Matìo 18:3 - To kə Kəzə̀ kə̀ Fughu ko

³ dzɛ̀ tsughu enyəa, “Kùmkùm, ghəa Ǹ dzâa wô fɛ â ghɛ̀, à buw mò ghɛ̀ kuuwn kɔʼ nû, ghɛ̀ doʼo tsughu tò wɛghêtùghu ghən, ghɛ̀ kê nyə yo am fɔ̀e u kəwālā.

Matìo 18:3 Iomraidhean Croise

Matìo 13:15

Nu ghî ghən tughù â tuw aŋ ghəa zən, ghe yia fê naŋā kɔʼ tūŋlō u ghee wo, ghe yia kəmā naŋā tsughu sə gho, ghe lô koʼò tɔɔ̄ an sə a ghee, ghe zuūw sughò an tùŋlo u ghee, ghe zuūwkɛlɛ tsughu am fə̀ŋ tə ghee, ghe kôom tiī kôom wô a vʉ̀a mùghò, to M̀ baaŋ ghee.’

Matìo 18:2

Ù n daŋso tɔŋɔ tsughu wɛfêtùghu fə̀ li fo, naŋa nyə tsughu am bvʉa e ghee,

Matìo 18:4

Ghùw wəla ù ghaʼ tsəgha waazə̂ ghò am fɔ̀e u kəwālā lo ghùw wəla ù zuumsō tsughu ghue u wə̄n wo tò wɛfêtùghu fən.

Matìo 19:14

Yɛso ŋ kuuwn dzɛ̀ â ghee enyəa, “Zə̀ghàa nlò wɛghêtùghu yi gho ghe bughò kôʼ mùghò, kǎ nlǒ ghee təghàsò sùghò; tɔŋlo enyəa fɔ̂e kəwālā u lɛɛn ŋgwàʼ zən.”

Matìo 19:23

Yɛso fi daŋso nùghù dzɛ̀ nû â tsə̀təndə̄ghā tə wə̄n to enyəa, “Kùmkùm, aŋghəa Ǹ dzâa wô fɛ â ghɛ̀, e lo tughuu tsə̀ghà nù â ghùwkǔu alenyə am fɔ̀e u kəwālā.

Matìo 5:18

M̀ fɛ kùu dzàa wò nù â ghɛ̀, wala kə lo ê bughò tsəghà mîa, à ghueekətsə̄ ko, nyàaŋnyâaŋ fə eghəa ŋkāa dəŋò fə̀ li fo alo kəlàŋ, kê kǔuwn sə̀ nùghù kòʼ yò mo ghəa a te gho a dzə̀m kà bala kə nî kɔ̀ʼ dzə̀.

Matìo 5:20

Ghəa Ǹ dzâa wô fɛ â ghɛ̀, à gɔ̀ʼɔ̀ ko mò ghɛ̀ doʼò tsùghù tsəghatsəgha tsə̀ghàtàʼà tsughu ghê Dèekə̀làŋ à ghì a Falasîi ghò, ghùw wɛʼɛ kê tsò nyə̀ kòʼ yò am fɔ̀e u kəwālā.”

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 6:2

À fi lo enyəa, abugho ghɛ̀ namso ghùw ù lǎa â fəgha, kà nlò sə tɔŋ mbuwlè o a beē tò aŋghəa ùbàŋàdzə̀m ghəŋlo an Sàŋ tə Tə̀dzûu, àsùghò alo enaʼ enyəa to ghe mô kɛ̌ɛ wò ghee. M̀ fɛ kùu dzàa wò nù â ghɛ̀, ghe ŋ kele tən namso kə ghee ko.

Matìo 6:5

“Abugho ghɛ̀ so e gɔ̂ɔŋ sùghò nù, kà nlò ghəəŋ dzə̀ tò ghî a kə̀bàŋàdzə̀m; nu ghe ləghaa alenughūn teen kɔʼɔ an Ndughutə̀ne te Tədzûu tò àsùghò am fwànlò u tədzǐi enyəa to ghî à mô koʼò wô ghee. Kùmkùm, M̀ fɛ dzàa wò nù â ghɛ̀ enyəa ghe ŋ kele kə ghee ko kənamso.

Mâk 4:12

to ghe e mgbaŋa koʼō nduw, kòʼòkɛ̀lɛ yo, ghe e zuuw nduw, kuuwn zuuwkɛ̄lɛ̄ yo; ghe lô tiī kuwnlō, ghe bvʉ̂a wô â tsəlà Zə̀ kò Zə̀ kə̀ ghuūw maʼà kɔʼ bôo tə ghee.”

