tɔŋɔ̄ wô ghù.”

1 Tɛ̀sàlonìan 2:10

Ghue e ùghùe zɛʼɛ e kwo nû ghəa ghən gho, Zə̀ chia kə kwo sugho; enyəa mwam zaʼa a zəŋò ghɛ̀ ghəla ghɛ̀ boō fughu â Zə̀ kò mò zɔlɔ nû, lò tsəghatsəgha, ki sugho yo nùʼ tò.

1 Timotì 3:2

Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

1 Timotì 4:12

E kwo ko ghù lò bomlo enyəa ghùw ù lì koʼò lʉgha ghû mbuu ghù lò dzə̂ wɛ̂ɛtùghu. Ghùw kì aledòʼò tsughu tǒ tsə̌a è dzùŋ aŋghəa ghî ghela ghe boō fughu â Kə̀lestò lò alekòʼò nîi kɔʼ, an shwaʼ wûa ù kəaa wo, am mwam wʉ̂a ù dzûŋ wò, an ləgha zəghà â ghì ghò, am fə̀ŋ zə̀ghà zəla ghù gaʼ tsughu a zəŋò Kə̀lestò àsùghò am mùghùu zə̀ghà mò e ki yo dzʉ wo a te.

1 Timotì 6:11

Yia a bughò ghû a Timotì, ghù lǒ ghùw wəlà ghù lo mò ghù m boo fughu â Zə̀ kò. E kwo ko ghù lò boōm naāŋ dzʉ wə̄n wo, e kəŋo ko ghəa e tsəghatsəgha zo, fwàʼà ndùw fwàʼ kə Kəzə̀ kə̀a, naaŋ ndùw fə̀ŋ a zəŋò Zə̀ kò, ki sugho eləgha â ghì ghò; kɔɔn tsughu sugho fə̀ŋ, zumso tsughu sùgho ùghue.

2 Timotì 2:22

Zə̀gha màʼà ghəa à biigh ghəla ghâŋ fə̀ ləghaa aleghəŋlo. E dəma ko enyəa fə̀ŋ zə̀ghà e lo a zəŋò Kə̀lestò, ləgaa àghì, mùghù alo ebughunlo, lò sugho tsəghatsəgha. E fwàʼà ndùw êzə̀ ghɛ̀ à ghê ghî ghəla ghe kûu dîi dzâa nduw ghəa a ghee gho â Mughu ù te am fə̀ŋ è zɔ̀lɔ.

2 Timotì 3:3

Ghe e ke ki yo ləgha zo a zɔŋò ghùw ù lòʼ, ghuuw màʼn sùghò yo bo e ghûw zò, ghe ke maʼn kaaŋ nùʼ tò, ghe e ke mughu fùw kə emùghù kò, ghe ke e ləghaa yò alekòʼ ghəa è dzûŋ è li zo.

Taetùs 2:7

Ghuūghùe wʉ̂a Taetùs, ghù kì aledeē nduw tsə̌a aŋ ghəa à dzûŋ ghə̀là ghù ghəŋlo. E ti ko alo èsəŋò am fəgha kəla ghù děe ghè kò, e kwo ghù lò se nɔʼn ghəəŋ nù.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.