Matìo 4:10 - To kə Kəzə̀ kə̀ Fughu ko

¹⁰ Yɛso n daŋso dzɛ̀ â wə̄n enyəa, “Nùghù fɛ a Satàn wə̄n! Tɔŋlo enyəa ghe tɔm naŋa enyəa, ‘E kɔʼso kɔ Mughu ù te, Zə̀ kə̀a, ghù è tele fwaʼā ko â wə̄n.’ ”

Matìo 4:10 Iomraidhean Croise

Matìo 16:23

Ù ŋ kuuwn fə̀n tsughu ughue, dzɛ̀ â Pità enyəa, “Nùghu a bàâ mùghò a Satàn! Ghu tə̀ghàsò mùghò; nu zə yo dzə̂ moʼnlò e Kəzə̀ ghù ki, zə lo moʼnlò aghì.”

Mâk 1:13

Ù n dòʼò fughu à ŋgwə̀n ghə̀m mə̀ ntsuʼ n chìakò mo Satàn n tsoom kaaŋ ko wə̄n; ù n lo ghèe ghêe nyòm tə ŋgwə̄n to, tsə̀ndə̄ghā è Kə̀zə̀ n lɛnlo â wə̄n.

Lûk 10:18

Yɛso n daŋso dzɛ̀ â ghee enyəa, “Ŋ̀ kôʼ Satàn ù bvʉ̀ tsughu wô alo Kəwālā to ghuuw e lô bvʉā.

Lûk 11:18

Abugho Bɛɛlzɛ̄bùl ndzùghùun lâ aŋ ghùe u wə̄n, fɔe u wə̄n u lo ênzə̂n aletəme lo a; ghɛ̀ sô so enyəa, Ň zʉ̀ ù fɛ dzùu sə̌a an daʼa kə Bɛɛlzɛ̄bùl lo a?

Lûk 13:16

To ghɛ̀ fɛ dzɛ̀ enyəa, yìzən wə̄n, wɛ ù Abə̀làhâm wəla ù fala tsɛlɛ̄ am fàŋà kə Satàn alo tənùu eghə̄m à ghè tò efāa, a ka wə̄n nɛ Tsuʼntsə̄ dɔ̂ɔm zè zə̀ghà a?”

Lûk 22:3

Vʉatsə̄a ghə n daŋso tsom kɔʼ Dzudàs, tɔɔŋ Eskàlìot, wəla ù fə̀ lô sugho tsə̀ndə̄ghā an tsə̀təndə̄ghā tə Yɛso ten èghəm à ghè tò tə bə̀ghà.

Lûk 22:31

Yɛso n dzàŋ tɔ̀ŋɔ tsughu Pità enyəa, “Sǎemòn, Sǎemòn, zuw ghɛ à, Satàn n daʼa kə nɔe â Zə̀ kò enyəa e tsâʼà səā wô ghɛ̀,

Lûk 4:8

Yɛso m bɛ̀lɛ̀ ndùw enyəa, “Ghe tɔm naŋa am mwàʼsò kə Kəzə̀ enyəa, ‘E kɔʼso ko Mughu ù te, Zə̀ kə̀a, ghù è bɔɔm fwaʼā ko â wə̄n.’”

Dzɔ̌n 13:27

Ghəa Dzudàs zə kɔʼ bàa fə tə fo, zə̀a fə̀ biigh fə nyəən tsughu wə̄n. Yɛso n daŋso dzɛ̀ â wə̄n enyəa, “Ghəa zə̀a ghù so e ghəŋlo, zàŋso ghəəŋ ndùw.”

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Kə̀fwàʼ 5:3

Pità m bvʉ â wə̄n enyəa, “Ànànîas, à lǒ kwò ghù boō tsughu enyəa Satàn nɔɔ̄ fughuu tsughu ghù enyəa ghù gbo naŋa nduw kə̂m kə ukʉa aŋ kua wəla ghù fèe tsughu luʼu kə̂a ko a te, ghù bugho kaʼn wo ghā gho â Zuʼ tə̀ Zɔlɔ to a?

1 Kòlentìan 5:5

Ghɛ̀ ki alezèe fughuu ndûw ghùw wən â Satàn tò ù wiī maʼà tsughu gwən e ughùe e wə̄n, to fə̀ŋ è wə̄n e ke lo alezə kətuw an tsuʼ wəla Mughùbè Yɛso lo bughoo ebàm a te.

1 Kòlentìan 7:5

E kwo ko chìa lò mʉā wàazə â ghue u wə̄n wo à gɔ̀ʼɔ̀ ko mo ghe ndôʼ sǎan tsughu aleghəə̄ŋ tsughu êzə aŋ gha kə̀ li ko, abugho ghe tsə̂m tsughu alenìi kɔʼ enəgha alegɔ̀ŋlò; Abugho ghe gɔ̂ɔŋ mɛʼɛ̀ tsughu, ghe ŋ kòom daŋso kàʼ ndùw ebàm, e kwo Satàn lò tsoō kɔʼɔ ghùw ù ghee abugho ghe yo alekwuū kelê ghue e ghee.

2 Kòlentìan 11:14

M̀ məgha nû, Satàn bùʼù nyəā gbəən doʼn kɔʼɔ̄ aŋ tsə̂ndəgha è zɔ̀lɔ.

2 Kòlentìan 12:7

Alekuūwn ghəə̄ŋ tsughu enyəa e kwo Ǹ lô kɔʼso ghue wo bòʼ ndə̀mà tə kɔ tə aghəa təla Zə̀ kə̀ dê fughu wo â mùghò, ghe n tùm zə̀ghàa wò fʉgha ù fɔɔn wo a zəŋò mùghò enyəa u e fwaʼā a zəŋò mùghò tǒ tum è Satàn, aletə̀ghàsò mùghò enyəa e kwo Ǹ lô muūwn kɔʼsō tsəghàsò ghue wo.

2 Kòlentìan 2:11

aleghəŋlo enyəa e kwo ko ghɔŋ e Satàn è lô bughò baŋà kɔʼɔ am bvʉa e sɛ̀, tɔŋlo enyəa a kwo nû dziī tə wə̄n tə̀ biigh tə̀ ghəəŋ tə aghəa to.

Dzɛ̂ms 4:7

À fi lo enyəa ghɛ̀ è zuuw nduw â Zə̀ kò. Kà nlò boo enyəa vʉatsə̄a a kɔʼɔ̄ nyaʼa an tuw wɛʼɛ, a lo tiī zəghàan tsùghuu ghɛ.

1 Pità 5:9

Tɔ̀ʼɔ tee tən tsughu ko nlò am boo zɛʼɛ̄, e kwo ghɛ̀ lo bomlo enyəa ù tughuu tsəghà ghɛ̀; ghɛ̀ kwo nû enyəa waazughù à li a bɔɔm faan sùghò fala è mɔʼɔ̄ zo am mbī e dzə̀m.