Bìoball air-loidhne

Matìo 8:9 - To kə Kəzə̀ kə̀ Fughu ko

⁹ N aŋghə Ǹ lô fɛ, M̀ fwâʼà a tsəlà ghì à li gho, sùghugòʼ tia tə kuūwn fwaʼa a tsəlà mùghò. Abugho Ǹ dzɛ̂ nduw â sughugòʼ è zə̂ enyəa, ‘Ndùw a fî!’ Zə̀ mò è nduw. Mò n dzɛ̂ ndùw e zə enyəa, ‘Bùghò fɛ!’ Zə̀ mò è bugho. Mò Ǹ dzɛ̂ ndùw sùghò â kɔ̀ɔ faŋa fo enyəa, ‘Ghəəŋ ndùw ènyə!’ Ù m bɔɔm ghəəŋ ndùw sùghò êzə̀.”

Faic an caibideil Dèan lethbhreac

« Roimhe

dol air ais ⬆

Air adhart »

Matìo 8:9
17 Iomraidhean Croise

Matìo 8:10

Dzughu zə n zum Yɛso aŋghəa ù zuw tsughu shwaʼ u tûwbʉ̀ghà vʉ wo, ù n dzɛ̀ â ghì yìa ghe mò lo a bàâ wən enyəa, “Kùmkùm, M̀ fɛ dzàa wò nù â ghɛ̀, Ŋ̀ kaām bûʼ kô kôʼ ghùw an naʼ zə Ezə̀lɛ̂ ù ŋgəmso kûum boō fughu â Zə̀ kò tǒ ghùw wən.

Faic an caibideil

Matìo 8:8

Komndzūghū vʉ ŋ kòom nùghù dzɛ̀ tsùghù enyəa, “Mughubè, Ŋ̀ kâ kɔ̀ʼ kpè tò ghù enyə am pfʉ̌a kaŋā, kuuwn saʼ tsughuu ko an dzə̂, kɔ̂ɔ faŋa fə sô tughuu kɔʼ.

Faic an caibideil

Mâk 1:27

Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”

Faic an caibideil

Lûk 4:39

Yɛso n səəŋ tee kəŋo ndùw an tuw kə nə̀ghàwì ù Sǎemòn, ke tsughu ghue u te wo, wə n zə̀ghàa tsùghu wə̄n. Nə̀ghàwì ù Sǎemòn n daŋso nùghù è kɔʼ, kàʼ ndùw fʉ̀ghàzəa ù tsə̀ghàsò wo â ghê Yɛso à tsə̀təndə̄ghā tə wə̄n to.

Faic an caibideil

Lûk 7:8

Nu Ǹ lo ghùw wəla Ǹ tsəghàsò lâŋ kò, sùghugòʼ tia tə lo a tsəlà mùghò; abugho Ǹ tsəghàsò tsughu lâŋ kò â ghùw enyəa, ‘Ndùw!’ Ù mò è nduw; â ù lì wən enyəa, ‘Bùghò!’ Ù mò è bugho. Abugho Ǹ tsəghàsò tsughu sughò lâŋ kò â kɔ̀ɔ faŋa fo enyəa, ‘Ghəəŋ ndùw enyə,’ fə ŋ ghəŋlo è nduw.”

Faic an caibideil

Lûk 9:1

Yɛso n daŋso tɔŋɔ naŋa tsughu tum tə wə̄n tən èghəm à ghè tò tə bə̀ghà, fughu tsughu ghee a dzə̀m â dwaʼa wo aledzuū sə̄a zʉ̀ wò, baaŋ sùghò dzàŋà tə aghì.

Faic an caibideil

Kòloshìan 3:22

Â ghɛ̀ a kɔ̂ wò, e zuuw nduw nlò â ghê mughùbè ghɛʼɛ alo aghəa a dzə̀m. E dəmā təla tsughuu ko nlò aleghəŋlo enyəa fə̂ŋ tə ghee tə e duʼnlo, kà è kaa fwaʼā ko nlò â ghee mò ghùw chìin ghɛ̀. E tsəŋo nlò Mughu ù te, ghɛ̀ è fwaʼā â ghì ghəla ghe lo ghê mughùbè ghɛʼɛ am fə̀ŋ tə̀ dzûŋ tò.

Faic an caibideil

Taetùs 2:9

Zoʼn tsughu kɔ̀ɔ mò enyəa mə̀ è zuuw nduw â ghê mughùbè a ghee aletsəmso fə̀ŋ tə ghee alo aghəa a dzə̀m, mə̀ è ka e kəaa sugho tsə̀ghànlò u tə dzə̀ wò â ghee,

Faic an caibideil

Lean sinn:

Ceanglaichean taic

Sanasan

Matìo 8:9 - To kə Kəzə̀ kə̀ Fughu ko

Matìo 8:917 Iomraidhean Croise

Matìo 8:9
17 Iomraidhean Croise