Matìo 22:3 - To kə Kəzə̀ kə̀ Fughu ko

³ Ù n tum tsughu kɔ̀ɔ u wə̄n enyəa ghe ndûw tɔɔ̄ŋ kaāŋ wô ghì ghə̀là ù mò naʼā enyəa ghe bughò a fughu. Ghî a te ghə n ləghaa yo alebùghò a fughu.

Matìo 22:3 Iomraidhean Croise

Matìo 21:34

A m bùghò twam u te u bughò baāŋ tsughu, ù n tum tsughu kɔ̀ɔ ŋ wə̄ enyəa ghe ndûw nîi wô tuʼ e wə̄n aŋ ghùu ghì a te gho.

Matìo 23:37

“Hɛɛ̄ mūghō a ghî a Yɛ̀lusalɛ̀m ghò, ghî a Yɛ̀lusalɛ̀m ghò, wiin ghɛ̀ ghiīshʉ̀ghà a Kəzə̀ ghò ènyə, təəm sùghò ghì ghəla Zə̀ kə̀ tum wo a vʉ̀a ghɛ̀ alo atīa! À è zə̀ŋ lo tənəghā tə sòʼ Ǹ dəmà ko aletsəla nalà naŋā tsughu ghɛ to mbvʉ lô tsəla zûuŋ wô wɛ a wə̄n gho an ghùoo tə wə̄n a, ghɛ̀ yia boom yo à?

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 9:15

Yɛso n dzɛ̀ â ghee enyəa, “To fən a num ù wìzən ghə n dòʼò alo ese mò ù lǒ ghèe ghee a? Nəghā e lo bùghòo nù ghe lo nîi nughùun kɔʼɔ̄ num ù wìzən aŋ ghùu ghee, ghe laʼa baa nduw dzughu zo an nə̀gha e te zo.

Lûk 13:34

Wo Yɛ̀lusalɛ̀m, wo Yɛ̀lusalɛ̀m, ghɛ̀ ghəla ghɛ̀ wiīn ghîishʉ̀gha, tə̄əm sùghò ghì ghəla Zə̀ kə̀ tum wô â ghɛ̀ alo atia! À è zəŋ lo tənəghā tə sòʼ Ŋ̀ ghâa kêe alezùuŋ naŋā tsughu ghɛ to zə̂ ù mbvʉ lô kəŋò naāŋ tsughuu wɛ a wə̄n gho alo təghwò a, ghɛ̀ yia ləghaa yo à?

Lûk 15:28

Wɛ ù sûesʉ vʉ m pfʉso mìasò ndùw ùnʉ̀ghà enyə, tue daŋso alenyə alo kəbe. Tsele n tsə̀ghà sə̀ è wo, buʼ kəghu â wə̄n.

Lûk 19:27

Yia a kuūwn bughò ghî a kətuw ghaŋā ghəla ghe mò ləghaa yo enyəa Ǹ doʼò də̀ŋ kə ghee, nǐi wò nlǒ ghee fɛ, ghɛ̀ wiin tsughu fɛ an sə kaŋā!’ ”

Dzɔ̌n 5:40

Ghɛ̌ yia naām tuū alebùghò a vʉ̀a mùghò tò ghɛ̀ kele mughù è doʼn təla zo.

Kə̀fwàʼ 13:45

A m bùghò Dzûu tə̀ fwə̂n kôʼ tsughu nɔ̂e wo aghì wò, ghe ŋ kàʼ ndùw alemʉnlo; alesùwnlò, alesùwnlò, ghe ŋ waʼn màʼà kɔ̀ʼ ghəa yia Pôl mò kəaa.

Lumà 10:21

A ŋ kuuwn bùghò â ghì ghə Ezə̀lɛ̂ ghò, Zə̀ kə̀ n dzɛ̀ enyəa, “Mùgho ŋ ghu ghaŋa a tsʉ naŋa zee alekpeē nîi nyəa wô ghì ghəla ghe zuūw yo â mùghò àsùghò ghəla ghe tuū màʼn ghəa ghaŋa gho.”

Hibùlù 12:25

Kòʼo tsughu nlò enyəa ghɛ̀ kâ tue màʼà dzə̌ alezuw â Zə̀ kò, aŋghəa kə kə̀aa wô ghəa gho â ghɛ̀. Tɔŋlo enyəa abugho ghî ghə Ezə̀lɛ̂ a fə̀ taʼkè nɔ̂ɔsə aŋghəa ghe fə̀ tue alezuw â Musî wəla ù fə̀ fughu ghee â tsʉ̀ zò fɛ am mbī, e lô yia boʼn bǒo ênzə̂n a zəŋò sɛ a, abugho sɛ̀ tue maʼa alezuw â Ghùw wəla ù kə̀aa tsughu wo ghəa gho alo kəwālā a?

Hibùlù 9:15

À fi lo enyəa Kə̀lestò lǒ ghùw ù nî wô kàa m fughu mò enyəa ghî ghəla Zə̀ kə mò tɔŋɔ ghee e lo alekele fəgha kəla ghe mo to naŋa enyəa ghe lo kele tə̀n. Ghəa ghən lo səa nù bòʼ Kə̀lestò mafə kpuw alezuū səa wô tuw u ghee am bòo tə ghee təla ghè ghəə̄ŋ tsəgha tì kəla kàa n sûesʉ m fə̀ naām ki daʼa ko a zəŋò ghee.

Edêe Fughu 22:17

Zuʼ tə̀ Zɔlɔ tə te to ghèe ghê wì ù Tsʉa u Ndzì e te wə n dzɛ̂ enyəa, “Bùghò!” Ghùw wəla ù zuw ghəa ghən gho telè ki sugho aledzàa tsughu enyəa, “Bùghò.” Ghùw wəla fə̀ŋ è m̀mùghu zuʼso wə̄n, ù bùghò. Ghùw wəla u mbùŋlo alemʉ mùghù məla m fughuu mughù zò ù nìi kɔʼ kə̀nughùnùghù.