Matìo 26:10 - To kə Kəzə̀ kə̀ Fughu ko

¹⁰ Yɛso ŋ kelê ghəa yì, dzɛ̀ â ghee enyəa, “Ghɛ̀ nughò wə̄n fəmso aŋ kwò? À lò ghəa è dzûŋ zò ù fwàʼ tsughu zəŋò mùghǒ.

Matìo 26:10 Iomraidhean Croise

Matìo 26:11

Ghî à laa a kê tsò lo tsəgha ko am bvʉa zɛʼɛ̄, sɛ̀ kê kǔuwn yò tsəgha dzə̂ a dzə̀m.

Matìo 26:9

A mô lò nû alebəlā fêe vʉ mən an ndə̀mà tə ukʉa, a nîi yosò ghì à laa gho a te.”

Mâk 14:6

Yɛso m fəŋso dzɛ̀ a ghee enyəa, “Zə̀gha nlǒ wə̄n, ghɛ̌ wə̄n fəmso aŋ kwò à? Ù ghə̌əŋ ghə̀a è dzûŋ zò â mùghò.

Lûk 8:49

Ghəa ù sə̀ naam kə̂aa ghəa gho, tum n səŋo teen wò, è nùghù wô alô ghùw ù ndùghène vʉ̀, dzàa wò â wə̄n enyəa, “Kǎ wàdè kôom lɛ̌ɛn fəmso, wɛ wʉ̂a m kpuw.”

2 Kòlentìan 9:8

Zə̀ kə̀ lo nû alefughu ghɛ â bughuun zo naʼèdzə̀m, enyəa ghɛ̀ lo è ki tsəgha fʉgha wə̀n ù dzə̀m ghɛ̀ ləghaa bùʼ tsə̀ghàtàʼà wəla ghɛ̀ ki alekele, tò ghɛ̀ e ke lo aledeē nduw dzɔ̂ zò â ghì a li gho am fʉgha u te wo.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Gàlashìan 5:12

Dî zaŋa e lo enyəa, ghî ghəla ghe fəmso kaāŋ tsəgha ghɛ, to ghe mô kǔuwn kàa tsughu nù ghue e ghee zo.

Gàlashìan 6:17

E kwo ghùw lò so e kôom fə̀mso mùghò, tɔŋlo enyəa na kə fəsə̀ghà kə̀là ŋ ki a zəŋò mùghò dèe enyəa, Ǹ lo ghûw ù kə̀fwàʼ ù Yɛso.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.

1 Timotì 3:1

À lò nu êsəŋò enyəa abugho ghùw kəŋo aledòʼò tsoʼ è tùghù an dzeŋe kə ghì a Kəzə̀, ù fi kəŋò alefwaʼā fwàʼ kə̀ dzûŋ kò.

1 Timotì 5:10

Mo ghe ŋge kwo sugho wə̄n am fwàʼ kə wə̄n kə̀ dzûŋ kò, tò alenìi səā kɔʼɔ̄ wô wɛ a wə̄n, àsùghò aledè mwam ù dzûŋ wò â ghì ghəla ghe bwîin nyə wo alô wə̄n. Mò ù fwàʼà sùghò fwàʼ kə̀ dzûŋ kò a zəŋò ghì a Kəzə̀ ghò; fughuu sùghò èyòsò â ghì ghəla ghe lo an utsù.

2 Timotì 2:21

Abugho ghùw nì nùghù sə kɔʼ ghu kə wə̄n ko aŋ ghə̀a biigh gho, ù n dòʼò tsùghù fəgha kə kùu ù èghəa, tɔŋlo enyəa ù zɔ̀lɔ nù, ù n tumso Mughùbè ù wə̄n, ù n lò sugho tsəghatsəgha alefwàʼ fwàʼ kə Kəzə̀ kə̀ dzûŋ kò.

Taetùs 1:16

Ghe dzâa wò alo edzughu enyəa ghe ŋge kwo Kəzə̀, ghe yia kuūwn tuū maʼn Zə̀ kò aŋ ghəa a ghee à ghəəŋ gho. Mwam e ghee e dzəa nù, ghe zuuw yo â Zə̀ kò, ghe tsô bùʼ yò sughò aleghə̂əŋ ghəa è dzûŋ è li zo.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Taetùs 3:1

E zəə̄ŋ zee nduw ghî ghə̀a ghò enyəa ghe e zuuw nduw â tuw u enaʼ u ghee wo, àsùghò â ghì à li ghəla ghe lô ghî à səŋo ghò alo enaʼ. Ghe doʼò təla tsughuu ko aleghəəŋ ko ghəa à dzûŋ ghò.

Taetùs 3:14

Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Taetùs 3:8

Ghəa ghə̀là Ŋ̀ kə̂a wô fɛ â ghù kùm lǒ èsəŋò. Ǹ ləghaa enyəa ghù è tughusō dzaā kweēn nduw ko ghəa ghən gho â ghee, to ghî ghəla ghe boo fughu tsughu â Zə̀ kò è ke tɔʼ lo alegaʼa tsughu fə̀ŋ aleghəəŋ ghəa à dzûŋ ghò. Ghəa a te a dzɔ̂ bùʼ nù yòsò sùghò â ghì ghə̀n à dzə̀m.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

1 Pità 2:12

E deē nlò mwam è dzûŋ zò am bvʉ̀a e ghì ghəla ghe kaām kwo yo Zè kò, to zə e lo enyəa mo ghe kwuu ko ùgəŋ a zəŋò ghɛ̀, ghe ŋ koʼò wo fwâʼ kɛʼɛ kə̀ dzûŋ kò, fughuu ùkɛɛ â Zə̀ kò an tsuʼ wəla kə kê kôom bughoo a te ebàm.