Matìo 2:6 - To kə Kəzə̀ kə̀ Fughu ko

⁶ ‘Yia a bughò ghû a Bɛtə̀lɛ̀hɛ̂m, aŋ ghueekətsə̄ kə Dzudà, ghù dɔ̀m yò dzə kə̀nughùnùghù an tuw wə enaʼ fɛ am mbùʼ è Dzudà. Tɔŋlo enyəa à kè lò fɛ, də̀ŋ kəla kə kê lɛnlō â ghì ghaŋa gho a dzə̀m kè səā kɔʼɔ̄, tɔ̂ɔŋ ghì ghə Ezə̀lɛ̂.’ ”

Matìo 2:6 Iomraidhean Croise

Matìo 2:1

Ghe fə̀ Yɛso dzə tsughu an naʼ e Bɛtə̀lɛ̀hɛ̂m am mbùʼ è Dzùdîa, an tì kəla Hɛlɔ̀d fə̀ lo də̀ŋ kǒ a te a fughu am mbùʼ e te. Ghî à tɔɔ à li ghə n zə̀ghàa tsùghù naʼ e ghee am bà kəla zuuw e səā wo a te, nyə̀ wò an Yɛ̀lusalɛ̀m, bvʉʉn wò enyəa,

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Dzɔ̌n 21:16

Yɛso m bvʉ kpeʼe ndùw â wə̄n enyəa, “Sàemòn, wɛ ù Dzɔ̌n, ghù lə̀ghaa nù mugho a?” Sàemòn m bɛ̀lɛ̀ ndùw wə̄n enyəa, “Mughu ù te, ghù kwò nû enyəa Ǹ ləghaa nù ghû.” Yɛso n dzɛ̀ â wə̄n enyəa, “E lɛnlo â ndzì taŋa to.”

Dzɔ̌n 7:42

À lǒ mo mwàʼsò kə Kəzə̀ kə̀ ka fə dzɛ̀ enyəa Kə̀lestò ù te kê sə̌a wò an tiigh kə Dɛvìd à, mò ù nùghù wò am Bɛtə̀lɛ̀hɛ̂m, naʼà fəla Dɛvìd fə̀ sə a te a?”

Efɛsùs 1:22

Zə̀ chia kə nî naŋā tsughu fʉgha wo u dzə̀m a tsəlà wə̄n, chia kə naŋā tsughu sughò wə̄n tò kətuw alo ufʉgha u dzə̀m an dzɔ̀ e ghì a Kəzə̀

Kòloshìan 1:18

Ù lò kətuw â ghì a Kəzə̀ ghò a dzə̀m, tɔɔŋ dzeŋe kə ghì a Kə̀zə̀. À fə̌ Ndughu è Kə̀zə̀ se tsughu wə̄n, Ghùw ù sûesʉ wəla Zə̀ kə fə̀ zôm nughù kɔʼ alo evʉ̄, enyəa ù e lo sə ko a lo aghəa a dzə̀m.

Hibùlù 7:14

E zɔlɔ nu enyəa Mughùbè ù sɛ̀ mò sə an naʼ e Dzudà, Musî ka mo ghəa è li e kə̂a kùu ndùw tum kən aŋghəa ù fə̀ kə̂aa ghəa gho kùu ndùw tə̀fɔ̀e.

Edêe Fughu 11:15

Tsə̀ndə̄ghā è sə̀ghàkəmbəgha n daŋso tɔŋ tsughu mbuwlì è wə̄n, a n zuw dzə̂ tə̀ tughu tə̀ li to alo kəwālā tə dzâa wô enyəa, “Naʼ e mbī zə m bùghò dòʼò fɔ̂e u Tsə̂ntə̀mbî ù sɛ̀ wò ghèe Bəghambī u wən: wəla ù fə̀ tsɔʼ kɔʼ, ù ke e saʼa tuw u aghì wò to mbī kê bughò mîaa.”

Edêe Fughu 2:27

mò a lò dwaʼa ù mɔʼɔ̄ wəla bəghà fə̀ fughu â mùghò, ù lo kwuū kele ghee aŋ ghù kə̀ tughu ko, ù buū sâan tsughu ghee tǒ tɔ̀e tə etsāʼ.

Edêe Fughu 7:17

tɔŋlo enyəa Tsʉ u Ndzì u te wəla u lo an ndàŋ è kə̀də̀ŋ è te kê lǒ bàʼàtə̀ndzì ù ghee. Ù lo nìi ndùw ghee an sə e dzughù zəla e ki mùghù mə̀là ŋ ghəŋlo enyəa ghùw è lo â tuw ko. Zə̀ kə̀ lo zêe maʼà tsughu sə̀ mə̀ èdì n dzə̀m aŋ tuw kə ghee.”