Matìo 6:2 - To kə Kəzə̀ kə̀ Fughu ko

² À fi lo enyəa, abugho ghɛ̀ namso ghùw ù lǎa â fəgha, kà nlò sə tɔŋ mbuwlè o a beē tò aŋghəa ùbàŋàdzə̀m ghəŋlo an Sàŋ tə Tə̀dzûu, àsùghò alo enaʼ enyəa to ghe mô kɛ̌ɛ wò ghee. M̀ fɛ kùu dzàa wò nù â ghɛ̀, ghe ŋ kele tən namso kə ghee ko.

Matìo 6:2 Iomraidhean Croise

Matìo 15:7

Ghî a kə̀bàŋàdzə̀m to ghɛ! Shwaʼ u Kəzə̀ wəla ghùwshʉ̀ghà Èzayà fə̀ tɔm naŋā kùu ndùw ghɛ̀, ù ka fə nɔʼ dzə̀, aŋghəa Zə̀ kə fə̀ dzɛ̂ an shwaʼ u te wo enyəa;

Matìo 16:3

À m bùghò à lǒ â gbə̀làgbə̀là tò, ghɛ̀ mo enyəa, ‘Fɛ̀ɛn kə eghuuw kə sô tsùghuu nù nɛ, aŋghəa wala kə sô baŋa ləŋo ndûw nû.’ Ghɛ̀ kwo nû aletɔɔŋ kelê fəgha kəla tsə̌a tə kəwala tə deē, kuuwn yò aleteso dzɛ̂ ghəa ghəla a səa an tì kən.

Matìo 22:18

Yɛso ŋ kuuwn lò mò ù mâa kèle zìi moʼnlò e ghee è biigh zəa ghe mô ki ghè zò, ù n dzɛ̀ â ghee enyəa, “Ghɛ̀ mugho chwəlà kòʼò aŋ kwǒ, ghɛ̀ ghî a kə̀bàŋàdzə̀m ghən?

Matìo 23:5

Ghe ghəa a ghee a ghəŋlo ghe sô dəmà ko enyəa to ghî à mô kòʼò wò ghee; Ghe ŋ kuuwn ghəəŋ tsughu tɛtâa m fìlaʼtɛlìs ŋ ghee enyəa mə̀ e ŋgɔʼɔ̄ duūw. Kòʼo to də̀ghàa tə ushwāŋ to ghe ki an dàlà tə ghee à.

Matìo 23:6

Ghe ləghaa kô bəla tə̀ ne to an zə kə lo a te. Ghe yia kəŋo ko ndàŋ tə e zən to an Ndughutə̀ne tə Tə̀dzûu tò.

Matìo 24:51

Mughùbè ù wə̄n ù te lo bughò dêe kûu ndûw wə̄n â mùlùŋ, ù ghəəŋ tsughu wə̄n, ù è zuuw ŋgōʼ zəla ghî a kə̀bàŋàdzə̀m à zuūw, a fia ghî à tɔʼɔ̀ dîi nəə̄ŋ ndûw ènyə, pfʉa sùghò àsɔŋ.”

Matìo 5:18

M̀ fɛ kùu dzàa wò nù â ghɛ̀, wala kə lo ê bughò tsəghà mîa, à ghueekətsə̄ ko, nyàaŋnyâaŋ fə eghəa ŋkāa dəŋò fə̀ li fo alo kəlàŋ, kê kǔuwn sə̀ nùghù kòʼ yò mo ghəa a te gho a dzə̀m kà bala kə nî kɔ̀ʼ dzə̀.

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 6:3

Abugho ghùw wɛʼɛ so e kuūwn fughuu èyôsò, kà ghəŋlo kwe wʉ̀a ù kwû ù kelê fəgha kəla kwe wʉ̀a ù təma u ghəŋlo,

Matìo 6:5

“Abugho ghɛ̀ so e gɔ̂ɔŋ sùghò nù, kà nlò ghəəŋ dzə̀ tò ghî a kə̀bàŋàdzə̀m; nu ghe ləghaa alenughūn teen kɔʼɔ an Ndughutə̀ne te Tədzûu tò àsùghò am fwànlò u tədzǐi enyəa to ghî à mô koʼò wô ghee. Kùmkùm, M̀ fɛ dzàa wò nù â ghɛ̀ enyəa ghe ŋ kele kə ghee ko kənamso.

Matìo 7:5

Ghùw ù kə̀bàŋàdzə̀m wən! Bùʼu nǐi nùghu sə wò dzə̀ tɔ̂ŋ fə fəkàʼ chia kə lo an sə zəghà, sěe ghù sò lô alekòʼ sugho e zəa e lo an sə e wàazùghù.

