Matìo 3:2 - To kə Kəzə̀ kə̀ Fughu ko

² Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 3:2 Iomraidhean Croise

Matìo 10:7

E kəā nduw ghəa a Kəzə̀ ghò aŋghəa ghɛ̀ nduūw, dzàa ndùw enyəa, ‘Fɔ̂e ù kəwālā wə m bùghò.’

Matìo 11:20

Ghì ghə̀ ŋ kè tiī kûuwn fə̀ŋ tə ghee aŋ ghəa a ghee à biigh gho an nàʼà təla Yɛso fə̀ ŋge de sə̀ghàa mò a fughu êzə̀, ù daŋso kàʼ ndùw ghee aletsɔ̀mlò, dzɛ̀ tsughu enyəa,

Matìo 12:41

Ghî ghə enaʼ a Ninēvɛ̀ a kê nùghùun wò an tuw kə ghì a nɛ ghən, ghe e komso ghee; mbuu ghe mafə̄ ti kuuwn nùghù wò fə̂ŋ tə ghee to am bòo tə ghee aŋghəa Dzonàh fə̀ ndûw naʼà ndùw tum â ghee. Kòʼô, ghùw wəla u tsə̀ghàtàʼà Dzonàh, ù lò fɛ, ghɛ yia taʼkè tiī kuwnlo.

Matìo 13:11

Ù m bɛ̀lɛ̀ tsughu enyəa, “Bàʼà ghɛ, Zə̀ kə̀ n nàn tə ghəa təla tə lo Fɔ̀e u kəwālā â ghɛ̀ dê fughu wò, kè kuūwn dê â ghee.

Matìo 13:24

Yɛso ŋ kòom fughu kpeʼe ndùw kwə̀ən kə ushwāʼ kən â ghee enyəa, “Fɔ̂e ù kəwālā u lo tǒ ghùw ù li fə̀ tam tsughu ŋgòʼ tə̀ dzûŋ tò an sum u wə̄n;

Matìo 13:31

Yɛso ŋ kòom kə̀a kpèʼe ndùw ghee â kwə̀ən kə ushwaʼ ko enyəa, “Fɔ̂e u kəwālā u lo tò sə e esām e mostàd ghùw mò nî tam tsughu an sum u wə̄n.

Matìo 13:33

Yɛso n naam kə̀a kpèʼe ndùw kwə̀ən kə ushwaʼ â ghee enyəa, “Fɔ̂e u kəwālā u lo tǒ sə fə mbvùŋ, wìzən ù li mò nî kɔʼ, nyùʼ dzə̌əŋ kɔʼ am fuŋu wə mpfùŋ u tʉghà, zə̀ n nyə̀ŋ kǎaŋ ndùw a te, mpfùŋ n te mə̀ ŋ kàʼ ndùw è kɔʼ.”

Matìo 13:47

“Fɔ̂e u kə̀zə̀ ù kôom lò kpeʼe sugho tò ughuūw ghe mò maʼà nyə tsughu an dzughù, kwu kɔʼ ŋgòʼ tə tətsəgha tə dzə̀m tə nyə tsughu a te kpe.

Matìo 13:52

Ù n daŋso dzɛ̀ â ghee enyəa, “À fi lo enyəa dèekə̀làŋ wəla ù bùghò doʼò tsə̀ndə̄ghā aŋ ghəa e fɔ̀e u kəwālā lo tò mughùbè wəla ù nìi səā wô fʉgha ù fughu wo àsùghò ù wii wo an tsughu e wə̄n.”

Matìo 18:23

Fɔ̂e u kəwālā u lo tò kədə̀ŋ kə fə̀ ləghaa alebianlo ghèe kɔ̀ɔ ŋ wə̄n mò.

Matìo 20:1

“Fɔ̂e u kəwālā u lo tǒ ghùw ù lì ù fə̀ gbən sə tsughu alendùw kəŋ ghî à kəfwàʼ enyəa ghe soʼō fwâʼ an sum u wə̄n.

Matìo 22:2

“A lo alenìi bâan ndûw fɔ̀e ù kəwālā ghèe də̀ŋ kə̀ li ko kə fə̀ so e zɔ̂ʼ àghì enyəa wɛ̀ ù wə̄n nî tsùghu wī.

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 25:1

“Tsuʼ u wəla Wɛ ù Ghùw kè bughōo a te, fɔ̂e u kəwālā u kê lǒ tǒ zə̀azə̀a fə təŋgɔ̀e eghə̄m, ghe mò nî kɔʼ tɔlɔkaŋ to, nùghù ndùw alendùw kpeēnî nùuwìzən.

