Taetùs 1:4 - To kə Kəzə̀ kə̀ Fughu ko

⁴ M̀ mwàʼsò kən fɛ tɔɔ wò â ghù a Taetòs, ghù kùm lǒ wɛ waŋā ù sə̀ŋò bòʼ ghàʼ à dzeŋe boo fughu â Kə̀lestò Yɛso. Gɔ̂ɔŋ zaŋa e lo enyəa to Kə̀zə̀, Tsele ù te, àsùghò Yɛso Kə̀lestò wəla ù Bəghāasəā sɛ̀, mô fughu ghû â bughuun zo, à dzùŋù mò.

Taetùs 1:4 Iomraidhean Croise

Lûk 2:11

Nɛ an tsuʼ u nɛ wən, ghe ŋ ghɛ̀ â tisûŋ dzə an naʼ e Dɛvìd mò à lǒ Kə̀lestò Mughu ù te.

Dzɔ̌n 4:42

Ghe mo â wìzən vʉ enyəa, “À kòom bùʼ kà yò ko ghəa ghə̀là ghù mò dzɛ â ghàʼ a ghəŋlo enyəa ghàʼ boō fughu â wə̄n, ghùe e ghùe zaʼā zə n zuw, yia a boō tsughu enyəa tûw wə̄n kûm lò Bəghambī.”

Lumà 1:12

Zə enyə lo enyəa to sɛ̀ a dzə̀m mò lò aleyòso ghue e sɛ aleghəŋlo enyəa sɛ̀ è nomlo am boo e sɛ â Zə̀ kò.

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

2 Kòlentìan 12:18

Mùghò mò ghu kə buʼ tsughu nû â Taetùs enyəa ù bùghò tɛ̂ a vʉ̀a ghɛ̀, mùghò n tum tsughu wàazə̀ ù sɛ̀ ù lòʼ enyəa ù bùghò ghèe wə̄n. Taetùs mò bugho nɔɔm ni nû fəgha kə̀ li ko aŋ ghùu ghɛ̀ à? Ghàʼ à ghee mò mgbaŋa bwiī ko yo ghuw ko kə mɔ̀ʼ à, ki sugho umwam ù mɔ̀ʼ à?

2 Kòlentìan 2:13

Zə ŋ kuuwn fə̄msō mùghò enyəa Ŋ̀ kâ wàazə̀ ù sɛ̀ Taetùs fughu kôʼ dzə̀. M̀ fi dzɛ̂ nù â ghee fughu enyəa ghe doʼò kədzûŋ, mùghò n nùghù dàŋso ndùw e zaŋā zo am mbùʼ e Màsɛ̀donìa.

2 Kòlentìan 4:13

Ghəa ghàʼ lo mò ghàʼ ki boo è mɔ̀ʼɔ̀ zo ghàʼ à ghê ghùw wəla ù tɔm tsughu enyəa, “Mùgho fə̀ boo tsughu nû, mùghò ŋ kə̀aa wò alo aghəa.” Sɛ̀ yia boō fughu tsugho sugho, sɛ̀ yia a kə̂aa wo ghəa gho.

2 Kòlentìan 7:6

Kə̀zə̀, kəla kə tsəmsō ghî ghəla fə̂ŋ tə̀ baŋā ghee, ŋ kuuwn dzə̀n wò fə̀ŋ taʼa aŋghəa kə fə̀ ghəəŋ tsughu enyəa Taetùs bùghò.

2 Kòlentìan 8:16

Ŋ̀ kuuwn fughûu zɔ̀ɔŋ kə Kəzə̀, Zə̀ kəla kə mò dzə̂n ndûw ghəa à dzûŋ à mɔʼɔ̄ ghəla Ŋ̀ ki a zəŋò ghɛ̀ am fə̂ŋ è Taetùs.

2 Kòlentìan 8:23

Yia a bugho Taetùs, à lǒ ghùw wəla ù dzeŋe fwaʼā ghàʼ à wə̄n alefwaʼā â ghɛ̀; yia abugho waazə̂ a sɛ̀ ghò, ghe lo tum tə dzweŋe u ghì a Kəzə̀ gho, ghe ghəŋlo enyəa Kə̀lestò kele ŋkɔʼso.

2 Kòlentìan 8:6

Zən lò e ghee ghàʼ buʼ tsughu ghu ko â Taetùs enyəa aŋghəa ù mò kaʼ naŋā tsughu dzə̄ dzɔ̀dzɔ̀ kə kəfwàʼ kən ghɛ̀ à ghee, ù mìasò mɛʼɛ̀ kɔʼɔ̄ ko nù.

