Matìo 3:1 - To kə Kəzə̀ kə̀ Fughu ko

¹ An tsuʼu n te mò, Dzɔ̌n fùghùu mùghù ŋ Kə̀zə̀ ŋ kaʼ tsughu tsə̀ndə̄ghā è Kə̀zə̀ a lùʼû naʼn wo aŋ ŋgwə̀n è Dzùdîa.

Matìo 3:1 Iomraidhean Croise

Matìo 11:11

Kùmkùm, aŋghəa Ǹ dzâa wô fɛ â ghɛ̀, ghùw ù lì yo ghe dzə fɛ am mbī, ù tsə̀ghàtàʼà sə Dzɔ̌n Fùghùu mùghù ŋ Kə̀zə̀; tsəlachìa e ghûw zəla e kuūwn lô alo kəwālā, e tsəghàtàʼà sə Dzɔ̌n wə̄n.

Matìo 11:7

Ghəa tsə̀təndə̄ghā tə Dzɔ̀n ti tə̀ nughù nduw, Yɛso ŋ kàʼ ndùw alekə̀a ghəa a Dzɔ̌n â saʼ kə aghì chì ko, dzɛ̀ â ghee enyəa, “Ghɛ̀ fə aŋ ŋgwə̄n nyəŋo soʼo lɛɛn kə kwò? À lo kədzaŋ kùɛɛ kə foō kaŋlo ŋkāa? Ɛ̂ŋgaŋ dzə̂!

Matìo 16:14

Ghe mo enyəa, “Ghî à li a dzɛ̂ enyəa à lǒ Dzɔn Fùghùu mùghù ŋ Kə̀zə̀, à li yia so enyəa à lǒ Elaedzà, à li yia a dzɛ̂ enyəa à lǒ Dzɛ̀lɛ̀mîa ŋkāa ghùwshʉ̀ghà ù lì.”

Matìo 21:32

Dzɔ̌n mò bugho a vʉ̀a ghɛ̀, alebùghò dêe wô ghɛ̀ â dzì zəla è lò tsəghatsəgha, ghɛ̀ ŋ kè boō fughu â wə̄n. Ghê dzə̀akə̀mwàʼsò m fwə̀n bǒo fùghù ndùw â wə̄n ghèe ghêe kpàlà wò. Ghɛ̀ m bùʼ kòʼ kô ghəa yì èzə̀, kè buʼù dzɛ̂ enyəa ghɛ̀ ti kuwnlo, ghɛ̀ boo fughu nduw â wə̄n.”

Matìo 3:8

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà.

Mâk 1:15

dzàa ndùw enyəa, “Nəghā e te zə m kpē, fɔ̂e u Kə̀zə̀ ù lo ko êzəŋ aŋ ghu; ti màʼa nlò ghəa ghɛʼɛ à bii gho, ghɛ̀ boo tsughu tùm è dzùŋ zən!”

Mâk 1:2

Aŋ ghəa Èzayà, ghùwshʉ̀ghà, fə̀ tɔm naŋā tsughu shwaʼ u Kəzə̀ wò enyəa, “Kòʼo nlò, Ǹ lo tūu naaŋ ndùw tsə̀ndə̄ghā zaŋa â sə ko, è ndùw biāan naŋā tsughu təluʼū â ghù;

Lûk 1:76

[Sàkàlîa ŋ kwə̀n dzɛ̀ tsùghù â wɛ enyəa.] Ghǔ a, wɛ wən, ghe lô ghù tɔɔŋ tsə̀ghà enyəa, ghùwshʉ̀gha ù Zə̀ kə edzuŋ ko, Tsə̂ntə̀mbî; tɔŋlo enyəa ghù kè nùghùun ndùw â sə ko alendùw biaān naŋā tə̀luʼu â Mughu ù te.

Lûk 7:24

A m bùghò tsə̀təndə̄ghā tə Dzɔ̌n tə nùghù tsughu, Yɛso ŋ kàʼ ndùw aletesō Dzɔ̌n â nɔ̀e kə aghì chì; ù n dzɛ̀ â ghee enyəa, “Ghɛ̌ fə̀ aŋ ŋgwən soʼ alenyəŋo lɛɛn kwò? Ghɛ̌ fə̌ fughu nduw alendùw lɛɛn kə̀dzaŋ a, kǔɛɛ kə nôʼso a?

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”