Lûk 13:24

“Də̀ma tən tsughu nlò aletsə̀ghàa nyə am fanso fə fù u ndughu, nu Ǹ so Ǹ dzâa wô â ghɛ̀ enyəa, ndə̀m è àghì kè lə̀ghaa nù aletsə̀ghàa nyə, dzì è ke kuuwn m buw.

Lûk 22:32

Sǎemòn, mùghò ŋ kuuwn gɔ̀ŋlò an tuw kə̂a enyəa boo zəghà è lô dɔ̂ɔm tsughuu bvʉ̂a tsughuu. Abugho ghù teē wô ebàm an tsə̀n tə̀ghà, tughuso tsùghù sùghò waazughù ghò.”

Dzɔ̌n 1:51

Yɛso ŋ kòom dzɛ̀ ndùw â wə̄n enyəa, “Kùmkùm, Ǹ dzâa wô â ghɛ̀ enyəa, ghɛ̀ lo kòʼò kəwālā kə tsʉ dòʼo, àsùghò tsə̀təndə̄ghā tə Kəzə̀ tò tə tsughuu kɔʼɔ̄ an làŋ kə Wɛ ù Ghùw.”

Dzɔ̌n 3:3

Yɛso mo e bɛlɛ̀ nù, dzɛ̀ â wə̄n enyəa, “Kùmkùm, Ǹ so Ǹ dzâa wô â ghù enyəa, ghùw yò alekòʼ fɔ̀e ù Kəzə̀ mo ghe kâ wə̄n kôom dzə̀ kuènlò.”

Dzɔ̌n 3:5

Yɛso m bɛ̀lɛ̀ tsùghù enyəa, “Kùmkùm, Ǹ dzâa wò à ghù enyəa, à gɔ̀ʼɔ̀ ko mo ghe ŋ wə̄n â mùghù ŋ Kə̀zə̀ m fughu, Zuʼ tə̀ Zɔlɔ tia tə lo mo tə wə̄n nyəə̄n sùghò a zəŋo ughùe, ù yò alenyə am fɔ̀e ù Kəzə̀.

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 28:27

Tɔŋlo enyəa, ghî ghən m fə̀ŋsò dòʼò, tuŋlō u ghee vʉa u tughūu alezūw aghəa; ghe yia kəmā naŋā tsughu sə a ghee gho; enyəa e kwo ko ghe lô so e koʼò àghəa an sə a ghee, ghe lô zuūw sugho, enyəa e kwo ko ghe lô zuūwkɛlɛ̄ sugho am fə̂ŋ è ghee, e kwo ko ghe laʼà bâŋà kôʼò wô mùghò tò M̀ baāŋ kɔʼ ghee.’

Kə̀fwàʼ 3:19

À fi lo enyəa ghɛ̀ ki alemàʼà ebo, ghɛ̀ koom fən wo fə̂ŋ tɛʼɛ to a zəŋò Zə̀ kò, tò ù zèe maʼà bòo tɛʼɛ, ù sùuw zɔnso tsughu ghɛ.

1 Kòlentìan 14:20

Waazə̂ ghaŋa gho, kà nlò è moʼn dzə̄ ghəa gho tò wɛghêtùghu. Ghɛ̀ doʼo tsughu ko nlò tò wɛghêtùghu aŋ ghəa à biigh gho, nu ghə kwo yo nəŋònə̄ŋ aŋ ghəa è dzûŋ zò ŋkāa è biigh zo. Ghɛ̀ kuuwn ghînoo gho an dziī zəla ghɛ̀ moʼn ghea gho a te.

1 Pità 2:2

Ghɛ̀ doʼo tsughu tò wɛ à bughu gho, à è zuʼso təla ko ghɛ fə̀ŋ è mele kə̀ zɔlɔ kəla kə lô shwāʼ u Kəzə̀ wò, tò enyəa, abugho ghɛ̀ mʉā ko ghè kò, ghɛ̀ ke noo kɔʼ wo aŋghəa Zə̀ kə̀ ləghaa, tò ghɛ̀ ke zə tuw ko.

2 Pità 1:11

ghe kê kpeēnîi sughò ghɛ̀ am fɔ̀e ù doʼn təla wəla à ki Mughùbè ù sɛ̀, tɔɔŋ Bəghambī, Yɛso Kə̀lestò.