Matìo 3:11 - To kə Kəzə̀ kə̀ Fughu ko

¹¹ Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:11 Iomraidhean Croise

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 1:4

Dzɔ̌n ghùw wəla ù mò fughuu mùghù ŋ Kəzə̀ mò m gbə̀n sə kɔʼ aŋ ŋgwə̄n, tsʉ̀a wò àghì enyəa ghî à kuūwn fə̀ŋ tə ghee, ghe nî mùghù ŋ Kə̀zə̀, tò Zə̀ kə̀ ghuūw maʼà bòo tə ghee.

Lûk 1:17

Ù kè zìi tsùghuu fwàʼ kə Mughu ù te an dzə̀ tə daʼa kə Kəzə̀ kela Èlaedzà fə̀ ki. Ù lo fə̂nsò wô fə̀ŋ tə ghê tselèwɛ̀, ghe e ke lo alo kəfəgha kə mɔ̀ʼ ghèe ghê wɛ gho. Ù lo fə̂nsò wô sughò ghê tùghùukə̀tūw, ghe zumsō doʼò tsughu. Ù kè ghəa ghən fɛ ghəŋlo alebiaān naŋā zîi tsughu ghî ghəla ghe kê zuūwkɛlɛ̄ Mughu ù te.”

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Lûk 3:3

Ù m bwìi ŋgəa tsughu nàʼà mə̀n n dzə̀m n dzə̀m n lò aŋ ŋgùŋù tə dzùghù e Dzodàn, nàʼn ndùw enyəa ghî à nî mùghù ŋ Kə̀zə̀ ghe tiī kuwnlo am bòo tə ghee, to Zə̀ kə̀ lo ghuūw maʼà bòo tə ghee,

Dzɔ̌n 1:15

(À fə̀ lo Wə̄n wəla Dzɔ̌n fə̀ teso dzâa wò â ghì ghò an dzə̂ è tughu enyəa, “Wən lǒ ghùw wəla mùghò mò dzâa wò enyəa, ‘Ù bughòo â bâa mùghò mò Ù tsə̀ghàsə̀ mugho, bòʼ ù fə ki lo tsəgha nû to ghee e bughò dzə mugho.’ ”)

Dzɔ̌n 1:30

Wən lǒ ghùw wəla mùghò mò dzɛ̂ enyəa, ‘Ghùw wəla ù bùghò a bâa mùghò mò ù tsə̀ghàsə̀ mugho.’ Tɔŋlo enyəa ù fə̀ lo ziī nû to ghe e dzə mugho.

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 19:4

Pôl n dzɛ̀ â ghee enyəa, “Dzɔ̌n fə̀ fughuu mùghù ŋ Kə̀zə̀ â ghì ghəla ghe lo mo ghe ti kuwnlo fə̂ŋ tə ghee tə̀ biigh to, dzàa ndùw â ghî ghò enyəa ghe boō fughu tsughu â ghûw wəla ù mò ki alebùghò a bǎa wə̄n, tɔɔŋ Yɛso.”

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Kə̀fwàʼ 8:38

Ù m fughu tsughu kəlâŋ enyəa nwaŋ u tee, ghèe Felêp n nyə̀ tsùghù ndùw fughu an ndzughù, Felêp m fughu tsughu wə̄n â mùghù ŋ Kə̀zə̀ mò.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Taetùs 3:5

kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.

1 Pità 5:5

Yia a bughò sugho ghɛ a waafəghàŋ ghò, ghɛ̀ ki alebɔɔm zuuw nduw sugho â ghì ghəla ghe tsə̀ghàsə tsugho ghɛ an nōo. Ghɛ̀ a dzə̀m ghəla ghɛ̀ lo mò ghɛ̀ m boo fughu â Zə̀ kò, ki alemaʼn tsughu ghue zo aŋ ghəa a ghɛʼɛ à ghəəŋ gho â wàazughù ghò, tɔŋlo enyəa ghe tɔm naŋa am mwàʼsò kə Kəzə̀ kə̀ enyəa, “Zə̀ kə̀ nyuʼn dzə̀m a zəŋò ghùw wəla ù kɔʼso ghue wo, kuuwn tɔʼnlò â wəla ù màʼn tsughuu ghue wo.”