Matìo 17:3 - To kə Kəzə̀ kə̀ Fughu ko

³ Ghe n tɛ̀ fìi kɔʼ Musî ghèe Elaedzà mo ghe yia kə̂a ghəa gho ghèe ghê Yɛso.

Matìo 17:3 Iomraidhean Croise

Matìo 17:2

Ù n nùghù kǔuwn kɔʼ fughu an sə kə ghee, sʉ u wə̄n wə n nyəghanlo tò ezuuw, ndzʉ tə wə̄n tə m fəmà nyə̀ghaan ndùw tǒ tsə̀.

Matìo 17:4

Pita n dzɛ̀ â Yɛso enyəa, “Mughùbè, e nyɔʼɔ̀ dzɔ̂ɔ nù ghàʼ lô fɛ; abugho ghù ləgha, M̀ bəghaa kɔʼ ntughuu fɛ n təgha, fə mɔ̀ʼ â ghù, fə mɔ̀ʼ â Muwsî àsùghò fə mɔ̀ʼ â Èlaedzà.”

Mâk 9:4

Elaedzà n nùghù gbə̀n sə kɔʼ fughu an sə kə ghee ghèe Musî, ghe ŋ kə̂aa àghəa ghèe ghêe Yɛso.

Lûk 1:17

Ù kè zìi tsùghuu fwàʼ kə Mughu ù te an dzə̀ tə daʼa kə Kəzə̀ kela Èlaedzà fə̀ ki. Ù lo fə̂nsò wô fə̀ŋ tə ghê tselèwɛ̀, ghe e ke lo alo kəfəgha kə mɔ̀ʼ ghèe ghê wɛ gho. Ù lo fə̂nsò wô sughò ghê tùghùukə̀tūw, ghe zumsō doʼò tsughu. Ù kè ghəa ghən fɛ ghəŋlo alebiaān naŋā zîi tsughu ghî ghəla ghe kê zuūwkɛlɛ̄ Mughu ù te.”

Lûk 16:16

Ghɛ̌ fə̀ bwiī ko an làŋ kə Musî, zuuw sùghò tsʉ̀ e ghîishʉ̀gha bùghò kùm wò an tì kə Dzɔ̌n Fùghùu mùghù ŋ Kə̀zə̀; alenìi nughù wô an tì kə te ko, ghî à fɛ tsòo mgbɛ̌ɛ kə̀aa tsə̀ghà kô ghəa e Fɔ̀e u Kəzə̀, ndə̀m è àghì yia a dəmà aleŋgaām nyə aŋ ghəa e te zo.

Lûk 24:27

Ù n daŋso zìi tsùghù am mwàʼsò kə Musî, teso kɔ̀ʼ ndùw ghəa a ghùe a wə̄n â ghee, kɔ̀ʼ kùm ndùw am mwàʼsò u ghîishʉ̀gha à li ghə̀n à dzə̀m.

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Lûk 9:33

Ghəa ghî a te a zəghàa tsughu Yɛso, Pità n dzɛ̀ â Yɛso enyəa, “Mughùbè, e nyɔʼɔ̀ dzɔ̀ɔ nù ghàʼ lô fɛ, ghàʼ tsuŋu kɔʼɔ nǔ pfʉ̌a mò n təgha; fə mɔ̀ʼ â ghù, fə mɔ̀ʼ â Musî, fə mɔ̀ʼ â Èlaedzà.”

Dzɔ̌n 1:17

Zə̀ kə fə̀ lâŋ kò am mbī fughu wo â Musî, Kə ŋ kuuwn dè wò ləgha e wə̄n àsùghò fəgha kə̀là ù lǒ ghè kò â Yɛso Kə̀lestò.