Matìo 9:2 - To kə Kəzə̀ kə̀ Fughu ko

² A mo e kôʼ ghe m bòʼò wô ghùw ù kə̀ kə̀ŋlò ù li alo kəmbùŋ. A m bùghò Yɛso kòʼ tsughu enyəa ghî a te ŋge boo fughu â wə̄n, ù n dzɛ̀ â ghùw ù kəkə̀ŋlò ù te enyəa, “Dzə̀la tsughu fə̀ŋ a ŋ wɛ̄; Zə̀ kə̀ m bòo tə̀ghà tə̀ ghuuw màʼà.”

Matìo 9:2 Iomraidhean Croise

Matìo 14:27

Ù n daŋso mbà kə̀a sə ndùw ghee â ghəa gho enyəa, “Kɔlɔ tsughu nlò fə̂ŋ tò, à lò mugho; kà nlò tsəŋ.”

Matìo 4:24

Zwɔ̂ŋ u wə̄n wə m fuŋ ŋgəa tsughu naʼ e Silìa e dzə̀m, ghî ghə̀ n nîi wò mbī tə aghì tə̀ dzaŋā ten tə̀ dzə̀m; ghəla ghe dzaŋā ŋgòʼ e dzàŋà tə̀n tə̀ dzə̀m àsùghò luʼū tə eghùe tò, ghəla ghe ki zʉ̀ ù biigh wo, ghəla ghe bvʉā bvʉ̀ kò, à ghəla ghe kpuw doʼō â luʼū tə ghùe tò, ù m baaŋ kɔʼɔ ghee.

Matìo 6:12

ghù ghuūw maʼa bôo taʼa to, tò ghàʼ ghuūw mâʼn ndûw sughò bòo tə ghì ghəla ghe boō a zəŋò ghàʼ,

Matìo 8:10

Dzughu zə n zum Yɛso aŋghəa ù zuw tsughu shwaʼ u tûwbʉ̀ghà vʉ wo, ù n dzɛ̀ â ghì yìa ghe mò lo a bàâ wən enyəa, “Kùmkùm, M̀ fɛ dzàa wò nù â ghɛ̀, Ŋ̀ kaām bûʼ kô kôʼ ghùw an naʼ zə Ezə̀lɛ̂ ù ŋgəmso kûum boō fughu â Zə̀ kò tǒ ghùw wən.

Matìo 8:16

A m bùghò an nə̀gha è gûŋsò zò, ghe n nì wò ghì a uzʉ̀ a vʉ̀a wə̄n, ù n shʉàa sə̀so tsughu zʉ̀ u te wo mò ù tsə̀ghàsò tsughu ko kəlàŋ enyəa u səā nughù. Ù m baaŋ kɔʼ ghî ghə̀n à dzə̀m ghe mò dzaŋā.

Matìo 9:22

Yɛso m fə̀n tsùghù ughue, kòʼ tsughu wə̄n, dzɛ̀ tsùghù enyəa, “Kele tsughu fə̀ŋ è dzùŋ a ŋ wɛ̄; fə̀ŋ zəla ghù gaʼ tsughu a zəŋò Zə̀ kò, zə̀ ŋ ghù baŋlo.” Wizən vʉ n tughu tən kɔʼ ko an nə̀gha e te zo.

Matìo 9:5

À bùghuun tsə̀ghà è ghɛ zo alembaā dzâa səā wo a, aledzɛ̀ â ghùw enyəa ‘Ghe m bòo tə̀ghà tə̀ ghuuw màʼà.’ Ŋkāa aledzɛ̀ â wə̄n enyəa, ‘Nùghu kɔʼɔ̀ ghù bwii səa nduw a?’

