Taetùs 1:2 - To kə Kəzə̀ kə̀ Fughu ko

² Tsʉ̂ è səŋò zən lo ghəəŋ nù ghe lo e mughu, kwo tən enyəa ghe lo kelê mùghù e doʼn təla zəla Zə̀ kəla kə kaʼn yô gha gho fə̀ to naŋā â wǐiwì.

Taetùs 1:2 Iomraidhean Croise

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Matìo 25:46

Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”

Mâk 10:17

Ghəa Yɛso zə̀ghàan tsughuu â nùghù kò, ghùw ù lǐ n nyə̀ŋ ndùw tə̀m ndùw tuw wə anyʉ̄ a vʉ̀a wə̄n, bvʉ â wə̄n enyəa, “Wàdè ù dzùŋ, Ŋ̀ ki aleghəə̄ŋ tsughu êndūghō, Ǹ zə etsɛlɛ̀ lo a?”

Mâk 10:30

ghùw ù te lo kele tə̀ndughu, ù lo kelê waazə̂, ghê zə̀ àsùghò ghê tsele, àsùghò wɛ gho, àsùghò sum zo ndə̀m tò mughu fədzughù an tì kə̀n àsùghò an tì kəla kə lô â sə ko ù lo zəā yô tsɛlɛ̀ zò, ù è ke koʼo sugho yo tsû wò.

Dzɔ̌n 10:28

M̀ fughuu ghee a mùghù zəla e doʼò tən, ghee kê yò sùghò alekpuūw ləŋe; fəgha kə̀ li kə yo alenìi nughù ghee aŋ ghùu mùghò.

Dzɔ̌n 17:2

bòʼ enyəa, ghəa ghù lo mò ghù m fughu wə̄n â daʼa ko a zəŋò ghì ghò a dzə̀m, enyəa ù è lo alefughu mughù è doʼn təla zo â ghî ghə̀là ghù fughu â wə̄n.

Dzɔ̌n 17:24

Tsele, Ǹ ləghaa enyəa ghî ghəla ghù fughu â mùghò, ghe e lo ghàʼ à ghee an lùʼù kəla Ŋ̀ kê lo a te, to ghe lo e bɔŋɔ̄ koʼō tughu zaŋa zo; tughu zəla ghù mò fughu â mùghò, bòʼ ləgha zəla ghù fə̀ ki kele a zəŋò mùghò to mbī e bùghò zîi tsughu.

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Dzɔ̌n 6:54

Ghùw wəla ù pfʉ nyòm è ùghùe zaŋā, mʉ̀ sùghò kàŋ taŋa ki mughùu zəla e doʼò tən, Ǹ lo ghəŋlo ù kpuūw kɔʼɔ̄sə̄ alo evʉ̄ an tsuʼ fəla fə doʼò gûŋsò tsughu;

Dzɔ̌n 6:68

Sàemòn, tɔɔŋ Pità m bɛ̀lɛ̀ tsùghu wə̄n enyəa, “Mughubè, ghàʼ lo alekòom ndûw a vʉ̀a ndùghò à? Shwaʼ wʉ̀a ù ki mughù zəla e doʼò tən.

Kə̀fwàʼ 15:18

Mughu ù te mò ghəəŋ tsughu enyəa ghî à kelê ghəa ghən â wǐiwì.’ ”

Lumà 1:2

Làbəlà e dzùŋ zən lo zəla Zə̀ kə fə̀ ki to naŋā â ghì a wə̄n gho, mò ù tum nàʼà wò â ghǐisʉghà a wə̄n gho, tò aŋghəa ghe tɔm naŋa am mwàʼsò kə Kəzə̀.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 5:2

À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Lumà 5:4

Abugho sɛ̀ kɔlɔ tsughu fə̂ŋ tò alo eghəa, Zə̀ kə n duʼn sɛ̀ à ghee. A m bùghò kə duʼn sɛ̀ à ghee, ghəa a te ghə ŋ ghəŋlo sɛ̀ n chîi tùʼ enyəa a lo zəa nù tuw ko.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

1 Tɛ̀sàlonìan 2:15

Ghɛ̀ kwo nû enyəa à fə̀ lo Tə̀dzûu tə fə̀ wi maʼa Mughu ù te, Yɛso, wiin màʼà sùghò ghì a ushʉghà a Kə̀ zə̀ à li gho, fəmso kaaŋ sùghò ghàʼ. Ghe fə̀ ghəəŋ ghəa ghə̀là Zə̀ kə̀ ləghaa dzə̂ yo, ŋaŋà ndùw àghì a dzə̀m.

