Matìo 5:3 - To kə Kəzə̀ kə̀ Fughu ko

³ “Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Matìo 5:3 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Matìo 11:6

Dzɔ̀ lǒ â ghùw wəla ù pfʉsō yô nʉ̀ghà wò a zəŋò mùghò.”

Matìo 13:16

Dzɔ̀ lò ghɛ̀, ghɛ̀ ki sə gho, kòʼò a te, ki sugho utuŋlō, zûuw a te.

Matìo 19:14

Yɛso ŋ kuuwn dzɛ̀ â ghee enyəa, “Zə̀ghàa nlò wɛghêtùghu yi gho ghe bughò kôʼ mùghò, kǎ nlǒ ghee təghàsò sùghò; tɔŋlo enyəa fɔ̂e kəwālā u lɛɛn ŋgwàʼ zən.”

Matìo 24:46

Dzɔ̀ lò â kɔ̂ɔ fə te fo abugho a mughùbè u wə̄n ndûw kwəlāa nyəā wo, ù m bùghò kòʼ wò mò kɔ̂ɔ fi fə fwaʼà fəgha kəla kə lo ghè kò.

Matìo 25:34

Də̀ŋ kə te kə lo daŋso dzɛ̂ â ghì ghəla ghe lo aŋ kwe u wə̄n ù təma wo enyəa, ‘Bùghò nlò, ghɛ̀ ghəla Bəghà lǒ mò ù ŋ ghɛ̀ â bughuso e fughu, ghɛ̀ e lo an fɔ̀e u kədə̀ŋ wəla ghe fə ki naŋa to â ghɛ̀ tèetèe aŋghəa mbī fə̀ kaʼ tsughu.

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 8:11

M̀ fɛ dzàa wò nù â ghɛ̀ enyəa, ndə̀mà tə aghì tə̀ kè nùghùun wò am bàa tə mbī tən tə̀ dzə̀m, ghe e ke zəa dzəəŋ ghèe ghê Abə̀làhâm, Aezìk àsùghò ghê Yàkɔ̂b an naʼ e kəwālā.

Mâk 10:14

Yɛso ŋ kòʼ ghəa ghən, nʉghà wə̀ m pfʉ wə̄n, ù n dzɛ̀ â ghee enyəa, “Zə̀ghaa màʼa nlò wɛghêtùghù gho ghe bughò kôʼ mùghò; kǎ nlǒ ghee bâʼ; nu fɔ̂e u Kəzə̀ ù lo â ŋgòʼ è àghì tò ghən.

Lûk 11:28

Yɛso m fwə̀n dzɛ̀ tsùghù enyəa, “Dzɔ̀ lǎam lò ghî ghəla ghe zuw shwaʼ ù Kəzə̀ wò, bwìi ndùw an tsə̀n tə te to.”

Lûk 18:14

Ghəa Ǹ dzâa wô fɛ â ghɛ̀, tûw wən fə̀ tsughuu nduw ebàm alô wə̄n mò ù zɔ̀lɔ an sə kə Kəzə̀ tsə̀ghàtàʼà Falàsîi vʉ̀; nu ghùw wəla ù kuuwn maʼà tsughu ghue u wə̄n wo, Zə̀ kə̀ lo kɔʼso wə̄n. Ghùw wəla ù kuūwn kɔʼso ghue wo, Zə̀ kə̀ lo tsughuso wə̄n.”

Lûk 22:29

M̀ fɛ fùghù wò ghɛ̀ â fɔ̀e wò to Bəghà fə̀ fughu â mùghò,

Lûk 22:30

enyəa sɛ̀ e ke e dzeŋe zəa, mʉa sùghò nlʉ̀ am Fɔ̀e waŋa, dòʼ an ndàŋ tə udwə̀ŋ, saʼâ nàʼà tə Ezə̀lɛ̂ tə̀n èghəm à ghè tò tə bə̀ghà.”

Lûk 4:18

“Zuʼ tə Mughù ù te tə kê lò a zəŋò mùghò, bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho. Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ mo ghe mǒ ghee kwu an tsam lo səā nù, n naʼà ndûw sughò enyəa ghî à foō a lo kòʼò àsə, àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.

Dzɔ̌n 20:29

Yɛso n dzɛ â wə̄n enyəa, “Ghù mô êzəŋ e boo, bòʼ aŋghəa ghù kòʼ wô mugho; Bughunlo e lo â ghì ghəla ghe boō fughu mo ghe kâ bùʼ kòʼ.”

Dzɛ̂ms 1:10

Ghùw ù kǔu e tsɔɔ̄ sugho fə̀ŋ enyəa Zə̀ kə ŋ wə̄n etsən tsughu naŋā, nu ù lo tsə̀ghàa mìaan ko tò ghê kə ŋgwə̄n ko.

Dzɛ̂ms 1:12

Dzɔ̀ lǒ â ghùw wəla ù ka tsughu zə zo abugho ghəa a mɔ̂msò kaāŋ wə̄n, tɔŋlo enyəa abugho ù ghaʼ tsughu ghəa a te gho, ù lo zə e tsɛlɛ̀ aŋghəa Zə̀ kə fə̀ to naŋā â ghì ghəla ghe ləghaa wə̄n.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Edêe Fughu 19:9

Tsə̀ndə̄ghā zə n daŋso dzɛ̀ â mùghò enyəa, “Tɔm naŋa tsughu ghəa ghən gho: Dzɔ̀ lò ghî ghəla ghe naʼā wo ghee an zə kə Tsʉa u Ndzì kə̀ niī kə wi ko.” Ù n dzɛ̀ kpèʼe wò â mùghò enyəa, “Wən lò shwaʼ ù səŋò wəla u sə wo an dzughu e Kəzə̀.”

Edêe Fughu 22:14

Dzɔ̂ lò ghî ghəlà ghê sûuw zɔnso tsugh dalà tə ghee to enyəa ghe e ki daʼa ko alekwɛ̀ɛ zə tam kə fəkàʼ aŋ kàʼ fəla fə fughuu mughu zò, ghe e lo sugho aletsə̀ghàa nyə am fu e ughɔŋ zə naʼ e te zò.

Edêe Fughu 3:17

Ghɛ̀ dzɛ̂ enyəa, Ŋ̀ kuu nù, yìa Ŋ̀ ki fʉgha wo u dzə̀m, yìa Ŋ̀ kôom kə̀ŋo yo fəgha kə̀ li ko! Ghɛ̌ yia kwo yô enyəa ghɛ̀ lo tsɔ̂ tə aghì, aghî mo ghe mugho alo tətsʉ̄a, ghî à laa gho, ghî à foō gho, àsùghò zuum tə aghì tò.