Matìo 17:1 - To kə Kəzə̀ kə̀ Fughu ko

¹ Ghəa tsuʼ n tsəghà tsughu tǔu, Yɛso n nì kɔ̀ʼ ndùw Pità ghèe ghê Dzɛ̂ms ghèe wàazə̀ Dzɔ̌n, ghe n nùghù kɔ̀ʼ ndùw an ndɔ̀ŋɔ̀ ndɔ̀ŋɔ̀ fə ukwàʼ a fughu ghee à nəŋ ko.

Matìo 17:1 Iomraidhean Croise

Matìo 26:37

Ù mo e nduūw nù, nì kɔ̀ʼ Pità àsùghò wɛ a Zɛbɛ̀dîi yì à bə̀ghà, ù n nùghù mùŋe dòʼò è tsùghù ènyə, kaʼ tsughu alebàŋsò fə̀ŋ.

Mâk 5:37

Ù ŋ kè boo enyəa ghî à bùghò a bǎà wə̄n, ù n nì kɔʼ ko Pità, àsùghò Dzɛ̂ms ghèe Dzɔ̌n, waazə̂.

2 Pità 1:18

Ghue e ughùe zaʼa e mafə zuw ghəa dzə̀ è te sə tsughu wo alo kəwālā mò ghàʼ à ghee lo a dzə̀m a fughu aŋ kwàʼ ù zɔlɔ wo.

2 Kòlentìan 13:1

Zən lo ghəəŋ tsughuu nəgha e kə̀ təgha zo abugho M̀ bughò bwîin kôʼ ghɛ. Tò aŋghəa mwàʼsò kə Kəzə̀ kə̀ dzɛ̂ tsughu enyəa, “Abugho ghɛ̀ sɔ̂ʼ ghu ko a zəŋò ghùw ghəa e te e lo ko aletɔ̀ʼɔ̀ tughu abugho ghî à lo a bə̀ghà ŋkāa a təgha ghe lô aletɔ̀ʼɔ̀ teso.”

Lûk 8:51

A m bùghò Yɛso bùghò tɛ̂ tsughu fughu an ndughu, ù n tue enyəa ghùw nyə̌a yo fughu an ndughu mò à yò Pità, Dzɔ̌n, Dzɛ̂ms, tselè wɛ̌ vʉ̀ à zə̀.

Matìo 17:2

Ù n nùghù kǔuwn kɔʼ fughu an sə kə ghee, sʉ u wə̄n wə n nyəghanlo tò ezuuw, ndzʉ tə wə̄n tə m fəmà nyə̀ghaan ndùw tǒ tsə̀.

Mâk 13:3

Yɛso ŋ kɔ̀ʼ dòʼò tsùghù aŋ kwàʼ u tə̀ Olèf, lɛɛn dàŋà ndùw Ndùghekəzə̀ è nē an Yɛlusālɛ̀m. Pità ghèe ghê Dzɛ̂ms, à Dzɔ̌n, àsùghò Andùlù n tsèen bvʉ tsughu â wə̄n fughu enyəa,

2 Pità 1:16

Ghàʼ fɛ â ghɛ̀ dzâa wò yǒ zə̂azə̂a mə̀là ghî a fə̀ tɔɔm naŋa tsughu aŋ ŋgəŋ è ghee, aŋghəa ghǎʼ mò dzɛ̂ wô â ghɛ̀ enyəa ghɛ̀ kele tsughu dwaʼa u Mughùbè ù sɛ̀ wò, tɔɔŋ Yɛso Kə̀lestò àsùghò bùghò e wə̄n è ne zəla u lo bughoo ghè zò, à fə̀ kuuwn lo ghəa à ne ghəla ghàʼ ghue e ghùe zaʼā e fə̀ koʼ.