Matìo 3:9 - To kə Kəzə̀ kə̀ Fughu ko

⁹ E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Matìo 3:9 Iomraidhean Croise

Mâk 7:21

Tɔŋlo enyəa à lò a tèetè, am fə̂ŋ è ghùw, moʼnlò è biigh e səa kɔʼɔ̄ wo; aghəa tǒ alesəa nuuŋ kaŋlo, aletsɔ̄ŋ, alewī ghùw,

Lûk 12:17

tûw vʉ m bvʉ tsughu enyəa, ‘Mùghò è dzə̂ ênzə̂n a, Ǹ sô lo mò Ŋ̀ ki yo luʼu ko alenaŋâ fʉ̀ghàzəa waŋā a tè à?’

Lûk 16:24

Ù n dì sə̀ wò enyəa, “Tsele waŋā Abə̀làhâm, kwuso se zo a zəŋò mùghò ghù tum tsughu Lazālùs, tò ù tsùu kɔʼ wàakə̀ghu ù wə̄n alo mmùghu, ù bùghò bvʉ̂ʉn wô tɔŋ waŋa a te; nu ŋ ŋgee zuuw èfɔnlo fɛ aŋ wə̀n wən.”

Lûk 19:40

Yɛso n dzɛ̀ ndùw à ghee enyəa, “Ǹ so Ǹ dzâa wô â ghɛ̀ enyəa abugho ghî ghən doʼò tsughu mɔŋ, tia a sô kaʼā tsughu bɔ̀ŋ m bùʼn mò.”

Lûk 3:8

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà, kà nlò kaʼ tsùghù dzə̀ ghɛ̀ è kəaa kaŋlo enyəa, ‘Abə̀làhâm lǒ tsele waʼa.’ Ǹ dzâa wô â ghɛ̀ enyəa, to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Lûk 5:22

Yɛso ŋ kòʼ tɔ tsughu moʼnlò e ghee, ù m bvʉ â ghee enyəa, “Tuw kə ghɛ kpûuw kwò?

Lûk 7:39

Falàsîi vʉ̀a ù fə̀ zɔʼɔ̄ wə̄n ŋ kòʼ ghəa yì, dzɛ̀ tsùghù aŋ ghùe u wə̄n enyəa, “Abugho bəghà wə̄n mô lo ghùwshʉ̀gha, to ù mâa kèle ŋgòʼ è fə̀ghà kəla yìzən wəla ù mɔ̀ɔ wo wə̄n lo â ghè kò, enyəa à lǒ yìzən ù bǐigh.”

Dzɔ̌n 8:33

Ghe m bɛ̀lɛ̀ ndùw wə̄n enyəa, “Ghaʼ lo wɛ a awɛ ghə Abə̀làhâm, ghàʼ kaām doʼò kòʼ am fàŋa kə ghùw ù lì. Ghù lò ênzə̂n aledzaā wo â ghàʼ enyəa, ‘Ghe lo bəghāsə̄ ghɛ a?’ ”

Dzɔ̌n 8:37

Ŋ̀ kwo nû enyəa ghɛ̀ lo wɛ a awɛ ghə Abə̀làhâm, ghɛ yia naām kəŋo ko dzì alewī mugho, bòʼ enyəa shwaʼ waŋa u ki yo bəla ko am fə̀ŋ tɛʼɛ.

Dzɔ̌n 8:53

À lò enyəa ghù tsə̀ghàsə nû tsele waʼā Abə̀làhâm ghèe ghê ghiīshʉ̀ghà a Kəzə̀ ghəla ghe fə̀ kpuwnlo a? Ghù mòʼò enyəa ghù lò ndugho a?”

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 15:14

Sǎemòn n teso kɔ̀ʼ wò ghəa Zə̀ kə̀ mò zeʼē bâŋ kôʼ Toʼò zò, shìa sə̀ wò àghì am bvʉ e ghee enyəa à lò ghî a wə̄n.

Lumà 4:1

A lo aledzàa tsughu êndūghō kùu ndùw Abə̀làhâm, tsele ù ghê tsele ghaʼa a? Ù fə̀ zoʼn kele kɔʼ êndūghō?