Matìo 25:14

“Fɔ̂e u Kəzə̀ ù kê lò aŋghəa ghùw ù lì fə̀ so e səā bwînlò, ù m fughu naŋa tsughu ghəa a wə̄n â kɔ̀ɔ ŋ wə̄n mò.

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Matìo 5:10

Dzɔ̀ lò â ghì ghəla ghî à ndzaŋso ghee, mbuu ghe lô tsəghatsəgha, tɔŋlo enyəa kə ghee kə lo fɔ̂e u kəwālā.

Matìo 5:3

“Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Matìo 6:10

E saʼa mbī e dzə̀m, mbī e bwiī an dzə̂ zə̀ghà to e lô alo kəwālā.

Matìo 6:33

Kuuwn bùʼu tughuso tsùghù dzə̀ nlò kè tò aŋ ghəa e fɔ̀e u Kə̀zə̀ àsùghò aŋ ghəa ghəla a ghəŋlo enyəa ghùw è lo tsəghatsəgha, ghɛ̀ ke kele tsughu sugho fʉgha u te wo u dzə̀m.

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Mâk 1:4

Dzɔ̌n ghùw wəla ù mò fughuu mùghù ŋ Kəzə̀ mò m gbə̀n sə kɔʼ aŋ ŋgwə̄n, tsʉ̀a wò àghì enyəa ghî à kuūwn fə̀ŋ tə ghee, ghe nî mùghù ŋ Kə̀zə̀, tò Zə̀ kə̀ ghuūw maʼà bòo tə ghee.

Mâk 6:12

Ghe fi sə ndùw nù, nàʼn ndùw enyəa ghî ghə̀n à dzə̀m màʼà èbo.

Lûk 1:16

Ù lo fə̀nsò wò sùghò fə̀ŋ tə ndə̀ma tə wɛ ghə Ezə̀lɛ̂ a vʉ̀a Tsə̂ntə̀mbi, Zə̀ kə ghee.

Lûk 11:20

Abugho a kuūwn lô enyəa, Ǹ shûaan sə̌a zʉ̀ wən an daʼa kə Kəzə̀, à fi lo enyəa Fɔ̂e u Kəzə̀ wə̀ ŋ ghɛ̀ bughò tsə̀là.

Lûk 13:3

À yò êzə̀! Ǹ so Ǹ dzâa wô â ghɛ̀ enyəa, à bǔw mò ghɛ̀ kuuwn kɔʼ mwam zɛʼɛ è biigh zo, ghɛ̀ a dzə̀m lo bɔɔm ləŋe sùghò èzə̀.

Lûk 13:5

À yò êzə̀! Ǹ so Ǹ dzâa wô â ghɛ̀ enyəa, à bǔw mò ghɛ̀ kuuwn kɔʼ mwam zɛʼɛ è biigh zo, ghɛ̀ a dzə̀m lo bɔɔm ləŋe sùghò èzə̀.”

Lûk 15:10

M̀ fɛ dzàa wò nù â ghɛ̀ enyəa à bɔ̌ɔm lò sugho êzə̀ Tsə̀təndə̄ghā tə Kəzə̀ tə̀ duʼnlo abugho ghùw ù bǐigh u mɔ̀ʼ ti kuūwn kɔʼ am bòo tə wə̄n.”

Lûk 15:7

À lò sugho êzə̀, aŋghəa Ǹ dzâa wô fɛ â ghɛ̀ enyəa à kè lò duʼnlo è nêene zo alo kəwālā abugho ghùw ù bǐigh u mɔ̀ʼ kuuwn kɔʼ fə̀ŋ è wə̄n tsə̀ghàtàʼà ghì à dzûŋ ghən ŋghəm tɛ̀ndzūghū à ghè ghǒ tɛ̀ndzūghū ghe moʼò enyəa ghe lo ghî à dzûŋ ghò, ghe kôom yô alekuūwn fə̀ŋ tə ghee to.”

Lûk 16:30

Tûw vʉ mo enyəa, “Ɛ̂ŋgaŋ a tsēlē, abugho ghùw laam ndûw a vʉ̀a ghee, mò ù nùghù tsùghù fɛ an naʼ zə evʉ̄, to ghe zuw, ghe kuwnlo.”

Lûk 21:31

À lò sugho eghəla abugho ghɛ̀ kê kôʼ ghəa ghən tsəghāa, à fi lo mo Fɔ̂e u Kəzə̀ wə̀ ŋ kuʼso.

