Matìo 3:12 - To kə Kəzə̀ kə̀ Fughu ko

¹² Ù lò â kwònɛ̀lɛ aŋ ghu alefoōn nughù kɔʼ təŋgòʼ a te, ù fwə̀là naŋā ndûw an tɔ̀e a kə̀twɛ̄; ù daŋso kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Matìo 3:12 Iomraidhean Croise

Matìo 13:30

Naŋa nlò to u dzeŋe noō ndûw ko ghèe ghê sò gho, a lo kôʼ nəgha è kwuū zo; Ǹ lo dzɛ̂ â ghì à kwuū gho enyəa ghe buʼu sughūu kɔlɔ̄ naŋā kɔʼɔ̄ dzə̂ zwiī u te wo alo ukwāʼ, aŋ ghəa à kpɛɛ̄n maʼn gho, ghe daŋso kwûu səā kɔʼ àsò, ghe bughò kwəlā kɔʼso naŋā kɔʼ a kə̀twɛ̄.’ ”

Matìo 13:41

Wɛ ù Ghùw lo tuu wò tum tə wə̄n, ghe lo tsâʼà nughù səā wô fʉgha wəla u nɔɔ̄ fughu ghî gho enyəa ghe e ghəəŋ bo zo àsùghù ŋgòʼ è ghì à biigh gho.

Matìo 13:42

Ghe kê maʼà ndûw ghee aŋ wən u shʉ̀ghà utsūʼ; ghî à alediīn fughu, pfʉa àsɔŋ am bō.

Matìo 13:43

Ghî a tsəghtsəgha ghə̀ e kê nyəghaan ko aŋ fɔ̀e u Tsele tò ezuw. Mò ghùw kì utuŋlō, ù zuw.”

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Lûk 3:17

Ù lò ko â kwònɛ̀lɛ è wə̄n aŋ ghu alefoōn nughù kɔʼ təŋgòʼ an chìndughu, ù fwə̀là naŋā ndûw an tɔ̀e a kə̀twɛ, ù daŋso kuuwn kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Dzɔ̌n 15:2

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.