Matìo 6:1 - To kə Kəzə̀ kə̀ Fughu ko

¹ “Nì nlò ghôom zò enyəa e kwo ghɛ̀ lô ghəəŋ ghəa a Kəzə̀ à dzûŋ ghò an sə kə aghì enyəa ghe e tɔʼɔ̀ koʼò wô; tɔŋlo enyəa Tsele wɛʼɛ alo kəwālā lô ghɛ̀ â namso kə̀ li kə fughu yo abugho ghɛ̀ ghəŋlo êzə ndɛ.

Matìo 6:1 Iomraidhean Croise

Matìo 16:27

Wɛ ù Ghùw ki alebùghò ghèe ghê tsə̀təndə̄ghā tə Kəzə̀ tò təla tə lô tə wə̄n to an səghanyəgha n Tsele, ù è ke tsəa ko ghùw am fəgha kəla kə kpe am fwàʼ kə wə̄n.

Matìo 16:6

Yɛso n dzɛ̀ â ghee enyəa, “Ni nlò ghôom zò am mbvùŋ è ghì Falàsîi ghèe ghê ghî Sadùwsîi ghò.”

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 23:5

Ghe ghəa a ghee a ghəŋlo ghe sô dəmà ko enyəa to ghî à mô kòʼò wò ghee; Ghe ŋ kuuwn ghəəŋ tsughu tɛtâa m fìlaʼtɛlìs ŋ ghee enyəa mə̀ e ŋgɔʼɔ̄ duūw. Kòʼo to də̀ghàa tə ushwāŋ to ghe ki an dàlà tə ghee à.

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Matìo 5:16

Ghəəŋ tsughu nlò enyəa kɛ̀ʼɛ̀ kɛʼɛ kə e bɔɔm baŋā sugho êzə̀ an sə kə aghì. Ghe e koʼō ghəa fwàʼ kɛʼɛ kə dzɔɔ̄ a te, ghe e kɔʼso Tsele wɛʼɛ wəla ù lò alo kəwālā.”

Matìo 5:46

Abugho ghù ləghaa ko ghî ghəla ghe ləghaa ghû, ghù a te lo alezəā kɔʼ kwò a? Ghê dzə̀akə̀mwàʼsò ŋgə̌əŋ ghəəŋ sùghò ghəa è mɔʼɔ̄ zo

Matìo 5:48

À fi lo enyəa ghù kì aletèlè doʼò tsughu tsəghatsəgha, tò Tsùghò alo kəwālā lô tsəghatsəgha.”

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 6:9

Abugho ghɛ̀ so e gɔ̂ŋlò, ghɛ̀ ŋ gɔ̀ɔŋ tsùghù enyə, ‘Tsele waʼā wəla ù lò alo kəwālā, To ghî à mô kɔ̂ʼsô zən zəghà.

Mâk 8:15

Aŋ ghəa ghe daŋà nduw, ù n nùghù kʉ̀ɛɛn ndùw ghee enyəa, “Nì nlò nəgha zo am mbvùŋ è ghì a Falàsîi àsùghò am mbvùŋ è Hɛlɔ̀d.”

Lûk 11:35

À fi lo enyəa ghù kì alenì ènəghā, e kwo tsə̀ zəla è tughūu a zəŋò ghù lò kôom dôʼn ləm ko.

Lûk 12:1

An nə̀ghā zən, Yɛso fə̀ kəā aghəa â ghì ghò mo ghe n tsūŋ a vʉ̀a wə̄n, buʼù fə̀ tsəā fə ntə̀ghà fə̀ m buw; ghe n dzughòon kàŋlo èghue. Yɛso m bùʼ zìi tsùghù dzə̀ ghəa à kəā gho â tsə̀təndə̄ghā tə wə̄n to, dzɛ̀ â ghee enyəa, “Nǐi kɔʼ nlò ghôom zò am mwam e tə̀ Falàsîi, à lò ghî a kə̀bàŋàdzə̀m.

Lûk 12:15

Ù ŋ kòom dzɛ̀ ndùw â saʼ kə aghì chi ko enyəa, “Nì nlò ghôom zò, kǎ nlò â sə ghə e səa; nu à mùghù e ghûw è naaŋ yo ndə̀mà tə ufʉgha təla ù ki.”

Lûk 16:15

Yɛso n dzɛ̀ â ghee enyəa, “Ghɛ̀ lo ghî à dzûŋ ghò an sə kə aghì, Zə̀ kə̀ kuuwn kwō fə̂ŋ tɛʼɛ; nu fʉgha wəla ghî à kuūwn kɔʼsō, à lò udzʉ an sə kə Kəzə̀.

Dzɔ̌n 12:43

Ghe fə̀ tsəŋo bòʼ ghe fə̀ ləghaa alekelê kɔʼso məla ghî a mbī a fughu tsə̀ghàtàʼà məla à fughuu Zə̀ kò.

Dzɔ̌n 5:44

Ghɛ̀ sô lǒ ênzə̂n alebōo à, mò ghɛ̀ dwaʼa wɛʼɛ u nîi kǎaŋ wò aŋ ghùe zɛʼɛ lo, kuuwn kəŋo yo alekelê daʼa kəla Zə̀ kə̀là à mìa ko ghè kò fughuu â ghɛ̀ a?

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Gàlashìan 6:12

Ghî ghəla ghe dzâa wô enyəa ghɛ̀ e sughoo twigh wɛʼɛ wo, lo ghî ghəla ghe ləghaa ko aletɔʼɔ̄ deē səa wo ghue e ghee enyəa ghe lo ghî à dzûŋ ghò. Ghe ləghaa yo alezoʼn wo ghî ghò enyəa ghe lo nû alezə̄ kətuw bòʼ aŋghəa Kə̀lestò fə̀ kpuw alo kədàŋlo. Ghe enyə ghəŋlo ghe sô tsəŋō enyəa ghî à lô dzaŋsō kaāŋ ghee.

Hibùlù 11:26

Ù m mòʼn tsùghù sùghò enyəa e dzɔ̂ɔ alefala am bàm e Kə̀lestò tsə̀ghàtàʼà sə alekelê fʉgha u dzûŋ wəla u lô an naʼ zə Edzìpt, nu ù fə̀ mòʼn təla nduw ko namso kəla kə lo a sə ko.

Hibùlù 2:1

Bòʼ ghəa ghən a dzə̀m Zə̀ kə lo mo kə ŋ ghəŋlo, zən lò e ghee a ki aletɔ̀ʼɔ̀ gaʼā tsughu kətuw aŋ ghəa ghəlà sɛ̀ zuw kɔʼ, enyəa e kwo ko a lô zəghàan maʼn tsughuu ghəa a te gho, a səā təŋò ndûw aŋ ghəa à nughù ghò.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

2 Dzɔ̌n 1:8

E ghomlo nlò â ghue zɛʼɛ̄ zo, e kwo ko ghɛ̀ lô ŋgûŋ fəgha kəla ghɛ̀ lo mò ghɛ̀ m fwàʼ nàŋa ghè kò, kuuwn də̀ma tən tsughu ko nlò nû, tò ghɛ̀ ke kele mɛʼɛ̄ namso kɛʼɛ̄ ko kə dzə̀m.