Matìo 8:8 - To kə Kəzə̀ kə̀ Fughu ko

⁸ Komndzūghū vʉ ŋ kòom nùghù dzɛ̀ tsùghù enyəa, “Mughubè, Ŋ̀ kâ kɔ̀ʼ kpè tò ghù enyə am pfʉ̌a kaŋā, kuuwn saʼ tsughuu ko an dzə̂, kɔ̂ɔ faŋa fə sô tughuu kɔʼ.

Matìo 8:8 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:14

Dzɔ̌n m fəma kèe aletūe, ù m bvʉ â Yɛso enyəa, “Ghù sò bùghò ênzə̂n enyəa M̀ fughuu wô ghù â mùghù ŋ Kə̀zə̀ mò a, mò à kì ghû alelaām fughu mugho â mùghù ŋ Kə̀zə̀ mò a?”

Matìo 8:3

Yɛso n daŋso dàan ndùw kə̀ghu, mɔ̀m tsùghu wə̄n, dzɛ̀ tsùghù enyəa, “Mùghò n tsə̀m, tughu kɔ̀ʼɔ̀.” Tsùghò ti tə n daŋso zə̀ghàa tsùghù tûwbʉ̀ghà vʉ̀ an nə̀gha zə̀ èzə̀.

Matìo 8:7

Yɛso n daŋso dzɛ̀ â wən enyəa, “M̀ bughò bǎaŋ nǔ wə̄n.”

Matìo 8:9

N aŋghə Ǹ lô fɛ, M̀ fwâʼà a tsəlà ghì à li gho, sùghugòʼ tia tə kuūwn fwaʼa a tsəlà mùghò. Abugho Ǹ dzɛ̂ nduw â sughugòʼ è zə̂ enyəa, ‘Ndùw a fî!’ Zə̀ mò è nduw. Mò n dzɛ̂ ndùw e zə enyəa, ‘Bùghò fɛ!’ Zə̀ mò è bugho. Mò Ǹ dzɛ̂ ndùw sùghò â kɔ̀ɔ faŋa fo enyəa, ‘Ghəəŋ ndùw ènyə!’ Ù m bɔɔm ghəəŋ ndùw sùghò êzə̀.”

Lûk 15:19

Ŋ̀ kâ bùʼ kòom kɔ̀ʼkpè to ghe etaŋ mugho aŋ kɔ̀n kə wɛ ghə̂a. Nǐi naŋa mugho tò luʼū wəla kɔ̂ɔ fə̀ghà fə̀ lo a te.’

Lûk 15:21

Wɛ vʉ mo â tsele enyəa, ‘Tsele waŋā, mùghò ŋ ghəəŋ bo zo an sə kə̂a àsùghò an sə kə Kəzə̀. Ŋ̀ kâ kòom kɔ̀ʼkpè to ghe etaŋ mugho aŋ kɔ̀n kə wɛ̄ ghə̂a.’

Lûk 5:8

Ghəa Sǎemòn tɔɔŋ Pità kòʼ ghəa yì, ù n tə̀m ndùw tə̀ŋguʼ a vʉ̀a Yɛso, dzɛ̀ â wə̄n enyəa, “Nùghu a vʉ̀a mùghò a Mughùbè, Ǹ lo ghùw wəla Ŋ̀ ghəə̄ŋ ghəa à biigh gho.”

Dzɔ̌n 1:27

Ù bùghò a bàâ mùghò, ù kǔuwn tsə̀ghàsə̀ mugho, Ŋ̀ kâ tsò kɔ̀ʼ kpē aledòʼò ghùw ù kə̀fwàʼ ù wə̄n aletsughū zê gbaʼ u tə gùw u wə̄n.”