Taetùs 1:10 - To kə Kəzə̀ kə̀ Fughu ko

¹⁰ Ŋ̀ ghəa ghən kə̂aa bòʼ ndə̀mà tə aghì tə̀ lo nû ghe tuū mâʼn êsəŋò, ghî ghəla ghe kə̂aa kaāŋ zuum tə aghəa to, fɔɔ kaaŋ sùghò tɔ u aghì an làʼsò zəla ghe kəaa ghè zò, a ka dɔ̂m tàŋ ghî ghəla ghe teē tən tsughu ko am bùghoo kə Tə̀dzûu kən enyəa to ghe mô tèlè sùghoo tsughûu tiigh kə ghûw.

Taetùs 1:10 Iomraidhean Croise

Matìo 23:14

[Ghɛ̀ ghê Dèekə̀làŋ, ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ tsêe yiikpūw, ghɛ̀ yia nɔɔ̄m zəa fʉgha u ghee wo, kuuwn fəŋo wò sə a aghì an də̀ghàdə̀ghà tə egɔ̀ŋlò. Ŋgoʼ zɛʼɛ̄ lo tsə̀ghàasə̌a è ghì à li ghən bòʼ ghəa ghən.]

Kə̀fwàʼ 11:2

A m bùghò Pità sò kɔʼ nduw an Yɛ̀lusalɛ̀m, Dzûu təla tə mò lo mo ghe m boo Zə̀ kò ŋ kàʼ ndùw wən a lùʼù saʼa wo,

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 20:29

Ŋ̀ kwo nû enyəa abugho Ǹ lo buw am bvʉa zɛʼɛ̄, ghî à li a lo ndùw bùghòo nù tò ubʉgha, ghe bughò saʼà maʼà tsughu ghɛ.

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Efɛsùs 4:14

Sɛ̀ kê koom yo dzə̂ wɛghêtùghù gho, enyəa mo à bugho ko ndughò à tsʉ̀ zə agha e wən zo a n sə̀ tə̀ŋò ndùw a baa wən tò tùŋutùŋù kə dzughù kə̀ lô tûuŋ kaāŋ kwə̀n ko an dzughù.

1 Timotì 1:4

Dzâa ndùw â ghee enyəa ghe bughūu naŋa alezuum taŋso kaaŋ wii to kùu ndùw ghê tsele a ghê tsele a ghee. Ghea a te a ghəəŋ nù ghî ghə̀ m pfʉa adzughu aŋ ghùe è ghee kə̀nughùnùghù. Ghəa a te a yôsò ghùw alefwaʼā fəgha kəla Zə̀ kə̀ ləghaa, mò ghùw lò ko alefwàʼ fəgha kəla Zə̀ kə̀ ləghaa abugho ù boō fughu tsughu â Kə̀lestò.

1 Timotì 1:6

Ghî à li ghə n zə̀ghà màʼà səŋò zən zo, kuuwn sə̀ tsə̀ghà tsùghù alekəā kaaŋ shwaʼ ù laʼso wo.

1 Timotì 1:9

A kwo sugho nû enyəa ghe kâ lâŋ kə̀ naŋa dzə̀ â ghî à dzûŋ ghò; kə kuuwn lò â ghì ghəla ghe bvuʼū lâŋ kò àsùghò ghəla ghe ghəə̄ŋ fɛ̀ɛn tə aghəa tə̀ biigh to, â ghì ghəla ghe moʼò enyəa Zə̀ kə̀ yo, ghəla ghe ghəə̄ŋ dzə̀adzə̀ tə aghì təla tə ki yo fəgha fwàʼ kə̀ li ko, àsùghò â ghì ghəla wiī maʼn tsughuu tsele ŋkāa zə̂, ŋkāa ghe gbôo ghùw.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

2 Timotì 4:4

Ghe lo e tuu alezənlo êsəŋò, ghe e ləghaa ko alezəə̄n kaaŋ zuum tə n zə̀azə̀a tò.

Taetùs 1:6

Tsoʼ è ndùghù è Kə̀zə̀ ki alelō ghùw wəla ù ki mwam ù dzûŋ wò, mò ghùw yò alesɔ̀ʼ kə̀ghu a zəŋò wən enyəa ù mò ghə̌əŋ bonlo èghəa, mò ù kì ko wi u mɔ̀ʼ, mo wɛ a wə̄n ghə m boo fùghù sùghò â Yɛso, tughuu sùghò yò â tuw ko, mo ghe kâ sə̀ bò sùghò.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 2:4

Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

Edêe Fughu 2:14

Nyàaŋ mə̀ ŋ ghə̀anlò n li lo ko nù Ǹ saʼa ghɛ a te; ghî a lo nu fì êzə̀ ghɛ̀ a ghee ghe bwiī an tsʉ̂ e Balàam zò, Balàam wəla ù fə̀ zoʼn tsughu Balàk aŋghəa ù lò aleseē nyəa ghî ghə Ezə̀lɛ̂ a te alo ebō, mò ù ghee gɔ̂ɔŋ tsùghù nû enyəa ghee e zəa fʉgha wəla ghe sɛ̂ nduw alo uzʉ̀kɔ̂ŋ, àsùghò enyəa ghe e ndzaŋa naʼ zo alo enùŋlò.

Edêe Fughu 2:6

Ghɛ̀ naam kuuwn ki nû ghəa è dzûŋ e li zo ghɛ̀ ghəŋlo, ghɛ̀ bâa ghəa ghəla ghî ghəla ghe boō fughu â Nikòlus ghəŋlo tò aŋghəa M̀ bâa sugho.