Matìo 4:9 - To kə Kəzə̀ kə̀ Fughu ko

⁹ daŋso dzɛ̀ â wə̄n enyəa, “Naʼà tə̀n tə̀ dzə̀m ènyə, M̀ fughuu nù â ghù abugho ghù təm wo ŋguʼ to a tsəlà mùghò.”

Matìo 4:9 Iomraidhean Croise

Matìo 26:15

bvʉ â ghee enyəa, “Ghɛ̀ moʼò alefughu kə kwò â mùghǒ abugho M̀ fêe fughu wo wə̄n â ghɛ̌ a?” Ghe n tsə̄ tsughu wə̄n aŋ ŋghə̀m ŋ kua wə ŋgɔ̀ʼ u silvà n təgha.

Matìo 4:10

Yɛso n daŋso dzɛ̀ â wə̄n enyəa, “Nùghù fɛ a Satàn wə̄n! Tɔŋlo enyəa ghe tɔm naŋa enyəa, ‘E kɔʼso kɔ Mughu ù te, Zə̀ kə̀a, ghù è tele fwaʼā ko â wə̄n.’ ”

Dzɔ̌n 12:31

Nəghā zə m kpē, zəla ghe lo saʼa mbī a te àsùghò aŋghəa ghe lo dzûu maʼn səā Satàn a te.

Dzɔ̌n 13:3

Yɛso fə̀ kwo nû enyəa Tsele m fughu naŋa ghəa gho a dzə̀m aŋ ghu kə wə̄n asùghò enyəa ù mò nughuu wo a vʉ̀a Zə̀ kò, vʉ̀a ù ki sugho alendùw ebàm a vʉ̀a ghè kò.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

Dzɔ̌n 16:11

Ù lo dêe ndûw â ghee enyəa Zə̀ kə̀ lo saʼā ghee, nu ghe ghùw wəla ù saʼā mbī zə saʼ tən.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

1 Timotì 3:6

Ghùw ù te ki alelo sugho mò fə̀ŋ e wə̄n nɛɛ aŋ ghəa a Kəzə̀, mò tɔ̀ʼ gàʼ sùghò fə̀ŋ e wə̄n a zəŋò Zə̀ kò, buw êzə̀ to ù kɔʼso kaŋlo ùghue enyəa ù kì bûʼ kə ne ko, u bùghò bvʉ̂a tsughu alo fətə̀mà tò aŋghəa Satàn fə̀ bvʉ̂ sugho a te.

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”