Matìo 27:2 - To kə Kəzə̀ kə̀ Fughu ko

² Ghe daŋso kwù kùm tsùghu wə̄n alo tətsāʼ, nì nùghù ndùw kɔʼ wə̄n, ndùw fùghù ndùw â Paelɛ̀t, tɔɔŋ gɔvə̀nò ù Lumà wəla ù fə̀ lɛɛ̄n mbùʼ è te.

Matìo 27:2 Iomraidhean Croise

Matìo 20:19

Ghe lo daŋso fughuu tsəghà ndûw wə̄n â Tòʼò zò ghe lo sûuwn wə̄n, ghe bu wən alo təkwùu, ghe daŋso nîi təghàa kɔʼ wə̄n, Zə̀ kə̀ lo zôo nughù kɔʼ wə̄n alo evʉ̄ bugho tsuʼu m kê kpe tsughu n təgha.”

Matìo 28:14

Abugho ghəa zən bûʼ bughò nyə ko an tùuŋ kə gɔvə̀nò, ghàʼ lo təmā tsughu tsaʼ kə̀ saa ko am fə̂ŋ è wə̄n, a ghəə̄ŋ tsughu ù kele tsughu enyəa ghɛ̀ ki yo tsû ù li wo, ghɛ̀ e ki yo tsəŋ zo aŋ ghəa è li zo.”

Lûk 13:1

Ghî à li ghə n lo a fughu an nə̀gha e te zo, ghe n dzɛ̀ fughu tsughu â Yɛso ghəa Paelɛ̀t fə̀ wi ghî a Galèlîi ghò mo ghe fughuu Kə̀zə̀. Ù n nì kɔʼ kâŋ tə ghee nyɔ̀ɔm dzə̌əŋ kɔʼ aŋ kàŋ tə fʉgha vʉa ghe mò saā â Zə̀ kò.

Lûk 20:20

Ghe n tsêe ko Yɛso, tum tsughu aghî enyəa ghe bughò doʼò tsughu tǒ làŋà tə aghì, ghee e nəəŋ ghəəŋ ko enyəa ghe ki yo moʼnlò è li zo. E ghì yia ghe mò tseē Yɛso fə̀ lo ko aletɔ̀ʼɔ̀ zyənlo enyəa ù lò kpaʼā kə̂aa boon tsughuu ghəa zo to ghe kwuū fughu wə̄n â gɔvə̀nò ù Lumà.

Lûk 23:1

Ghe a dzə̀m n daŋso nùghù è kɔʼ, nì ndùw Yɛso a vʉ̀a Paelɛ̀t;

Lûk 23:12

Tsūʼ fə̀ è fì, Hɛlɔ̀d ŋ kwū ten afən ghèe Paelɛ̀t, mo sûesʉ, ghe fə̀ buʼū koʼō tsəgha yo kàʼmèsʉ mò.

Lûk 3:1

Nûm kəla kə fə̀ ghəə̄ŋ tsughu Taebɛlùs â nùu tò eghə̄m à ghè tò tə tɛ̀ an ndàŋ tò də̀ŋ kə udwə̀ŋ am mbùʼ è Lumà, mo Pɔntyos Paelɛ̀t lǒ gɔvə̀nò ù Dzùdîa, Hɛlɔ̀d ŋ kuuwn lǒ bàʼtum mbùʼ è Galèlîi, wàatsele tɔɔŋ Felêp ŋ kuuwn lò bàʼtum am mbùʼ zə̀ Etolìa àsùghò Tə̀làkonetìs. Lìsanìa lo bàʼtum naʼ e Abìlêen,

Dzɔ̌n 18:12

Komndzūghū ù tə̀ sùghùgòʼ à sùghùgòʼ tə wə̄n to ghèe ghê gbè tə Tə̀dzûu ti tə n daŋso kwù kɔ̀n tsùghù Yɛso.

Dzɔ̌n 18:24

Anàs n nì tùm ndùw Yɛso a vʉ̀a Kaefàs, tɔɔŋ Fɔ̀e è ne è zə̀, mò ghe naam kɔ̀n nàŋa ko wə̄n am mbgāʼ.

