Matìo 6:4 - To kə Kəzə̀ kə̀ Fughu ko

⁴ to yosò zə̀ghà zə̀ è lo tsənetsən, to Tsele wʉ̂a wəla ù kòʼò ghəa ghəla a tsə̀ghàa tsənetsən lo namso ghù.”

Matìo 6:4 Iomraidhean Croise

Matìo 10:42

Ǹ so Ǹ kûm dzâa wô â ghɛ̀ enyəa, ghùw wəla ù tso kɛsò tuūw fughu ko wʉ̀a zə̀ m̀mùghu è sǎa â wɛ̂ɛtughu bòʼ wɛ̂ɛtùghu ù te, ghùw u te lo tsə̀ndə̄ghā zaŋā, ù lo gùuŋ yò namso kə wə̄n ko.”

Matìo 6:18

e kwo ko ghî à lô koʼòkɛlɛ enyəa ghɛ̀ bǎa èdzughu, à è kwo ko Tsele wɛʼɛ wəla a koʼò yo; Tsele wɛʼɛ wəla ù kòʼò ghəa ghə̀là ghɛ̀ ghəŋlo a fiā ghɛ̀ nân lo, lo namso ghɛ̀.”

Matìo 6:3

Abugho ghùw wɛʼɛ so e kuūwn fughuu èyôsò, kà ghəŋlo kwe wʉ̀a ù kwû ù kelê fəgha kəla kwe wʉ̀a ù təma u ghəŋlo,

Matìo 6:6

Abugho ghùw wɛʼɛ so e gɔ̂ŋlò, laam nyə̀ ndùw an dzughu e ndughu zəghà, dzʉ̌a sə wò bâʼ kò, ghù gɔɔŋ nduw â Tsùghò wəla ù lǒ mò ghù wən koʼò yò, Tsele wɛʼɛ wəla ù koʼò ghəa ghəla a nân doʼō kê fughu ghû â namso ko.

Lûk 14:14

Zə̀ kə̀ kê bughuso ghù, tɔŋlo enyəa ghe kê yò aletsəā tsə̄ghàa wô ghù ebàm. Zə̀ kə̀ kê ghù tsəa tsə̀ghàsò wò bugho ghî ghəla ghe lô tsəghatsəgha kê kɔʼɔ̄ səā alo evʉ.”

Lûk 8:17

Nu fəgha kə̀ li kə yo kə nân doʼō mo a kê kòʼò yò, tsɔŋ kə eghəa kə̀ li kə yo sughò kə kê səā kɔʼɔ yo an ndɛ.

1 Kòlentìan 4:5

A fi lo enyəa ghù ki dzə yo alesāʼ ghùw u li mo nəgha è te e kaām kpe. Saʼ è gbǒo tee zə aghəa ki alebɔɔm ləmā to Mughu ù te kê bughò; ù ke bugho nìi nǎŋ wo tsɔŋ tə aghəa tə kələm to an ndɛ, ù dèe fughuu kɔʼ môʼn zəla ghùw ki alekele aŋ ghuu Zə kò. A kê bugho an nə̀gha e te zo, Zə̀ kə̀ lo e fughu nduw ko chìa â kɛɛ wəla u kpe â wə̄n.

Hibùlù 4:13

Fəgha kə̀ li yo dzə fɛ am mbī Zə̀ kə fə̀ gbə̂n wo kə nân doʼo an sə kə wə̄n. Ghəa ghən a dzə̀m tsò tsʉ̀ doʼo ko enyə an sə kə wə̄n. Sɛ̀ ki aletaŋso dzɛ̂ ghəa ghən a dzə̀m sɛ̀ lo mo a m fwàʼ â wən.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.

Edêe Fughu 2:23

Ǹ lo wiin tsughûu ghì ghə̀n a dzə̀m ghe nî ghuw kə ebwìi kə nughò wən ko. Zən lo zoʼn tsughu dzweŋe u ghì a Kəzə̀ u te wo to enyəa Ǹ lo ghùw wəla Ǹ tsaʼà fə̂ŋ tə ghì tò àsùghò mòʼnlò e ghee zo, àsùghò enyəa Ǹ lo ghùw wɛʼɛ fùghuu ko â fəgha kə̀là kə kpe tsughu aŋ ghə̀a a wə̄n à ghəəŋ gho.