Matìo 3:10 - To kə Kəzə̀ kə̀ Fughu ko

¹⁰ Ndzàm bùʼ lò nû êzə̄ŋ ghe shia naŋa an chi e fəkàʼ, è ləmlo enyəa mo kâʼ fə̀ yo alemʉ twam ù dzûŋ wò, a m gbò kpàa màʼà kàʼ fə te fo.

Matìo 3:10 Iomraidhean Croise

Matìo 21:19

Ù ŋ kòʼ ndùw kâʼ fə fîʼ fə̀ li fo aŋ kwàn u dziī, ù n ndùw fughu a tsəla fəkàʼ, kòʼ tsughu ko tə̀fòo, kè tsuʼ kətam alo esə. Ù n daŋso dzɛ̀ â kàʼ fi te fo enyəa, “To ghù kà mò kòom tsò mʉ̀ kòʼ tsə̀ghà tam ko!” Kâʼ fə te fə ŋ gwə̀n tən tsughu ko an nə̀gha e te zo.

Matìo 7:19

Kâʼ fəla fə mʉa yô twam ù dzûŋ wò, a m gbò è kpaa.

Lûk 23:31

Nu abugho ghe lo aleghəəŋ ghəa ghən a zəŋò kàʼ fə̀ zʉ̂ fò, ghe lo aletsoō boʼò ghəŋlo ênzə̂n abugho fə zum tsughu a?”

Lûk 3:9

Ndzàm bù lò nû êzə̄ŋ ghe shia naŋa an chi e fəkàʼ, è ləmlo enyəa mo kâʼ fə̀ yo alemʉ twam ù dzûŋ wò, a m gbò kpàa màʼà kàʼ fə te fo.”

Dzɔ̌n 15:2

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Dzɔ̌n 15:6

Ghùw wəla ù yǒ ghàʼ à wə̄n alo kəfəgha kə mɔ̀ʼ, a ŋ kə̀a màʼà sə̀ nduw wə̄n tǒ kwèe kə̀ biigh koʼ, kə mò è zum, a ŋ kuum kpàa ndùw an wə̀s, kə m pfʉ̀gə̀m ndùw fughu.

Hibùlù 12:25

Kòʼo tsughu nlò enyəa ghɛ̀ kâ tue màʼà dzə̌ alezuw â Zə̀ kò, aŋghəa kə kə̀aa wô ghəa gho â ghɛ̀. Tɔŋlo enyəa abugho ghî ghə Ezə̀lɛ̂ a fə̀ taʼkè nɔ̂ɔsə aŋghəa ghe fə̀ tue alezuw â Musî wəla ù fə̀ fughu ghee â tsʉ̀ zò fɛ am mbī, e lô yia boʼn bǒo ênzə̂n a zəŋò sɛ a, abugho sɛ̀ tue maʼa alezuw â Ghùw wəla ù kə̀aa tsughu wo ghəa gho alo kəwālā a?

Hibùlù 6:8

Abugho ghueekətsə̄ kə kuuwn fughuu kɔʼɔ̄ nyɔ̌ɔŋmgbê wò àsùghò ghè ù tsuʼn wo, kə ŋ ki yo fwàʼ kò, kə n lo ko to ghe n lòʼ naŋa. Ghe m bùgho kpàa màʼà kɔ̀ʼ ghueekətsə̄ kə te ko.