Mâk 12:39

shìaa kô ndàŋ tə ezə̄n an Ndūghènè, ləghaa sùghò bwala ù ne wo an lùʼu tə zɔʼɔ̄ tə aghì tò.

Mâk 7:6

Yɛso n dzɛ̀ â ghee enyəa, “Èzayà mafə̄ kûum tɔm naŋa mɛ̀ʼɛ̀ ghəa ghɛʼɛ gho, ghê kə̀bàŋàdzə̀m am Mwàʼsò kə Kəzə̀ enyəa, ‘Ghî ghən mugho kɔʼso ko an dzughu a ghee, fə̂ŋ tə ghee tə kuuwn lɔʼso lò nû;

Lûk 11:41

Laam gaʼ tsughu nlò fə̂ŋ tò aleyosō ghî à laa gho, ghəa ghɛʼɛ ghə e zɔ̄lɔ̄.

Lûk 11:43

Ghɛ̌ tə̀ Falàsîi lò an tsù! Nu ghɛ̀ bɔɔm ləghaa kô luʼū tə̀ ne to an ndùghènē zɛʼɛ̄, ləghaa sùghò enyəa ghî ghə̀ è ŋgɔɔ wo ghɛ an lùʼù tə gbe wə ewə̄n.

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Lûk 12:56

Ghî ghə ntə̀ghàbə̀ghà ghən; ghɛ̀ kwo aletesō kô kòʼ e ghueekətsə̄ àsùghò wala ko, à sə̀ kǔuwn lǒ kwòʼ ghɛ̀ yô aletesō dzɛ̂ ghəa ghəla a tsəghāa êzə̄ŋ à?”

Lûk 13:15

Mughu ù te n daŋso bɛ̀lɛ̀ ndùw wə̄n enyəa, “Ghê kə̀bàŋàdzə̀m tò ghɛ! Yìa n so ghɛ̀ mgbaŋa səa ko fɛ â kʉ̀anyòm wò Tsuʼutəntsə̄ ten tə̀ dzə̀m à, ndùw fùghuu ghee â mùghù mò a?

Lûk 20:46

“E ghomlō nlò a zəŋo ghê dèekə̀làŋ, ghe tughūu ləghaa dàla tə̀ ne tən aledzə̀là, ləghaa sughò enyəa ghî ghə̀ è ŋgɔɔ zee wo ghee bugho ghe tsəghāa dzì; ghe tughuu ləghaa sùghò ndàŋ tə̀ ne to an ndùghènē, à gbəla ù ne wo an lùʼu tə̀ zɔʼɔ̄ tə aghì tò.

Lûk 6:24

Yia a bughò ghɛ̀ ghəla ghɛ̀ kuū êzə̄ŋ, ghɛ̀ kê lò an tsù, nu ghɛ̀ ŋ ghue zɛʼɛ e zə ten.

Lûk 6:42

Ghù lò ênzə̂n aledzɛ̀ â wàazùghù enyəa, ‘Ŋ wàazə̀, na M̀ foō maʼà səā wô sugho e fəkàʼ zəa e lô an sə zəghà,’ mo ghuūghùe wʉ̂a ù koʼò yò bâŋ chia kə lô alo e zəghà zò esə à? Bəən kə ghûw tò ghû, bùʼu fo màʼa sə wò dzə̀ bâŋ chia kə lô alô è zəghà zò esə, sěe ghù sə̀ tɔʼɔ̀ koʼò alefoō maʼà səā sughò zəla e lô an sə e wàazùghù.”

Dzɔ̌n 13:29

Aŋghəa Dzudàs màʼa fə̀ lo ghùw wəla ù n naaŋ kə̀a kə kua ko, tsə̀təndə̄ghā tə wə̄n tə li tə m mòʼn ndùw enyəa Yɛso fi wɛɛ dzɛ̀ enyəa ù ndùw zuū wo fəgha kə li ko alezə̄ kəzə a te; ŋkāa enyəa ù fughuu ndûw fəgha kə li ko â ghì à laa gho.

Dzɔ̌n 5:41

Ŋ̀ kəŋo dzə̀ yo enyəa ghî ghə̀ è fughuu mugho â kɔʼso mò.

Dzɔ̌n 5:44

Ghɛ̀ sô lǒ ênzə̂n alebōo à, mò ghɛ̀ dwaʼa wɛʼɛ u nîi kǎaŋ wò aŋ ghùe zɛʼɛ lo, kuuwn kəŋo yo alekelê daʼa kəla Zə̀ kə̀là à mìa ko ghè kò fughuu â ghɛ̀ a?