Gàlashìan 2:3

Taetùs wəla ù fə̀ bûʼ lô ko ghàʼ à wə̄n, aŋghəa ù bûʼ lô ko ghùw Gə̀lêk, e fə̀ telē yo dzə̂ enyəa ghe ki alesugho tigh kə wə̄n.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Efɛsùs 1:2

Ghàʼ gɔ̂ŋlò enyəa to Tsele ù sɛ̀ Kə̀zə̀ àsùghò Mughùbè ù sɛ̀ mò fughu ghɛ â bughuun zo, ghe dêe sughò ghɛ̀ â dzɔ̀ e ghee zo.

Kòloshìan 1:2

M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe boō fughu tsughu â Kə̀lestò an naʼ e Kòlosɛ̀. Ghàʼ gɔ̂ŋlò enyəa to Kə̀zə̀, Tsele ù sɛ̀ mò fughu ghɛ â bughuun zo, Kə dêe sughò ghɛ̀ â dzɔ̀ e wə̄n zo.

1 Timotì 1:12

M̀ fughu kə̀zɔŋlò â Mughùbè ù sɛ̀ wəlà ù mò fughu mugho â nùŋ wò aŋ ghəa ghən, bòʼ ù maā kôʼ tsughu enyəa Ǹ lo nû tsəghatsəgha, ù n nì kɔʼ mugho alefwàʼ fwàʼ kə wə̄n.

2 Timotì 1:1

À lò mughu Pôl, tùm è Kə̀lestò, Ǹ tɔm wo mwàʼsò kən ko. À mò tsəm tsughu Kəzə̀, kə n tsɔʼ kɔʼ mugho enyəa Ǹ doʼò tùm è Kə̀lestò Yɛso. Kə n tùm sə̀ wò mùghò alezùghò naʼà wô to kəla kə fə̀ to naŋā â sɛ̀ enyəa sɛ kê kelê mùghù è doʼn təla zo aŋghəa sɛ̀ lô fəgha ko kə mɔ̀ʼ sɛ̀ â ghê Kə̀lestò Yɛso.

2 Timotì 1:2

M̀ mwàʼsò kən kə tɔɔ wò â ghǔ a Timotì, ghù wɛ waŋā ù tsùʼu. Ŋ̀ gɔ̂ŋlò enyəa to Kə̀zə̀, tɔɔŋ Tsele ù te ghèe Mughùbè ù sɛ̀, Kə̀lestò Yɛso mò dê ghù â dzɔ̀ e ghee zo àsùghò se è kwuso zo, ghe fughuu sughò ghù â bughun zo.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa

Taetùs 1:3

A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

2 Pità 1:11

ghe kê kpeēnîi sughò ghɛ̀ am fɔ̀e ù doʼn təla wəla à ki Mughùbè ù sɛ̀, tɔɔŋ Bəghambī, Yɛso Kə̀lestò.

2 Pità 2:20

Abugho ghî à lo mo ghe n tì zə̀ghà sə̀ wò bo e mbī zo aŋ ghəa ghe kele tsughu Mughùbè ù sɛ̀, tɔɔŋ Bəghambī Yɛso Kə̀lestò, ghe yìa kôom bughô fwə̂n kpeʼe ndûw kɔ̂ wò â bo e te zo, ghe bo tsə̀ghàsə̀ ghəa ghe fə̀ bûʼ lò tsəghà a te aŋghəa ghe fə̀ lo mo ghe kaām kele səŋò zò.

2 Pità 3:18

Zə êzəŋ e lo enyəa, to dzɔ̂ e Mughu ù te, tɔɔn Bəghambī ù sɛ, Yɛso Kə̀lestò àsùghò tɔ wəla ghɛ̀ ki kùu wə̄n mò ghəŋlo enyəa ghɛ̀ e ŋgee noōm dzɔɔ̄. To ghî mô kɔ̀ʼso tsə̀ghà wə̄n to mbī kê bughò mîa. Zə e lo ko êzə̀.

2 Pità 3:2

Ǹ ləghaa enyəa ghɛ̀ e moʼn tsughuu shwaʼ wəla ghiīshʉ̀ghà à zɔlɔ a fə̀ dzɛ̂ naŋā â wìiwì, àsùghò alezə̀əŋ wô ghɛ̀ an lwàŋ u Mughu ù te, tɔɔŋ Bəghambī, wəla tum tə̀ zɔlɔ tə fə̀ dzɛ̂ naŋā zîi wo â ghɛ̀.

1 Dzɔ̌n 5:14

Sɛ̀ ki yo tsəŋ zo a vʉ̀a Zə̀ kò, bòʼ a kwo nû enyəa ù sò zǔuw nû sɛ̀ abugho sɛ̀ bvʉ nduw wə̄n â fəgha ko an dzì zəla ù ləghaa.

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.