1 Tɛ̀sàlonìan 5:8

Yia a kuuwn bugho sɛ̀ ghəla a lô wɛ a tsə̂ ghò, a ki alenaŋsō ghuw kə e bwìi kə sɛ̀ kò, a gaʼā ndûw fə̀ŋ a zəŋò Kə̀lestò, àsùghò enyəa, a e ləghaa ghue e sɛ̀ zò; sɛ̀ e ghəŋlo enyə tò kəkə̀ŋ sɛ̀ dzəlà kele alo kəchīchī alekə̀əŋ. Sɛ̀ e ndzəmā chiī sugho tùʼ enyəa a lo zəa nù tuw ko, tò a e soō alo kətàŋlò a dzəlà kele kɔʼ alo kətūw.

1 Timotì 6:12

Ghù bǒo fughu â Zə̀ kò, e təma nduw tsàm è dzùŋ zən am bo e te zo alekelê mughù è doʼn təla zəla ghe fə̀ tɔŋɔ̄ ghû a te, an nə̀gha zəla ghù fə̀ boō fughu â Zə̀ kò an sə kə ndə̀m è àghì àsùghò enyəa ghù kè tì zə̀ghà kòʼ yò alefwàʼ â Zə̀ kò.

1 Timotì 6:19

Abugho ghe fwaʼà dzə ezə̀, ghe fi seen naŋa bʉ̀ghànlò u ghee ù dzûŋ wò â sə ko aŋghəa ghe lo alekele mughù èsəŋò zò.

2 Timotì 1:1

À lò mughu Pôl, tùm è Kə̀lestò, Ǹ tɔm wo mwàʼsò kən ko. À mò tsəm tsughu Kəzə̀, kə n tsɔʼ kɔʼ mugho enyəa Ǹ doʼò tùm è Kə̀lestò Yɛso. Kə n tùm sə̀ wò mùghò alezùghò naʼà wô to kəla kə fə̀ to naŋā â sɛ̀ enyəa sɛ kê kelê mùghù è doʼn təla zo aŋghəa sɛ̀ lô fəgha ko kə mɔ̀ʼ sɛ̀ â ghê Kə̀lestò Yɛso.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

2 Timotì 2:13

Abugho a tâʼkè gaʼ fə̀ŋ è sɛ̀ e dzə̀m a zəŋò wə̄n, Ù è naam lo ko ghùw wəlà ù lǒ ghè wò, tɔŋlo enyəa ù yò dzə aletuū maʼà ghue u wə̄n.

2 Timotì 2:15

E dəmā təla tsughu enyəa ghù è lo ghùw ù kə̀fwàʼ wəla Zə̀ kə̀ tsoʼn ghèe wə̄n, ghùw ù kə̀fwàʼ wəla ù də̀nsò yô tuw ko, wəla ù tèlè kwu kele shwaʼ u Kəzə̀ wə̀ êsəŋò wo aŋ ghu kə̀ dzûŋ kò.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Taetùs 2:7

Ghuūghùe wʉ̂a Taetùs, ghù kì aledeē nduw tsə̌a aŋ ghəa à dzûŋ ghə̀là ghù ghəŋlo. E ti ko alo èsəŋò am fəgha kəla ghù děe ghè kò, e kwo ghù lò se nɔʼn ghəəŋ nù.

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 17:8

Nyòoŋgwən è te fə̀ lo tsəgha nû, zə̀a è kòom yo, zə̀a è kuuwn kòom kì alesəa kɔʼɔ̄ wo am bùʼ kəla kə doʼŋkè kuʼù, è ndùw an lùʼu kəla ghe ki aledzùuw maʼà wə̄n a te. Ghî ghəla ghe mughù fɛ aŋ ghueekətsə̄, ghe lo mo ghe kaām tɔm zən a ghee gho am mwàʼsò kə emùghù aŋghəa mbī fə̀ kaʼ tsughu, dzughu ghe lo e zuu ghee alekòʼ nyòoŋgwən è te, mbuu è fə̀ lo nû, zə̀a è mò kôom yo tsəgha, zə̀a è kòom ki alebùghò.