Matìo 2:4 - To kə Kəzə̀ kə̀ Fughu ko

⁴ Hɛlɔ̀d n daŋso tɔŋɔ naŋa tsughu tuw u təfɔ̀e u dzə̀m àsùghò ghê dèekə̀làŋ a dzə̀m fughu alo enaʼ, tɔ̀ʼ tɔ̀ʼn sə kɔʼ luʼu wəla ghe mò ki aledzə̄ Bəghambī wən a te aŋ ghùu ghee.

Matìo 2:4 Iomraidhean Croise

Matìo 13:52

Ù n daŋso dzɛ̀ â ghee enyəa, “À fi lo enyəa dèekə̀làŋ wəla ù bùghò doʼò tsə̀ndə̄ghā aŋ ghəa e fɔ̀e u kəwālā lo tò mughùbè wəla ù nìi səā wô fʉgha ù fughu wo àsùghò ù wii wo an tsughu e wə̄n.”

Matìo 2:3

A m bùghò Hɛlɔ̀d zuw tsughu ghəa ghən gho ghèe ghê ghì a Yɛ̀lusalɛ̀m gho a dzə̀m, ghəa a te ghə m fəmso mìasò ndùw ghee enyə.

Matìo 2:5

Ghe n dzɛ̀ â wə̄n enyəa, “À lò an naʼ e Bɛtə̀lɛ̀hɛ̂m, am mbùʼ è Dzùdîa, tɔŋlo enyəa ghùwshʉ̀ghà fə̀ tɔm tsughu enyəa,

Matìo 21:15

A m bùghò tuw u təfɔ̀e ù kôʼ ghəa yi gho ghèe ghê dèekə̀làŋ, fɛ̀ɛn tə aghəa tìa ù mò ghəŋlo, àsùghò aŋghəa wɛghêtùgho a mò fəghaan buʼn sugho bɔ̀ŋ mò a fughu an Nùghù è Kə̀zə̀ e ne enyəa, “Hòsanà, wo wɛ̀ ù Dɛvìd luu.” Nə̀ghà mə̀ n tɔ̀ ndùw ghee enyə.

Matìo 21:23

A m bùghò Yɛso ndùw nyə kpeʼe nduw an Ndughu è Kə̀zə̀ e ne, fɔ̀e tə̀ tughu to ghèe ghê tsoʼ tə enaʼ to m bùghò kòʼ wò wə̄n mo vʉ̀a ù zoʼn ghî ghò, ghe m bvʉ â wən enyəa, “Ghù ghəa ghən ghəŋlo an daʼa kə ndugho ko a? À ghù â daʼa kə te kə fughu ndughoo a?”

Matìo 26:3

Tuw u təfɔ̀e wə̀ n daŋso zùuŋ tsùghù am be kə fɔ̀e è nē ghèe ghê tsoʼ tə enaʼ to alo Kaefàs, wəlà ù fə̀ lô Fɔ̀e è ne.

Matìo 26:47

Ghəa Yɛso naām kə̂a ghəa gho êzə̀, Dzudàs, tsə̀ndə̄ghā e mɔ̀ʼ an tsə̀təndə̄ghā tən èghəm à ghè tò tə bə̀ghà, n səŋ tee è wo, ghèe ghê nɛ̀ kə aghì kò, tuw kə təfɔ̀e à tum wo, àsùghò tsoʼ to. Ghe ŋ ki nnyə àsùghò kasəŋgùʼ tò.

Matìo 27:1

A m bùghò tsuʼ u zuw tsughu, Tuw u təfɔ̀e a dzə̀m àsùghò tsoʼto n zùŋlò è tsughu, nyə tsughu utsəm alewī Yɛso.

Matìo 7:29

Nu ù fə̌ ghee zoʼn yo tò ghê dèekə̀làŋ, ù fə̌ ghe zoʼnlo tǒ ghùw wəla ù ki dwaʼa u te wo.