Dzɔ̌n 7:18

Ghùw wəla ù kə̀aa ghəa a wə̄n a kəghū gho, ù kə̀ŋo ŋkɔʼso aŋ ghùe u wə̄n, wəla ù kuūwn kəŋo kɔʼso mò â ghùw wəla ù tum wo wə̄n lo ghùw wəla ù kə̀aa səŋò zò, nyàaŋ fə dzʉ fə̀ li fə yo aŋ ghəa a wə̄n à ghəəŋ gho.

Kə̀fwàʼ 10:2

À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.

Kə̀fwàʼ 10:31

Ghùw vʉ mo enyəa, ‘Kɔ̀nelìus! Zə̀ kə̀ ŋ gɔ̀ɔŋ zə̀ghà è zuw, chia kə kòʼ sugho fughu kə̂a kò.

Kə̀fwàʼ 10:4

Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.

Kə̀fwàʼ 11:29

Tsə̀təndə̄ghā tə te tə m boo tsughu enyəa, aŋ ŋgəŋ è ghee chìa è də̀mà tsughu ko aletuū fughuu ndûw èyòsò â ghì ghəla ghe mughu aŋ Dzùdîa mo ghe m boo fughu sùghò â Kə̀lestò.

Kə̀fwàʼ 24:17

Êzə̄ŋ, ghəa nûu tə̀ li tə tsəghà tsughu, mùgho n ndùw bùghò enyəa M̀ bughò fughu eyosò â naŋa zo àsùghò fughu kefughu â Zə̀ kò.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Lumà 12:8

Abugho fughu kə te kə lo aledzə̀n fə̀ŋ tə aghì, ù ŋ ghəəŋ ndùw êzə̀. Mo fughu kə ghûw kə̀ lo alefughu eyôsò â ghì ghò, ghùw ù m fughuu ndùw aŋ ghùe ù mwaʼā wo. Ghùw wəla ù ki dwaʼa wo alekwuū kele àghì, ù ki alekwuū kele ghee aŋ ghu kə̀ dzûŋ kò. Wə̄n wəla ù ki fughu ko aledè edzɔ̀ â ghì ghò, ù n dêe ndùw dzɔ̀ e te zo aŋ ghùe ù ghɛɛn wo.

1 Kòlentìan 13:3

Abugho Ǹ tso bûʼ nî fughu sə mɛʼɛ̀ ndûw ko fʉgha wən ù dzəm Ŋ̀ ki â ghì à laa gho, bùʼ fughu daŋso ndùw sùghò ghue waŋa enyəa ghe kpâa maʼà ndûw, mò Ŋ̀ kuuwn ki yo ləgha zo â ghì ghò, Ǹ yo dzə̂ aletsoō zə fəgha kə li ko a te.

Gàlashìan 2:10

Fəgha kəla ghe mò ləghaa ko aŋ ghùu ghàʼ à mò lo enyəa e kwo ko a lô so e nîizə̀a ghî à laa gho, mò à mò bɔɔm lo sugho fəgha kəla mùgho mò muʼù mbuuw aleghəŋlo.

Efɛsùs 4:28

Mò ghùw mò tsɔŋɔ nû, ù m màʼà tsɔŋ e te zo, u n nì kɔ̀ʼ ghu a wə̄n alefwaʼā fwàʼ kə̀ səŋò kò, tò ù e lo aleyòsò ghì ghəla kə ghee kə buw.

1 Tɛ̀sàlonìan 2:6

Ghàʼ mò kəŋo dzə yo enyəa to ghî à mò kɛ̌ɛ wò ghàʼ. Tǒ tum tə Kə̀lestò, ghǎʼ mò ki nû alebvʉa wô ghɛ â fʉgha ù li wo.

1 Timotì 6:18

Dzàa tsughu â ghee enyəa ghe e deē dzɔ̂ zò, ŋgee fwàʼà ndùw ghəa à dzûŋ gho â ghì ghò. Ghe e mwaʼā aleyòsò àghì, ki zǐi alefughuu fʉgha wo â ghì ghò.

Filemùn 1:7

Ŋ̀ wàazə̀, ləgha zəla ghù ki ghè zò ŋ ghəŋlo yìa Ŋ̀ ŋgeē duʼnlō, fə̀ŋ zaŋa zə̀ è zʉ̀ʉn dzɔ̂ɔ sugho bòʼ ghù n təm tsaʼ kə̀ saa ko am fə̀ŋ tə wɛ a Kəzə̀.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.