Matìo 9:6

Ŋ̀ ghəəŋ tsughuu nù, ghɛ̀ kele tsughu enyəa Wɛ̀ ù Ghùw ki nû daʼa ko aleghuūw maʼn bôo tə aghì to am mbī.” Ù n daŋso nùghù dzɛ̀ tsùghù â ghùw ù kəkə̀ŋlò vʉ enyəa, “Nùghu nǐ kɔʼ mbùŋ kə̀a kò, ghù nduw alô ghù.”

Mâk 1:32

An nə̀gha è guŋsò zò, aŋghəa zuuw e saŋà nyə tsughu nduw, an tsuʼ fə̀ è fì, ghe m bòʼn wò ghì à dzaāŋ ghən à dzə̀m a vʉ̀a Yɛso, à ghə̀là zʉ̀ ù lo a zəŋò ghee.

Mâk 10:49

Yɛso n daŋso tee è tsughu, dzɛ̀ tsùghù enyəa, “Tɔŋɔ wò nlǒ wə̄n.” Ghe n tɔŋɔ wò ghùwfǒo vʉ̀, dzɛ̀ â wə̄n enyəa, “Dzə̀la fə̀ŋ; nùghu kɔʼɔ̀, u vʉ̂a ù tɔɔ̄ŋ ghû.”

Mâk 5:34

Yɛso n dzɛ̀ â wə̄n enyəa, “Ŋ wɛ̄, fə̀ŋ zə̀ghà ghù gaʼ tsughu a zəŋò Zə̀ kò ŋ ghəŋlo ghù vʉ̀a ù tughu; ndùw kədzûŋ, ghe baāŋ kɔʼ dzə̂ ghû an dzàŋ zə̀ghà.”

Mâk 6:50

nu ghe mò koʼ nduw wə̄n fə̌ŋ m bàa ghee. Ù n daŋso kə̀a ndùw ghee ghəa gho, dzɛ̀ â ghee enyəa, “Kele tsughu nlǒ fə̂ŋ, kǎ nlò tsəŋ; à lò mugho.”

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Dzɔ̌n 2:25

bòʼ ù màʼâ fə̀ kwo ghî ghò a dzə̀m, ù ŋ kôom kə̀ŋo sùghò yǒ ghùw wəla u lo aletesô mwam u ghuw wə̀ nsɔ̌ɔŋnchùw â wə̄n, u maʼa fə kwo zîi fəgha kəla ghùw nsɔ̌ɔŋnchùw lǒ ghè kò.

Dzɔ̌n 21:5

Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?” Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”

Kə̀fwàʼ 14:9

Ù n zə̂ən kô shwaʼ u Pôl, Pôl n tɔʼɔ̀ fwèe sùghò wə̄n, ghəa ù kòʼ tsughu enyəa ù m fə̀ŋ gaʼ aŋ Kə̀lestò vʉ̀ ù kpe to a e baŋlo wə̄n.

Kə̀fwàʼ 19:12

Ghî ghə̀ nîi kɔ̀ʼɔ bàa mə̀ ndzʉ məla Pôl mò zêe sʉ u wə̄n wo a te, àsùghò mwaʼnlo u kəfwàʼ u wən ndùw zìi ndùw a zəŋò ghì à dzaŋā gho, dzaŋà tə̀ n zəghàan ghee, zʉ̀ ù biigh wə n sə̄a nùghùnlò a zəŋò ghee.

Kə̀fwàʼ 23:11

 tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”

Lumà 5:11

À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

Dzɛ̂ms 2:18

To ghùw ù lì kuuwn dzâa tsughu enyəa, “Ghùw lò nû ù boō ko â Zə̀ kò, ù li vʉ̀a ù lo ù ghəə̄ŋ à dzûŋ ghò.” N sô bɛlɛ̀ wô enyəa, “Děe wò mugho â ghùw wəla ù dzɛ̀ enyəa u bǒo fughu â Kə̀lestò mò ù ghə̌əŋ yo ghəa à dzûŋ gho, Ǹ sô dêe wô â ghù enyəa M̀ boo fughu â Kə̀lestò am fwàʼ kaŋa kə̀ dzûŋ kò.”