Matìo 16:1 - To kə Kəzə̀ kə̀ Fughu ko

¹ Ghî a Falàsîi à li gho ghèe ghê Sadùwsîi tə̀ n nduw bùghò alebùghò baʼn kwu Yɛso, ghe m bvʉ â wə̄n enyəa, “Děe wò ghaʼ â tsə̌a enyəa à fùghù Kəzə̀ ghû â daʼa ko aleghəəŋ ghəa ghəla ghù ghəəŋ fɛ.”

Matìo 16:1 Iomraidhean Croise

Matìo 12:14

14 Ghî a Falàsîi à li ghə ŋ kuuwn sə kòom kàʼ ndùw alesaān ghəa ghəla ghe so e wi wə̄n a te.

Matìo 15:1

Ghî a Falàsî a li ghə n nùghù wò an Yɛ̀lusalɛ̀m ghèe ghê dèekə̀làŋ à li gho, ghe m bùghò bvʉ̀ â Yɛso enyəa,

Matìo 16:6

Yɛso n dzɛ̀ â ghee enyəa, “Ni nlò ghôom zò am mbvùŋ è ghì Falàsîi ghèe ghê ghî Sadùwsîi ghò.”

Matìo 19:3

Ghî a Falàsîi à li ghə n ndùw bùghò alebùghò baʼn kwu wə̄n, ghe m bvʉ̄ â wə̄n enyəa, “Lâŋ kə̀ boo nù enyəa ghùw lò nû alesɛ̀ɛ ghèe wì ù wə̄n abugho ghəa è li e sə kɔʼ ā, ŋkāa abugho ù tsə̀m tsughu aleghəŋlo êzə̀ à?”

Matìo 22:15

Ghî a Falàsîi à li ghə n ndùw dòʼò ge naŋa tsughu aŋghəa ghe lo alebèe kwu Yɛso a te aŋ shwaʼ u wə̄n.

Matìo 22:18

Yɛso ŋ kuuwn lò mò ù mâa kèle zìi moʼnlò e ghee è biigh zəa ghe mô ki ghè zò, ù n dzɛ̀ â ghee enyəa, “Ghɛ̀ mugho chwəlà kòʼò aŋ kwǒ, ghɛ̀ ghî a kə̀bàŋàdzə̀m ghən?

Matìo 22:23

An tsuʼ fə̀ mɔʼɔ̄ fə̀ te fo, ghî a Sadùwsîi à li gho, tɔ̂ɔŋ ghì ghəla ghe moʼò enyəa ghùw yò kpuūw kɔʼɔ̄ sə alo evʉ̄, ghe m bùghò kòʼ wò Yɛso,

Matìo 23:2

“Ghê Dèekə̀làŋ ghèe ghê ghì a Falàsîi à lo ghî ghəla ghe ki daʼa ko aleteso dzâa lâŋ kə Musî kò.

Matìo 27:62

A m bùghò tsuʼ u tsʉtsʉ vʉ̀, tɔ̂ɔŋ Tsuʼntsə̄, tuw u təfɔ̀e wə̀ n dzeŋe wò a vʉ̀a Paelɛ̀t ghèe ghê ghì a Falàsîi ghò,

Matìo 5:20

Ghəa Ǹ dzâa wô fɛ â ghɛ̀, à gɔ̀ʼɔ̀ ko mò ghɛ̀ doʼò tsùghù tsəghatsəgha tsə̀ghàtàʼà tsughu ghê Dèekə̀làŋ à ghì a Falasîi ghò, ghùw wɛʼɛ kê tsò nyə̀ kòʼ yò am fɔ̀e u kəwālā.”

Matìo 9:11

A m bùghò ghî a Falàsîi à kôʼ ghəa ghən gho, ghe m bvʉ â tsə̀təndə̄ghā tə wə̄n to enyəa, “À lǒ kwò Mughùbè wɛʼɛ sô zəa dzəə̄ŋ ghèe ghê dzə̀akə̀mwàʼsò a, àsùghò ghì à biigh à li ghən a?”

Mâk 10:2

Ghî a Falàsîi à li ghə n ndùw bùghò alebùghò chwəlà kôʼ Yɛso, bvʉ â wə̀n à, “Lâŋ kə̀ boo nù enyəa ghùw sɛ̀ɛ ghèe wì à?”

Mâk 12:15

A e chuuw ŋkāa a ka e chuuw a?” Ghəa Yɛso kəŋ kwū kɔʼ tɔ u ghee wo, ù n dzɛ̀ â ghee enyəa, “Ghɛ̀ mugho mɔ̂ɔ kòʼò bòʼ kwò a? Kəŋ fùghù wò mugho a kua u fəŋgɔ̀ʼ wò u mɔ̀ʼ tò Ǹ lɛɛn tsughu.”

Mâk 12:18

Ghî a Sadùwsîi ghə̀ n daŋso ndùw è bugho, ghî ghəla ghe dzɛ̂ enyəa ghùw yò alekɔʼɔ̄sə̄ alo evʉ̄; ghe m bvʉ â Yɛso enyəa,

Lûk 10:25

Tsuʼ ù li wo, dèekə̀làŋ ù lì n nùghù tème è kɔʼ alemɔ̀ɔ kôʼ Yɛso. Ù mo â Yɛso enyəa, “Wàdè, Ǹ lo aleghəŋlo ênzə̂n tò mùghò è kelê mùghù è doʼn təla zo a?”

Lûk 11:16

À li ghə m mɔ̂ɔ kòʼò wə̄n enyəa ù dèe wô tsə̌a enyəa ghəa a te a lo ghəa e Kəwālā.

Lûk 20:23

Ghəa Yɛso kòʼkɛlɛ̄ tsughu enyəa ghî yi sʉ̂a tɔ è li zo, ù n dzɛ̀ â ghee enyəa,

Lûk 20:27

Sadùwsîi tə̀ li to, tɔ̂ɔŋ ghì ghəla ghe dzɛ̂ enyəa a kpuuw kɔʼɔ sə̄a yo alo evʉ, ghe m bùghò kòʼ wò Yɛso tsuʼ ù li wo,

Dzɔ̌n 8:6

Ghe fə̀ êzə̀ bvʉa ndùw alemɔ̀ɔ kôʼ Yɛso, ghe sô kəŋo enyəa ù kə̀a bôon tsughu ghəa è li zo, to ghe kwu wə̄n. Yɛso m fuʼu è tsughu kàʼ ndùw ghəa à tɔɔ gho alo kəbvʉ̄nlō an wàakə̀ghu u wə̄n.

Kə̀fwàʼ 4:1

Ghəa Pità naām kə̂aa ghəa gho â ghì ghò ghèe Dzɔ̌n, fɔ̀e tə̀ m ndùw bùghò ghèe ghê ghùw ù ne ù gbè tə ndùghù è Kə̀zə̀ e ne to ghèe ghê ghì a Sadùwsîi ghò, bùghò kòʼ wò ghee.

Kə̀fwàʼ 5:17

Tuw kə fɔ̀e ghèe ghê ghì ghə̀n à dzə̀m ghèe ghee mò lo a dzə̀m (tɔ̂ɔŋ dzeŋe kə tə̀ Sadùwsîi) n daŋso kàʼ ndùw aleghòʼ. Mʉ̌ʉn kə ŋ ghəəŋ tsughu ghee,

1 Kòlentìan 1:22

Nu Dzûu tə ləghaa alekòʼ tətsə̌a aledèe tsughu enyəa à làbəlà zən fughu wò Kəzə̀, ghî a Gəlês yia kəŋo ghî ghəla ghe lo alekə̀a wô ghe â tɔ wo.