Matìo 5:7 - To kə Kəzə̀ kə̀ Fughu ko

⁷ Dzɔ̀ lò â ghì ghəla ghe ki se è kwuso zo, nu Zə̀ kə̀ lo kwuso sùghò nù se zo a zəŋò ghee.

Matìo 5:7 Iomraidhean Croise

Mâk 11:25

À kǔuwn lò ko enyəa abugho ghù gɔ̀ŋlo, bùʼu ghuuw màʼa tsughu dzə̀ ghəa à biigh ghəla ghî à ghəŋlo â ghù, tò Tsele wʉ̂a alo kəwālā e lo sugho aleghuūwmaʼà ghəa ghə̀a à kwu gho.”

Lûk 6:35

E laam ləghaa nduw nlò ghî ghəla ghe bâa ghɛ, ghəəŋ ndùw èdzɔ̀ â ghee. Fɔ̀ɔn fùghuu ndùw sùghò ghee â fʉgha wo, kòom mòʼn yò enyəa ghe lo fughuu tsə̀ghàa wò nù ebàm. Abugho ghɛ̀ ghəŋlo êzə̀, namso kɛʼɛ kə e ke e ghaʼa, ghɛ̀ è ke e lo wɛ a Zə̀ kə̀ ghaʼa kən kə̀ dzə̀m; nu Ù lə̀ghâa ghì ghəla ghe fughuu yô kɛɛ wo, à ghì à mʉa gho.”

Lumà 11:30

Ghɛ̀ a Toʼò zo, ghɛ̀ mò zuuw tsəgha yo â Zə̀ kò, chia kə naam dêe ko ghɛ â se è kwuso zo, bòʼ enyəa ghî ghə Ezə̀lɛ̂ a fə̀ tuu alezuw â wə̄n.

1 Kòlentìan 7:25

Êzə̄ŋ kùu ndùw ghì ghəla ghe lo mo ghe kaām ghue zə ŋ kaam nì, Ŋ̀ ki dzə yo lâŋ kə Mughu ù te kə li ko a te, Ŋ̀ kuuwn dzàa wò kô mòʼn zaŋa tǒ ghùw Mughu ù te mò kwusō tsughu se zo enyəa ù dòʼò tsughu ghùw wəla a lô alegaʼ fə̀ŋ a te.

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

Efɛsùs 4:32

Ghɛ̀ kuuwn ki aleki fə̂ŋ tə̀ dzûŋ tò, dèe ndùw sùghò èdzɔ̀ aŋ ghùe zɛʼɛ̄. Mò ghùw ghəəŋ bonlo èghəa â wàazə̀, wàazə̀ ù te ŋ ghuuw màʼà bo e ghûw ù te to aŋghəa Zə̀ kə̀ mò bɔɔ̄m ghuūw maʼà sugho bôo tə sɛ̀ tò aŋghəa sɛ̀ lǒ fəgha ko kə mɔ̀ʼ sɛ̀ à ghê Kə̀lestò.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.

1 Timotì 1:16

Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

Hibùlù 4:16

Abugho sɛ̀ ləghaa fəgha ko, a n dò nduẁ bvʉ̀ ndùw â Zə̀ kə̀ sɛ̀ kəla kə dêe sɛ̀ â dzɔ̀ e wə̄n zo, a ŋ kwo tən enyəa kə sô dèe nù sɛ̀ â se e wə̄n e kwuso zo, kə fughuu sughò sɛ̀ â fəgha kəla kə kpe â sɛ̀.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

Dzɛ̂ms 2:13

Nu Zə̀ kə̀ lo kwuso yo se zo a zəŋò ghùw wəla ù saʼā sāʼ mò ù kwùso yo se zo. Zə̀ chia kə lo kuūwn kwusō se zo a zəŋò ghì ghəla ghe kwusō se zo abugho ghe saʼā ghî ghò an tia e sāʼ.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 2:10

Sʉèsʉ, ghɛ mò buʼ yo tsəgha dzə ghî a Kəzə̀ ghò, yia a kuūwn bugho êzə̄ŋ, ghɛ yia lô ghî a wə̄n gho; alekòom nîi tsughu, Zə̀ kə̀ ka fə dê se e wə̄n e kwuso zo a zəŋò ghɛ̀, yia a kuūwn bugho êzə̄ŋ, ghɛ̀ n tɔ̀ʼ kòʼ aŋghəa Kə kwuso se zo a te a zəŋò ghɛ̀.