Taetùs 1:3 - To kə Kəzə̀ kə̀ Fughu ko

³ A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.

Taetùs 1:3 Iomraidhean Croise

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Mâk 13:10

Ghe bûʼ kì dzə alenàʼà tùm è dzùŋ zən â nàʼà tò tə dzə̀m.

Mâk 16:15

Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Lûk 1:47

Fə̀ŋ zaŋa zə̀ èduʼnlo bòʼ Kə̀zə̀, ti usûŋ waŋa,

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Kə̀fwàʼ 17:26

Ù fə̀ ni kɔʼ ghùw u mɔ̀ʼ bɔm tsughu ghî a nàʼà tə̀n tə̀ dzə̀m tə̀ dzə̀m fɛ am mbī, ghəəŋ tsughu ghe m mùghùu ŋgə̀a wò mbī e dzə̀m. Ghuūghùe u wə̄n wə m fəghaan naŋa zìi tə̀n tsùghù sùghò nəgha tə te to, naŋa kaaŋ ndùw sùghò tee e lùʼù təla ghe kê mughùun kaāŋ nduw a te.

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Lumà 5:6

A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

1 Kòlentìan 9:17

Abugho M̀ mô fwàʼ kən kə fwaʼà enyəa à tsò tsəm kɔʼ ko mùghò, to ghe mô tsə̌a mùghò a te. Abugho à kuūwn lô enyəa à kà mùghò tsə̂m kɔ̀ʼ dzə̀, à fi lo enyəa M̀ fɛ fwàʼà fəgha kəla Mughu ù te fughu â mùghò enyəa mùgho è fwaʼā.

Gàlashìan 4:4

A ŋ kuuwn bùghò nəgha e te e biso kpe tsughu, Zə̀ kə̀ n tùm sə̀ wò Wɛ ù wə̄n. Wɛ ù te n nyə wò am mbī mò à wə̄n dzə wò wìzən, wɛ wən m noo kɔʼ a tsəlà làŋ kò.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

Efɛsùs 2:17

Zən lò e ghee Kə̀lestò mò bùghò kə̂a wô shwaʼ u dzûŋ wo alenìi wo è bughunlo â ghì ghə̀n à dzə̀m — â ghɛ̀ a Toʼò zò, ghɛ̀ ghəla ghɛ̀ mò tso kaām kwo yo Zə̀ kò, àsùghò Dzûu tò, ghe ghəla ghe tsoo kwo wə̄n.

Fèlepìan 1:13

Tɔŋlo enyəa, gbè tə tɔʼ tə dzə̀m an Lumà, àsùghò ghì ghò a dzə̀m fɛ kwo nû enyəa M̀ fɛ aŋ kwə̀n lǒ zuŋufia Ǹ lô kɔ̂ɔ fə Kə̀lestò fò,

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

1 Tɛ̀sàlonìan 2:4

Ghàʼ ghəa ghən fɛ kə̀aa wò tò ghî ghə̀là Zə̀ kə̀ lo mo kə m fughu naŋa làbəlà è dzùŋ è te â ghee, ghàʼ kə̂aa dzə̀ yò fəgha kəla ghî à ləghaa, ghǎʼ kuuwn kə̀a wò fəgha kə̀là Zə̀ kə̀ ləghaa enyəa ghàʼ e kəaa, Zə kəla kə kwo fə̂ŋ tə aghì tò.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 1:11

Tsʉ̂ zən sə kɔʼ an làbəlà è dzùŋ zəla Ǹ zoʼn wô ghî gho a te — làbəlà è dzùŋ zəla Zə̀ kə̀ ghaʼa kəla ghî à kɔʼso fə̀ fughu wo â mùghò.

1 Timotì 2:3

Ŋgòʼ è mùghù zən enyə; alegɔ̀ŋlò an tuw u àghì dzɔ̀ɔ nù, zəa e tsəmso sugho fə̀ŋ è Zə̀ kəla kə bəghaasəa ghî ghò.

1 Timotì 4:10

Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.

Taetùs 2:10

ŋkāa kɔ̀ɔ mə̀ è ka e tsɔŋɔ sugho fʉgha u ghee wo. Ghe ki alekuūwn deē nduw mwam è dzûŋ zò an dziī zəla ghùw lò alegaʼ fə̀ŋ a zəŋò ghee, to ghî ghə̀ è koʼo tɔɔ wo mwam e ghee è dzûŋ zò, ghî a te ghə e ləghaa alezəəŋ shwaʼ u Bəghambī ù sɛ̀, Kə̀zə̀.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Edêe Fughu 14:16

Ghùw vʉ̀a ù mò doʼ an mbàʼ zə fi shʉ̂aa wò nù nyə fə wə̄n fo aŋ ghueekətsə̄, kwùu nùghù kɔ̀ʼ ufʉgha a te a te, dùum nùghu kwən e nduw.