Matìo 4:11 - To kə Kəzə̀ kə̀ Fughu ko

¹¹ Vʉatsə̄a yi ghə n daŋso zə̀ghà tsùghu wə̄n, tsə̀ndə̄ghā è Kə̀zə̀ m bùghò yòsò kɔʼ wə̄n.

Matìo 4:11 Iomraidhean Croise

Matìo 26:53

Ghù kwo yo enyəa to Ǹ dzâa tsughu, Bəghà tuū wô mùghò â shwaʼ u tsətəndə̄ghā tə wə̄n wo eghə̄m à ghè wò u bʉ̀ghà à, ghe bughò yosò mùghò à?

Matìo 4:6

dzɛ̀ â wə̄n enyəa, “Abugho ghù lǒ wɛ̀ ù Kə̀zə̀, tǎa sə tsùghù ndùw fɛ, nu ghe tɔm naŋa am Mwàʼsò kə Kəzə̀ enyəa, ‘Zə̀ kə̀ lo tsə̀ghàsò tsùghuu kə̀làŋ â tsə̀təndə̄ghā tə wə̄n to, tə e lɛnlo â ghù, bɔɔm sùghò ghù enyəa e kwo ko ghù lò tsɔ̂ɔ taʼn ghuw ko alo etīa.’ ”

Mâk 1:13

Ù n dòʼò fughu à ŋgwə̀n ghə̀m mə̀ ntsuʼ n chìakò mo Satàn n tsoom kaaŋ ko wə̄n; ù n lo ghèe ghêe nyòm tə ŋgwə̄n to, tsə̀ndə̄ghā è Kə̀zə̀ n lɛnlo â wə̄n.

Lûk 22:43

[Tsə̀ndə̄ghā è Kə̀zə̀ m gbə̀n sə wò fughu a vʉ̀a wə̄n, dzə̀n tsughu wə̄n â sə̀ŋ zò.

Lûk 22:53

Sɛ̌ fə̀ mgbaŋa dôʼn zeē tsəgha ko am be kə̀ ne ko ntsuʼu n dzə̀m, ghɛ̀ ŋ kè kwu mugho. Zən fɛ̄ kuuwn lò nəgha zɛʼɛ̄, nəgha e kədaʼa e waatsūʼ.”

Lûk 4:13

A m bùghò vʉatsə̄a yi də̂m kê tsughu aletsōom Yɛso an ndə̀mà tə tədzǐi, a mô è nughù, kwɛ̀ nàŋa ndùw wə̄n bugho ndzɔ̀ŋ kè dzɔ.

Dzɔ̌n 14:30

Ŋ̀ kôom ki yo ndə̀m è aghəa à kəaa gho sɛ̀, bòʼ enyəa ghùw wəla ù saʼā mbī zən bughò nù. Ù kì ki yo daʼa kə li ko a zəŋò mùghò.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Hibùlù 1:14

Tsə̀təndə̄ghā tən tə̀ dzə̀m mgbàŋ yǒ zʉ̀ wəla Zə̀ kə mò tum wo enyəa ghe bughò fwâʼ â ghì ghəla ghe kê zəā tuw ko a?

Hibùlù 1:6

Alekòom nîi kpeʼē tsughu aŋghəa Zə̀ kə̀ fə so fughuu wo Wɛ̀ ù wən ù sûesʉ am mbī, Ù n dzɛ̀ tsùghù enyəa, “Tsətəndəgha tə Kəzə̀ tə dzə̀m ki alefughuu wə̄n â kɔʼso mò.”