Taetùs 1:15 - To kə Kəzə̀ kə̀ Fughu ko

¹⁵ Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Taetùs 1:15 Iomraidhean Croise

Matìo 15:18

Kəlā kə səā wo alo edzughu, à lò fəgha kəla kə sə kɔʼ wo am fə̂ŋ è ghùw, à lò kə ghee kə boōn ghùw.

Kə̀fwàʼ 10:15

Ghùw vʉ n dzɛ̀ kpèʼe wò â wən enyəa, “Fəgha kə̀là Zə̀ kə̀ sûw naŋā tsughu ghù kì yo aledzɛ̀ enyəa bughōo kə enaʼ kə kâ bǒo.”

Lumà 14:14

Ŋ̀ kwo nû aŋghəa Ǹ lô fəgha ko kə mɔ̀ʼ ghàʼ à Mughu ù te Yɛso enyəa fʉghazəa ù li yo dzə̂ u dzɔ̂ɔ yo â ghì ghò alezəa. Abugho ghùw ù li kuuwn moʼnlò enyəa fʉghazəa u te u dzɔ̂ɔ yo alezə, a fi lo enyəa e dzɔ̂ɔ yò â wə̄n alezəa fʉghazəa u te wo.

Lumà 14:20

E kwo ko fəgha kəla ghɛ̀ zəa kə lô so e boon màʼn fwàʼ kə Kəzə̀ kò. Ghɛ̀ lo nû alezə ufʉgha u dzə̀m, e kǔuwn boo ko alezə fəgha kəla kə lo aleghəŋlo enyəa ghùw u lì bvʉ̀ aleghəŋlo èbo.

Lumà 14:23

Ghùw wəla tuw kə kpuūw wən am fəgha kəla ù zəa ghè kò, Zə̀ kə̀ n nì ghuẁ u te enyəa ù m bvʉ̌ saʼ abugho ù zə fʉghazəa u te wo, nu ù kà ghə̌əŋ dzə̀ ghəa zəla ù e dêe enyəa ù boō fughu â Zə̀ kò. Ghəa zəla ghùw ghəə̄ŋ tsughu mo e dêe tsùghù enyəa ù kà bǒo fughu â Zə̀ kò lò ghəa è biigh zo.

1 Kòlentìan 10:23

Ghî à li a dzâa tsùghù enyəa, “Ŋ̀ ki nû daʼa ko aleghəŋlo àghəa dzə̀m.” À kǔuwn yò dzə̂ aghəa à dzəm a lô ghəa à dzûŋ ghò an sə kə Kəzə̀. “Ghe n sɛ̀ zəghàa màʼà enyəa sɛ̀ e lo aleghəŋlo àghəa a dzə̀m.” À kǔuwn yò dzə̂ aghəa à dzəm a lô aleyòsò ghùw.

1 Kòlentìan 10:25

E pfʉa nyòm zən e dzə̀m ghe fênlo an tia e nyôm mò ghù kà ghəa gho am fə̂ŋ zəghà bvʉ̀nlo, ghəa a te a lô fəmso fə̀ŋ zə̀ghà.

1 Kòlentìan 10:31

À fi lo enyəa abugho ghù zəā ŋkāa ghù mʉā fəgha kə li ko, e ghəəŋ ghəa a te gho alefughuu nduw zɔ̀ɔŋ kò â Zə̀ kò.

1 Kòlentìan 8:7

Abugho e lô ko ênzə̂n, à yò dzə̂ aghî a dzə̀m ghe kwo ghəa ghən gho. Ghî à li gho, ghəa ghe lo mo ghe ŋ kwonlo aŋ ghəa a mùʼù, abugho ghe zəa fʉgha wəla ghe kûm fughu nduw â mùʼù mò; fə̂ŋ tə ghee tə n saʼa ghee, tə sô tughū yo, ghe m moʼò enyəa ghe ŋ ghue e ghee e dzəso.

1 Timotì 6:5

Ghî ghən lo tsəgha ko alo kəzùghù, tɔŋlo enyəa ghe moʼn tə̀la ko èbo, ghe sô kôom kwo dzə̂ yo səŋò zò. Ghe sô moʼnlò enyəa fwàʼ kə Kəzə̀ kə lo alekə̄ŋ ekum a te.

Hibùlù 10:22

E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.

Hibùlù 12:15

Də̀ma tsughu nlò enyəa e kwo ghùw wɛʼɛ u mɔ̀ʼ lo bvʉ̂a səā mò ù kà kèle dzɔ̂ e Kəzə̀ zò. E kwo ko ghùw wɛʼɛ u mɔ̀ʼ lò doʼn tsughu nâŋ kə biigh ko am bvʉa zɛʼɛ, kəla kə lo aleghəŋlo unwâŋ u dzə̀m fîaa.

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.