Taetùs 1:1 - To kə Kəzə̀ kə̀ Fughu ko

¹ À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

Taetùs 1:1 Iomraidhean Croise

Lûk 18:7

Bùghò ŋgòʼ è ghùw wən lô alekə̀a èghəa tò zən, Zə̀ kə̀ yo ênzə̂n aledaŋso saʼā fughuu kɔʼ sāʼ â ghì ghə̀là ù ləghaa lo, abugho ghe dîi zeē a vʉ̀a wə̄n à, ntsuʼu n dzə̀m n dzə̀m a? To ù kòom lɛɛ̄n boo enyəa gha kə sə mò ù kà êzə̀ â ghee ghəŋlo à?

Kə̀fwàʼ 13:48

A m bùghò Toʼò è zuw tsughu ghəa ghən, ghe n duʼnlo, kɛɛ Mughubè ù te bòʼ shwaʼ u wə̄n; ghî ghə̀n à dzə̀m Zə̀ kə fə̀ tsɔʼ naŋā tən enyəa ghe kê zə etsɛlɛ̀, ghe m boo fùghù ndùw à Kə̀lestò.

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

Efɛsùs 2:8

Tɔŋlo enyəa à ghəə̄ŋ dzɔ̀ e Kəzə̀ enyəa ghɛ̀ zə tuw ko bòʼ boo zəla ghɛ̀ ki â Kə̀lestò. À kà ghə̀əŋ tsùghù dzə̀ ghɛ enyəa ghɛ̀ zə tuw ko, à lǒ fughu kə Kəzə̀.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

1 Timotì 2:4

Zə̀ kəla kə ləghaa enyəa tò aghî a dzə̀m am mbī mô zə kətuw ghe kele sughò èsəŋò.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

1 Timotì 6:3

Abugho ghùw zoʼn ghî gho an tsʉ̀ è nughù zò tsə̀ghàa sə̌a ko yo zəla M̀ fughu wo â ghù, mo tsʉ̂ e te e boom dzəəŋ yo ghèe tsʉ̀ e Mughubè ù sɛ̀ Yɛso Kə̀lestò àsùghò zəla e zoʼn ghî ghò alemughu aŋghəa Zə̀ kə̀ ləghaa enyəa sɛ̀ è mughu a te.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

2 Timotì 2:23

Kà boo naŋā shwàʼ ù laʼso wo, kà è təmadzəəŋ sugho ghɛ̀ à ghê ghì ghəla ghe pfʉā kaāŋ dzughu gho an làʼsò tə aghəa, tɔŋlo enyəa ghəa a te a ghəəŋ nù ghî ghən zùghùu zěe.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.

2 Pità 1:3

Daʼa kə Kəzə̀ kə̀ m fughu sɛ̀ â fʉgha wən ù dzə̀m sɛ̀ ki alekele alemughu mughù è zɔlɔ zo, aŋghəa sɛ̀ kwo dzə wə̄n wəla ù mò tsɔʼ kɔʼ sɛ̀ alemùghù aŋ kɔʼso ŋ wə̄n àsùghò dzɔ̀ e wə̄n zo.

2 Pità 3:11

Ghəa e lô enyəa ghe lô fʉgha wə̀n ù dzə̀m dzûuw màʼnlò an dziī zə, e fi lo enyəa ghɛ̀ ki alemùghù mùghù è zɔlɔ zəla Zə̀ kə̀ ləghaa,

1 Dzɔ̌n 2:23

Ghùw ù li yo ù tuū màʼn wɛ, vʉ̀a ù kuūwn kwo Tsele ù te. Ghùw wəla ù boō fughu tsughu â Wɛ kwo sugho nu Tsele ù te.

Edêe Fughu 1:1

Ghən lò ghəa ghəla Yɛso Kə̀lestò fə̀ dê fughu wo â Dzɔ̌n. À fə̀ ghəa a te gho â wə̄n fughu Kəzə̀ enyəa ù dèe tsughu â kɔ̀ɔ ŋ wə̄n mò tò ghe kele tsughu ghəa ghəla a ki alekùʼù nî kə̀bala. Kə̀lestò ŋ ghəəŋ tsughu enyəa ghî à kelê ghəa ghən mò ù tùm ndùw tsə̀ndə̄ghā e wə̄n a vʉ̀a kɔ̀ɔ fə wə̄n fo, tɔɔŋ Dzɔ̌n.