Matìo 3:6 - To kə Kəzə̀ kə̀ Fughu ko

⁶ Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Matìo 3:6 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Mâk 1:5

Mbùʼ è Dzùdîa e dzə̀m, à ghì a Yɛ̀lusalɛ̀m ghò a dzə̀m n nyəŋ tsughu a vʉ̀a Dzɔ̌n enyə; ghe m bughò zàa wò vùŋ kə ghee enyəa ghe ŋ ghəəŋ bonlo a sə̀a Zə̀ kò, ghe yia a mʉŋe a te, ù m fughuu ghee â mùghù ŋ Kə̀zə̀ mò an dzughù è Dzodàn.

Lûk 1:16

Ù lo fə̀nsò wò sùghò fə̀ŋ tə ndə̀ma tə wɛ ghə Ezə̀lɛ̂ a vʉ̀a Tsə̂ntə̀mbi, Zə̀ kə ghee.

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 11:16

Mùgho n daŋso tɛ̀ mòʼn wo shwaʼ u Mughu ù te aŋghəa ù fə̀ dzɛ̂ enyəa, ‘Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, ghe lô ghɛ̀ â mùghù ŋ Kə̀zə̀ kuuwn fughuu an Zuʼ tə̀ Zɔlɔ to.’

Kə̀fwàʼ 19:18

Ndə̀m è àghì aŋ ghì ghəla ghe mò boō fughu tsughu m bùghò zɛ̀ vùŋ u ghee dzàa fùghuu wò ghəa ghəla ghe mò lo mo ghe maā ghəŋlo.

Kə̀fwàʼ 22:16

Ghù sò èzəŋ e kôom lə̌əm zēe ndùw kwò à? Nùghu kɔʼɔ̀ to ghe fughuu tsughu ghû a mùghù ŋ Kə̀zə̀ mò, ghù suw maʼa tsughu bôo tə̀ghà tò, mò ghù gɔ̀ɔŋ ndùw â Mughu ù te.’ ”

1 Kòlentìan 10:2

Ghe m fughu ghee a dzə̀m â mùghù ŋ Kə̀zə̀ mò aŋghəa ghe mò bwîi nduw a bǎà Musî am mbàʼ zə̀ àsùghò an dzùghùntsòʼ e te.

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

Hibùlù 6:2

Sɛ̀ kôom kì sugho yo alekəā ghəa gho kùu ndùw alezoʼnlo aghì aŋ ghəa à fughu ghûw ghò â mùghù ŋ Kə̀zə̀ mò, ŋkāa aŋ ghəa a ghu à gaʼā nduw gho, ŋkāa aŋ ghəa à kɔʼɔsəa gho alo evʉ, ŋkāa ghəa a dzughu e saʼ zəla e doʼò tən.

Hibùlù 9:10

Ghəa ghən a dzə̀m ghe ghənlo, ghe ghəəŋ ndùw ko bòʼ dzughu è zəa zo àsùghò fʉgha ù mʉa wo, àsùghò ghəa à fughuu â ghûw ghò â mùghù ŋ Kə̀zə̀ mò. Wən lò ko lwâŋ wəla u yo dzə alekuuwn fə̀ŋ è ghùw, mo lwâŋ u te u fə̀ fwaʼ bugho kum tsughu ko an nəgha zəla Zə̀ kə fə̀ ghəəŋ tsughu enyəa aghəa a dzə̀m dòʼò à fughu gho.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

1 Pità 3:21

Fʉ̀ghàdzughù tən fɛ dêe mùghù ŋ Kə̀zə̀ məla ghe fughu â ghɛ̀, mìa m bəghaasəa ghɛ, mò à yò dzə̂ tǒ ghùw lò sûuw maʼn tsughu ghue wo a te; a kǔuwn lǒ dzì â ghɛ̀ aleto kətō am fə̀ŋ tə̀ zɔlɔ to â vʉ̀a Zə̀ kò. À ghɛ̀ êzə̄ŋ e bəghaasəa kpuūw kɔʼɔsə e Yɛso Kə̀lestò alo evʉ.

1 Dzɔ̌n 1:9

Abugho sɛ̀ kûm boo tsughu enyəa sɛ̀ ghəəŋ nù ghəa à biigh gho, sɛ̀ yia a mʉŋē aŋ ghəa a te gho a sə̀a Zə̀ kò, kə lo ghuūw maʼà bòo tə sɛ̀, kə sùuw maʼà sughò sɛ̀ aŋ ghəa a sɛ̀ à biigh gho. Tɔŋlo enyəa Zə̀ kə̀ lo tsəghatsəgha, chia kə naāŋ sugho to kə wə̄n ko.