Mâk 8:31

Yɛso n daŋso kàʼ ndùw tsə̀təndə̄ghā tə wən alezōʼnlō enyəa Wɛ ù Ghùw kì aleŋgeē zuw ŋgōʼ, tsoʼ tə lo tuū maʼà wə̄n ghèe ghê tuw u təfɔ̀e ghò, à ghê dèekə̀làŋ. Ghe lo wiī tsughu wə̄n, tsuʼu n tsəghàa tsughu n təgha, ù kòom kɔʼɔsəā kɔʼ alo evʉ̄.

Lûk 20:19

Ghê dèekə̀làŋ ghə̀ ŋ kəŋo dzì ghèe ghê tuw u təfɔ̀e wò alekwuū təla kɔʼ wə̄n an nə̀gha e te zo, ghe n sô kǔuwn tsəŋo ghaʼa àghì; ghî a màʼa fə̀ zuwkɛlɛ̄ tsughu enyəa ù mò kwə̀ən kə ushwāʼ kən kə̀a â ghee.

Lûk 23:10

Tuw u təfɔ̀e wə̀ tee sə̀ è wo ghèe ghê dèekə̀làŋ, tɔ̀ʼɔ̀ tùghùsò sɔ̀ʼɔ̀ ndùw ko kə̀ghu a zəŋò Yɛso.

Dzɔ̌n 18:3

Dzudàs n ndùw bùghò fughu an sum u te wo à saʼ kə təsùghugòʼ kò ghèe ghê gbè tə̀ tə Ndùghù è Kə̀zə̀ è ne an Yɛ̀lusalɛ̀m tə̀ li to, mò a tùm wò tuw u təfɔ̀e ghèe ghê ghì a Falàsîi ghò, ghe ŋ ki fʉgha wə ntɔ̄, à kɛ̀ʼɛ̀ wò.

Dzɔ̌n 3:10

Yɛso mo e bɛlɛ̀ nù ù n dzɛ̀ â wə̄n enyəa, “Ghù lò wàdè ù ne an Ezə̀lɛ̂, à lò kwò ghù sò məghaan ghəa ghə̀n à?

Dzɔ̌n 7:32

Ghî a Falàsîi ghə̀ n zuw aŋghəa ghî a shwəən kə̂aa kaāŋ ghəa gho a te kùu nduw Yɛso, ghee, ghèe ghê tuw u təfɔ̀e wə̀ n tum tsughu təgbè enyəa tə ndûw kwuū wô wə̄n.

Dzɔ̌n 8:3

Ghê dèekə̀làŋ à li gho ghèe ghê ghì a Falàsîi à li ghə n ni wò wìzən ù lì a fughu a vʉ̀a Yɛso, enyəa ghe kwu tsughu wə̄n mò vʉ̀a ù nyəŋ ghèe ghùw ù nùghù mò à yò num ù wə̄n, ghe n nì tiso naŋa sə̀ wò wìzən ù te an tsə̀tèʼè fə ghee.

Kə̀fwàʼ 23:9

Ndə̀m kə̀ li kə n daŋso nùghù sə kɔʼ fughu, ghî a kəmwàʼsò a Falàsîi à li ghə n nùghù těe è kɔʼ, tsò è tue, dzàa enyəa, “Ghàʼ kâ kòʼ dzə̀ ghəa è li zo tûw wən bonlō. À lò aledòʼò êsəŋò enyəa zə̀ kə̀ li ko ŋkāa tsə̀ndə̄ghā e Kəzə̀ e lì maā wə̄n â ghəa a kûm bùghò kə̀a.”

Kə̀fwàʼ 4:5

Tsuʼ ù li vʉ̀, dwə̀ŋ u ghee wə n zùuŋ tsùghù eghue an Yɛ̀lusalɛ̀m ghèe ghê noo məla n lǒ tsoʼ to àsùghò ghê dèekə̀làŋ.

Kə̀fwàʼ 6:12

Ghe n tsùʼ sòʼ kɔ̀ʼ aghî, tsuʼ sòʼ kɔ̀ʼ tətsōʼ à ghǐimwàʼsò ghò; ghe n daŋso nùghù bàʼn kwu kɔʼ Sìtofɛ̀, nì wò wən aŋ kaŋsì.