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Lûk 6:20

Ù n daŋso nùghùsò kɔʼ kətuw, lɛɛn ndùw tsə̀təndə̄ghā tə wə̄n, dzɛ̀ enyəa, “Dzɔ̀ lò ghɛ ghî à laa gho, tɔŋlo enyəa fɔ̂e u Kəzə̀ ù lɛɛn ghɛ̀.

Lûk 9:2

Ù n daŋso tùm sə̀ ndùw ghee enyəa ghe e naʼn nduw tùm è dzùŋ kùu ndùw Fɔ̂e u Kəzə̀, baaŋ ndùw sùghò tə̀dzàŋà.

Kə̀fwàʼ 11:18

Ghəa ghe zuw tsughu ghəa ghən gho, ghe m bughu naŋâ ghəa ghəla ghe mô kəaa ghè ghò, kàʼ ndùw alefughu ŋkɔʼso â Zə̀ kò, dzàa tsùghuu enyəa, “Zə̀ kə̀ m fùghù sùghò ghî ghəla ghe yô Dzûu tò â bùʼ kò alemàʼà bòo tə ghee, to ghe kelê mùghù zəla e doʼò tən.”

Kə̀fwàʼ 17:30

Zə̀ kə̀ n wuwmàʼà ghəa à biigh ghəla ghî a mò ghəŋlo an tì kəla ghe fə̀ kwo tsəghà yo wə̄n, vʉ̀a ù fughu tsughu lâŋ kò êzəŋ â ghì ghò a dzə̀m an lùʼù tən tə̀ dzə̀m enyəa ghe maʼà ghəa à biigh gho.

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Kə̀fwàʼ 3:19

À fi lo enyəa ghɛ̀ ki alemàʼà ebo, ghɛ̀ koom fən wo fə̂ŋ tɛʼɛ to a zəŋò Zə̀ kò, tò ù zèe maʼà bòo tɛʼɛ, ù sùuw zɔnso tsughu ghɛ.

2 Kòlentìan 7:10

Tɔŋlo enyəa ŋgòʼ è muŋe zəla ghùw muŋē mò à lò zəla Zə̀ kə̀ ləghaa ghəŋlo enyəa ghî a tiī kuūwn kɔʼ fə̂ŋ te ghee, to ghe e lo alezə kətuw, mò ghùw yò dzə̂ aledì ughue a te. Muŋe zəla à tsò lô ko e ghûw wə̀ nsɔ̌ɔŋnchùw zò bughòo â vʉ zo.

Kòloshìan 1:13

Vʉ̀a ù bəghāsə̄ sɛ̀ aŋ ghùu daʼa kə kələ̄m ko, nì nàŋa tsə̀ghà wò sɛ̀ am fɔ̀e u Wɛ ù wə̄n, ù gaʼ fə̀ŋ a te.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

Hibùlù 6:1

Sɛ̀ ki aledə̀mà təla tsughu alezoʼn ghue e sɛ̀ zo aŋghəa ghəla a lo aleghəŋlo enyəa sɛ̀ məla tsughu, àsùghò enyəa sɛ̀ e moʼn nduw ghəa ghəla a tsəghàsə ghəa a sûesʉ ghəla ghe mò bû zoʼn dzə sɛ̀ a te kùu ndùw Kə̀lestò. Sɛ̀ kôom ki yo alekə̀aa zee ghəa gho kùu ghəa ghən enyəa, sɛ̀ ki aletiī kuwnlo aŋ ghəa ghəla a nîi wô vʉ zo, ŋkāa aŋghəa sɛ̀ ki alegaʼ fə̀ŋ a te a zəŋò Zə̀ kò.

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

Edêe Fughu 2:21

Mugho ŋ wə̄n â nəgha e fughu enyəa ù tiī kuwnlo, vʉ̀a ù kuūwn tuū enyəa e tii maʼà dzə̀adzə̀ tə aghəa tə wə̄n te to, ù kuwnlo.

Edêe Fughu 2:5

Mǒʼn wò aŋghəa ghɛ̀ mò bûʼ lo tsəgha a te tò ghɛ̀ è bughò bvʉ̂a kôom tsughu, kuuwn kɔʼ nlò am fə̂ŋ tɛʼɛ to, ghɛ̀ è ghəəŋ nduw ghəa ghə̀là ghɛ̀ mò buʼù ghəə̄n tsəgha. Buw êzə̀, Ǹ lo bughò sɔŋɔ̀ nughù kɔʼ ti kəlâm kɛʼɛ an luʼù kə wə̄n, tò ghɛ̀ ke telē kuuwn wo fə̂ŋ tɛʼɛ to.