Matìo 7:5 - To kə Kəzə̀ kə̀ Fughu ko

⁵ Ghùw ù kə̀bàŋàdzə̀m wən! Bùʼu nǐi nùghu sə wò dzə̀ tɔ̂ŋ fə fəkàʼ chia kə lo an sə zəghà, sěe ghù sò lô alekòʼ sugho e zəa e lo an sə e wàazùghù.

Matìo 7:5 Iomraidhean Croise

Matìo 22:18

Yɛso ŋ kuuwn lò mò ù mâa kèle zìi moʼnlò e ghee è biigh zəa ghe mô ki ghè zò, ù n dzɛ̀ â ghee enyəa, “Ghɛ̀ mugho chwəlà kòʼò aŋ kwǒ, ghɛ̀ ghî a kə̀bàŋàdzə̀m ghən?

Matìo 7:3

À lǒ kwò ghù sò koʼò ko sugho e fəkàʼ zəa e lo an sə e wàazùghù, kuuwn kòʼò yò tɔ̂ŋ chia kə lo alô è zəghà zò esə à?

Matìo 7:4

Ghù lò ênzə̂n aledzàa ndûw â wàazùghù enyəa bùghò tò Ǹ nîi nughù səā wô sugho e fəkàʼ e zəa e lo an sə zəghà a, mò ghù kà bùʼ nì nùghù sə̀ wò dzə̀ tɔ̂ŋ kə fəkàʼ chia kə lo alô è zəghà zò esə à?

Matìo 7:6

Kà nî fʉghazəa ù baa wo ghù fughu â bvʉ to, abugho ghù bùʼ fughu ko nû, tə n nāam nùghù ŋaŋè wò ko ghù. Ŋkāa, kà nî kɔ tə ufʉgha wʉ̀a ù dzəəŋ wo ghù fughu nduw â kwə̀lebʉ̄ghā wo, abugho ghù bùʼ fughu ko nû, ghê n nì dzùghòon màʼà tsùghù alo aghùw.”

Lûk 12:56

Ghî ghə ntə̀ghàbə̀ghà ghən; ghɛ̀ kwo aletesō kô kòʼ e ghueekətsə̄ àsùghò wala ko, à sə̀ kǔuwn lǒ kwòʼ ghɛ̀ yô aletesō dzɛ̂ ghəa ghəla a tsəghāa êzə̄ŋ à?”

Lûk 13:15

Mughu ù te n daŋso bɛ̀lɛ̀ ndùw wə̄n enyəa, “Ghê kə̀bàŋàdzə̀m tò ghɛ! Yìa n so ghɛ̀ mgbaŋa səa ko fɛ â kʉ̀anyòm wò Tsuʼutəntsə̄ ten tə̀ dzə̀m à, ndùw fùghuu ghee â mùghù mò a?

Lûk 4:23

Ù n dzɛ̀ à ghee enyəa, “Ŋ̀ kwo nû enyəa ghɛ̀ sô kwə̀ən dzàa wò â mùghò enyəa, ‘Ghùwŋgàŋ, sǒ baaŋ tsughu ghue wʉ̀a wǒ a, ghəəŋ tsughu sùghò ghəa ghə̀là ghàʼ zuw enyəa ghù mò ghəŋlo aŋ Kàpɛnùm fɛ an naʼ zəghà.’ ”

Lûk 6:42

Ghù lò ênzə̂n aledzɛ̀ â wàazùghù enyəa, ‘Ŋ wàazə̀, na M̀ foō maʼà səā wô sugho e fəkàʼ zəa e lô an sə zəghà,’ mo ghuūghùe wʉ̂a ù koʼò yò bâŋ chia kə lô alo e zəghà zò esə à? Bəən kə ghûw tò ghû, bùʼu fo màʼa sə wò dzə̀ bâŋ chia kə lô alô è zəghà zò esə, sěe ghù sə̀ tɔʼɔ̀ koʼò alefoō maʼà səā sughò zəla e lô an sə e wàazùghù.”

Kə̀fwàʼ 19:15

Tsuʼ ù li wo ghe ghəəŋ kaaŋ wô sugho ghəa ghən, zə̀a fə̀ biigh fə̀ te fə m fwə̀n bɛ̀lɛ̀ wò ghee enyəa, “Ŋ̀ kwo nû Yɛso, yìa ŋ kwo sughò Pôl; ghɛ̀ kuuwn lò ghê ndùghò?”