Taetùs 1:5 - To kə Kəzə̀ kə̀ Fughu ko

⁵ Mùgho fə̀ ghû fɛ aŋ Kə̀lêt naŋa taʼā tsughu enyəa ghù nəghaso mɛʼɛ̄ kaaŋ wo ghəa ghəla a fə̀ doʼò səā, àsùghò enyəa ghù tsuʼ kaaŋ nduw tsoʼ to an ndughù è kə̀zə̀ an nàʼà ŋ Kə̀lêk mə̀n n dzə̀m, aŋ ghəa mùghò fə̀ dzɛ̂ â ghù.

Taetùs 1:5 Iomraidhean Croise

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

Kə̀fwàʼ 2:11

mò ghî à li yia a lô Dzûu àsùghò Tòʼò zò mo ghəəŋ ndùw ghəa a zə̀ kə Dzùdîa, ghàʼ à li yia a sə wo an Kə̀lêt àsùghò ghì Alàb ghò — ghe yia ghe kə̂aa ghəa gho, ghàʼ a dzə̀m yia a zuuw nduw ghee ghe kə̂aa wô ghəa gho an sàʼà tə tənàʼà taʼa aŋghəa ghe dzâa kɔ tə aghəa tə̀ səŋò təla Zə̀ kə̀ lo mo kə m fwàʼ.”

Kə̀fwàʼ 27:12

A m bùghò à sò lo mō Zʉ̀ʉn kə kəlùʼu chī dzɔ̂ɔ yò aledòʼò fughu am fə̂ŋ è ùfwō, ndə̀m è àghì n sāan wò enyəa ghe nyəā ndûw an dzughùu, ghe lô kpaʼā ndûw səā am Fɔ̀enîks to ghe zʉ̂ʉn tsughu fughu. Fɔ̂eniks fə̀ dəŋò kə Kə̀lêt kəla kwə̀n u mo ndûw sueʼe doʼn tsəgha a fughu, kə fə̀ lɛɛn kɔʼɔ̄ ndûw dzuŋ ko am bà kə tsə kə bəŋo ko, lɛɛn tsughuu ndùw kə̀tsən am bà kə tsə kə̀ bəŋo ko sughò.

Kə̀fwàʼ 27:13

A m bùghò kʉ̀ɛɛ kə kaʼ tsughu aletsə̀ghà mo kə kɔʼɔ wò emàm alo edzūghōo alo edzūghōo, ghe n waa dzàa ko enyəa ghe lo nû alendùw â sə ko â mòʼnlò e ghee zo. Ghe ŋ kɔ̀ nùghù kɔ̀ʼ kənyə̀la, kàʼ ndùw a lùʼù nyəŋo wo, tsughuu ko kuʼkuʼ am bùghù e kùw kə Kə̀lêt chì.

Kə̀fwàʼ 27:21

Aŋghəa gha kə ŋge sə è tsughu mo ghe kaām fəgha kə zə naŋa, Pôl n tsə̀ghàsə̀ è wo, dzɛ̀ â ghee enyəa, “À waagho, abugho ghɛ̀ mò zuūw wô shwaʼ waŋa wo, to a ka mō zəghàa sə̀ wò dzə̌ Kə̀lêt a bughò noō wô fɛ̀, a guŋù kɔʼɔ̄ sughò ùfʉgha.

Kə̀fwàʼ 27:7

A n nyəŋ ko alo edzūghōo alo edzūghōo an tsùʼu n lǐ mò, bùghò tɛ̀ ko aŋ ŋgwə̀là tə Knidùs mo a ŋge də̀m tsùghù nû. A m bùghò kʉ̌ɛɛ chī doʼŋkè boo enyəa ghàʼ daŋso, a m bəghaso tsə̀ghà nyə̀ ndùw dzì am bà kəla kʉ̌ɛɛ kə fə̀ tsəghàa yo a te a tsəla kùw Kə̀lêt aŋ ŋgwə̀là tə Sàmonɛ̀.

1 Kòlentìan 11:34

Mò dzə̀ŋ zǎa ghùw wɛʼɛ ù li, ù n zə tən kɔʼ an ndughu alô wə̄n, enyəâ e kwo Zə̀ kə̀ lô saʼā ghɛ abugho ghɛ̀ bughò zûuŋ wo. Abugho Ǹ lo bugho, Ǹ lo bughò fughuu mɛʼɛ̀ wô tsʉ̀ è li zən.

1 Kòlentìan 14:40

Ghəa a te gho a dzə̀m kuuwn bɔ̌ɔm ki alebwiī kɔʼɔ nduw shìa fə̀shìa aŋghəa a ki alebwìi a te.

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

Kòloshìan 2:5

Ghəa M̀ bûʼ lɔʼso lô ko fɛ, fə̀ŋ zaŋa lo fi ezə̀ sɛ̀, yìa Ŋ̀ ki sughò duʼnzo alekòʼ aŋghəa ghɛ̀ mughù dzɔ a te àsùghò aŋghəa ghə̀la boo zɛʼɛ̀ e tɔ̂ʼ ti a te a zəŋò Kə̀lestò.

1 Timotì 1:3

Ghəa mugho fə̀ nughùn nduw a ŋ Mɛ̀sàdonìa, mùghò n dzɛ̀ â ghù enyəa, ghù dòʼòdòʼò tsughu ko an Efɛsùs. Dzǎa ndùw â ghî ghəla ghe zoʼn kaāŋ ghî ghò am fwə̀n tə aghəa mò à yò ghəa ghəla mùghò fə̀ zoʼn ghɛ a te, enyəa ghe bughū naŋa ghəa a ghee a te gho.

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

Taetùs 1:12

Ghùw ù Kə̀lêt ù lì, mò à fə̀ lo ghùwshʉ̀ghà am bvʉa e ghee mafə̄ bûʼ dzɛ̂ sùghò enyəa, “Kə̀letàn tə̀ tughu lò tsəgha ghî ghə agha, ŋgee zəa sùghò mo ghe lɛɛ nù, lò sugho nyôm tə ŋgwə̄n tə̀ biigh to.”