Dzɔ̌n 18:28

Ghî à ne a Tə̀dzûu ghə̀ n daŋso nì sə̀ wò Yɛso an ndùghù è Kaefàs, ndùw fùghù ndùw wə̄n am mbɛ̀ a lô Paelɛ̀t, tɔɔŋ gɔvə̀nò am mbùʼ è te, â zùwzùw kə utsūʼ ko. Ghuūghùe e ghee zə kè kuūwn nyə an Pə̀lə̀tɛlùm, e kwo ko ghe lô dzəsō ghue e ghee zo, ghe doʼò mo ghe kâ zə̌ zə kə̀ Zəŋso Naaŋ ko, to aŋghəa e fə̀ lo am bùghoo kə ghee:

Kə̀fwàʼ 12:6

A m bùghò â tsuʼ wo vʉa Hɛlɔ̀d lo so e gbəla nughù nîi fughuu səā wô wə̄n â ghì ghò, à n lo êzə̀ mo Pità nyə̀əŋ bwǐi tsə̀ghà am faʼnlo e sùghugòʼ tə̀ li to tə bə̀ghà, mo ghe ŋ wən kûm nàŋa alo tətsāʼ tə bə̀ghà, chì tə̀ n ti a fǔundughu ghe chiīn ndùghùtsāʼ.

Kə̀fwàʼ 21:33

Komndzūghū vʉ ŋ kuʼso kəŋo è wo, nì nùghù kɔ̀ʼ Pôl, dzɛ̀ tsùghù enyəa ghe kûu tsughu wə̄n alo tətsāʼ tə bə̀ghà. Ù m bvʉ̀ tsughu enyəa Pôl lò ndughoo, àsùghò fəgha kə̀là ù bonlō.

Kə̀fwàʼ 22:25

A m bùghò ghe kwu kɔ̂n tsughu wə̄n am bwāʼ, Pôl n nùghù bvʉ kɔʼ â kɔmdzūghū vʉ̀ ù mò ti fughu enyəa, “Lâŋ kə̀ boo nù enyəa ghɛ̀ bu ghùw ù Lumà mò ghɛ̀ kâ wən bûʼ sàʼ dzə̌ aŋ ghə̀a è li zo ù kpaʼ bonlō a?”

Kə̀fwàʼ 22:29

Ghî ghəla ghe mò so e ndûw bvʉʉn Pôl â ghəa gho n daŋso tì zə̀ghàa tsùghu wə̄n; fə̀ŋ n sə pfʉtəŋgə̄m vʉ̀ ghəa ù kəŋ kele kɔʼ enyəa Pôl lǒ ghùw ù Lumà, yia e bən nî kûm tsughu wə̄n alo tətsaʼ.

Kə̀fwàʼ 24:27

A m bùghò nûu tə̀ mîa tsughu tə bə̀ghà, Pôlshius Fɛstùs ŋ kɔʼ kɔʼ ndàŋ è Fɛlècks tò gɔvə̀nò. A m bùghò ù sò ləghaa aleghəə̄ŋ tsughu enyəa fə̂ŋ tə̀ è zɔlɔ Dzûu tò a zəŋò ghee, ù n zə̀ghàa tàʼà ndùw Pôl an ndùghàtsāʼ.

Kə̀fwàʼ 28:20

Zən lò e ghee M̀ mô dzɛ̂ enyəa Ŋ̀ koʼò tsughu ghɛ, sɛ̀ kə̂aa tsughu aghəa. Ghe mugho fɛ alo tətsāʼ kûm nàŋa aŋ ghəa e ghûw wəla Ezə̀lɛ̂ chǐi tùʼ a te.”

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Kə̀fwàʼ 4:27

Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu.

Kə̀fwàʼ 9:2

bvʉ̀ ndùw mwàʼsò wəla ù ki alendùw fughuu kaŋlo an ndughutə̀ne to an Dàmaskòs, nyəa mo e kôʼ tsùghù ghî à li gho ghe mughu an Dzə̀ tə Mughu ù te, ayînû ŋkāa ayîzən, e ŋ kwù kɔ̀n tsùghu ghee, nì wò ghee an Yɛ̀lusalɛ̀m.

1 Timotì 6:13

M̀ fɛ êzəŋ e dzâa wò nù â ghù an sə kə Kəzə̀ kəla kə fughu mughù zò à fʉgha wə̄n wo ù dzə̀m, àsùghò an sə kə Kə̀lestò Yɛso wəla ù fə̀ ndzə̂əm kə̂aa ghəa gho an sə kə Pontios Paelɛ̀t, to ghùw wəla ù kwo səŋò zò,

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

Hibùlù 13:3

E moʼn tsughù nlò ghî ghəla ghe lo an ndughūtsaʼ, tò è soō ghɛ̀ a ghee lo a dzə̀m an ndùghūtsaʼ e te. E moʼn tsughuu nlò ghî ghəla ghe tsuū ghee; nǐi tsughu nlò enyəa ghɛ̀ zuuw sùgho fɔɔn zəla ghe zuūw.