Matìo 9:9 - To kə Kəzə̀ kə̀ Fughu ko

⁹ Ghəa Yɛso zə̀ghàa tsughu luʼu chi ko, nughùun ndùw, ù ŋ kòʼ tsùghu dzə̀akə̀mwàʼsò ù lì ghe mò tɔŋlo enyəa à lò Matìo, mò ù lǒ an lùʼù kə kəfwàʼ kə wə̄n. Ù n dzɛ̀ â wə̄n enyəa, “Nùghù wò a bǎà mùghò.” Matìo n nùghù ndùw sùghò a bàâ Yɛsò.

Matìo 9:9 Iomraidhean Croise

Matìo 10:3

Àsughò Felêp, à Bàtòlòmîa; Tɔ̀mâs, à Matìo tɔɔŋ dzə̀akə̀mwàsòʼ, àsùghò Dzɛ̂ms, wɛ̀ ù Afìus, à Tàtîa;

Matìo 20:4

ù n dzɛ̀ â ghee enyəa, Soʼ fwàʼa sùghò nlò an sum waŋā, Ǹ sô tsə̌a nù ghɛ â fəgha kəla kə kwuū ghəa zo. Ghe n sòʼ ndùw è sugho.

Matìo 8:22

Yɛso m fwə̀n dzɛ̀ ndùw â wən enyəa, “Bùghò a nughù. Zə̀ghaa ndùw ghî ghəla ghe lo tò ghî à kpuuwn gho a tsəlā ndûw ghì à kpuwnlo a ghee gho.”

Matìo 9:10

Yɛso n ndùw gùŋsò alô Matìo, a m bùghò ghe sô zəā, ghê dzə̀akə̀mwàʼsò à li gho ndə̀m ghèe ghê ghì ghəla ghe fə̀ bâʼzəghā enyəa ghe bwîi yò an làŋ kə Musî m bùghò nyàʼa dzəəŋ wò alezə ghèe ghê Yɛso àsùghò tsə̀təndə̄ghā tə wə̄n to.

Mâk 3:18

Andùlù n lo mɔ̀ʼ, àsùghò Felêp, àsùghò Bàtòlòmîa, àsùghò Matìo, àsùghò Tɔ̀mâs, àsùghò Dzɛ̂ms wɛ̀ ù Afìus, àsùghò Tàdîos, àsùghò Sǎemòn, ghùw wəla ù fə̀ ŋeē ləghaa naʼ e wə̄n zo,

Lûk 6:15

nì sə̀ wò Matìo, nì sə̀ wò Tɔ̀mâs, nì sə̀ wò Dzɛ̂ms, tɔɔŋ wɛ ù Afìus, àsùghò Sǎemòn, tɔɔŋ ghùw ù Zilɔ̀t wən.

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Gàlashìan 1:16

Kə n lə̀ghà tsùghù sùghò aledèe wô Wɛ ù Wə̄n â mùghò aŋ ghəa ghəla Ǹ lo alendùw zughòo zən e wə̄n â Tòʼò zò. Ghəa Ù fə̀ tɔŋɔ̄ tsughu dzə̂ mugho êzə̀, mùghò ŋ kè kôom ndûw bvʉā zuūw dzə̂ aŋ ghulô fəgha kə nsɔ̌ɔŋnchùw kə̀ li ko.