Matìo 4:3 - To kə Kəzə̀ kə̀ Fughu ko

³ Vʉatsə̄a yi n daŋso ndùw è bugho, dzɛ̀ â wən enyəa, “Aŋghəa e lô enyəa ghù lǒ Wɛ ù Kə̀zə̀, dzàa tsughu enyəa tia zən fə̀là kɔʼ ufʉghàzəa.”

Matìo 4:3 Iomraidhean Croise

Matìo 14:33

Tsə̀təndə̄ghā tia tə mô kuūwn lô alo kəkwə̀n m fughu wə̄n â koʼ so mò, ghe n dzâa tsùghu enyəa, “Kùmkùm, ghù lǒ Wɛ ù Kə̀zə̀.”

Matìo 16:16

Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Matìo 26:63

Yɛso ŋ kuuwn zuuw ko mɔŋ. Fɔ̀e è ne zə n daŋso dzɛ̀ â wə̄n enyəa, “M̀ bvʉa wò â ghù an zən e Kəzə̀ enyəa ghù dzɛ̀ wo â ghàʼ enyəa ghù lǒ Kə̀lestò, wɛ̀ ù Kə̀zə̀.”

Matìo 3:17

Ghe mo e zuw dzə̀ saʼ tsughu wô alo kəwālā enyəa, “Wən lǒ wɛ waŋā, Ǹ duʼn nû ghàʼ à wə̄n.”

Mâk 1:1

Ghən lò ghəa ghə̀là làbəlà è dzùŋ fə̀ dəghàan tsughu a te kùu ndùw Yɛso Kə̀lestò, Wɛ̀ ù Kə̀zə̀.

Mâk 3:11

Mo ghî ghə̀là zʉ̀ u fə̀ lo a zəŋò ghee, kôʼ ndùw wə̄n, ghe n tì bvʉ̀ ndùw a tsəlà wə̄n, zʉ̀ u te wə n dîi sə̌a kɔʼɔ enyəa, “Ghù lǒ wɛ̀ ù Kə̀zə̀!”

Mâk 5:7

màʼà sə̀ wò kə̀bɔ̀ŋ enyəa, “Ghù so e dzə̂ èndugho â mùghǒ a Yɛso, Wɛ̀ ù Tsə̂ntəmbî? M̀ bvʉa wò â ghù an zən e Kəzə̀, kà mugho ndzāŋsō màʼà.”

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Lûk 22:70

Ghe n daŋso nùghù wǎʼn bvʉ tsughu enyəa, “Tò à fì lǒ enyəa ghù lǒ Wɛ ù Kə̀zə̀ a?” Yɛso n dzɛ̀ â ghee enyəa, “Ghɛ̀ dzɛ̂ êsəŋò enyəa Ǹ lò wə̄n.”

Lûk 4:3

Vʉatsə̄a yi ghə n daŋso dzɛ̀ â wə̄n enyəa, “Abugho e lô enyəa ghù lǒ Wɛ ù Kə̀zə̀, dzǎa tsughu enyəa tia zən fə̀là kɔʼ kəbɛ tò ghù zə.”

Lûk 4:41

Zʉ̀ wən səa nùghùun lò a zəŋò ndə̀mà tə aghì tò, zʉ̀ u te wə m buʼn səa wò m̀bɔ̀ŋ, dzàa tsùghuu enyəa “Ghù lǒ Wɛ ù Kə̀zə̀!” Ù ŋ kē ghee, kè boo enyəa ghe kɔʼɔ̄ kūɛɛ, tɔŋlo enyəa ghe mò kwo nû enyəa ù lò Bəghambī.

Lûk 4:9

Vʉatsə̄a a te ghə n daŋso nì ndùw Yɛso an Yɛ̀lusalɛ̀m, nì kɔ̀ʼ ndùw wə̄n edzūŋ èdzùŋ an tuw kə ndughu è Kə̀zə̀ e ne, dzɛ̀ â wə̄n enyəa, “Abugho ghù lǒ Wɛ ù Kə̀zə̀, tǎa sə tsùghù ndùw fɛ;

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 1:49

Natanìɛl fi dzɛ̂ ndùw nù â wə̄n enyəa, “Wàdè ghù lǒ Wɛ ù Kə̀zə̀. Ghù lǒ Də̀ŋ kə Ezə̀lɛ̂.”

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Dzɔ̌n 9:35

Yɛso n zuw tsughu enyəa ghe n dzûm nùghù sə ghuw ù te an Ndùghène è Tə̀dzûu. A m bùghò Yɛso ndùw kôʼ tsughu ghùw vʉ̀, Yɛso m bvʉ â wə̄n enyəa, “Ghù m boo fughu â Wɛ ù Ghùw?”

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

2 Kòlentìan 1:19

Yɛso Kə̀lestò, Wɛ̀ ù Kə̀zə̀, wəla ghàʼ à ghê Sìlvanùs, àsùghò Timotì mò kə̂aa ghəa a wə̄n gho â ghɛ̀, ù mò teen tsəgha dzə yo alo eghəa ù ŋ kôom bùw a te; aŋ wən, ù ňaaŋ tsə̀ghà kô dzughu e wən.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

1 Tɛ̀sàlonìan 3:5

Zə lo e ghee aŋghəa ghəa a mò tsəghà səa mugho, mùghò Ǹ tùm wò Timotì a vʉ̀a ghɛ̀ enyəa, ù bùghò kôʼ aŋghəa ghɛ̀ boō fughu a te â Kə̀lestò. À fə̀ lo bòʼ mùghò fə̀ ki tsə̄ŋ zo enyəa Satàn làʼà lo mò ù n ghɛ̀ tsom enyəa ghɛ̀ ti zəghā fwàʼ kə Kəzə̀ kò, à e bən lo tò ghàʼ mò fwaʼ mùghù mə̀ èləghāa.

Hibùlù 12:16

Dəma tsughu nlò enyəa ghùw wɛʼɛ ka e nuŋlo, ghùw wɛʼɛ ka doʼò mò ù kwò yo Zə̀ kò to Esàu, wəla ù fə̀ fêe tsughu dwaʼa u wə̄n wəla ù fə̀ sə wo â ghè wo am mwěe bòʼ dzughu è zəa zo.

Hibùlù 4:14

Ghəa e lô dzə enyəa sɛ̀ ki nû Yɛso, Wɛ u Kəzə̀, tɔɔŋ Tuw kə fɔ̀e ù tughu wəla ù lǒ mò ù n tsə̀ghànyə alo kəwālā; to sɛ̀ mô tɔʼɔ̀ sɔʼn tsughuu ko ŋkāa am boo zəla sɛ̀ ki â Zə̀ kò.

Hibùlù 7:3

À lo ghùw mò a kwo yo tsele ŋkāa zə̂, ŋkāa kèndughu kəla u sə a te, kwo sugho yo tsuʼ fəla ghe fə dzə wə̄n a te àsùghò fəla ù fə̀ kpuw a te. Ù fwěen ko wɛ ù Kə̀zə̀, vʉ̀a ù lo fɔ̀e zəla è dòʼò tən.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”