Matìo 11:5 - To kə Kəzə̀ kə̀ Fughu ko

⁵ ghî à foō a koʼò wò tə̀luʼū, à məla bwiī yia bwîi wô tsəghatsəgha, yia baaŋ ghî a tətsùghò ghò, kùʼ vʉa u zuūw wô ghəa gho, ghî à kpuuw yia zôom nùghùun kɔʼɔ alo evʉ̄, yìa M̀ fughuu sugho Làbəlà è Dzùŋ â ghì à laa gho.

Matìo 11:5 Iomraidhean Croise

Matìo 10:8

E baaŋ nduw nlò ghî à dzaŋā gho, zòo nughùun kɔ̀ʼɔ ghì à kpuuwn gho, baaŋ ndùw ghì a tətsùghò, shùaan sə̌a ndùw sùghò zʉ̀ ù biigh wo. Mùghò mò ghɛ̀ â daʼa kə fughu kə̀nughùnùghù, fughu sə̀ ndùw sùghò nlǒ kə̀nughùnùghù.

Matìo 11:4

Ghəa tsə̀təndə̄ghā tə Dzɔ̌n ti ndûw bvʉ nduw, Yɛso n dzɛ̀ â ghee enyəa, “Ndǔw dzǎa ndǔw â Dzɔ̌n fəgha kə̀là ghɛ̀ zuw, kòʼò àsùgho kəla ghɛ̀ koʼ;

Matìo 12:13

Yɛso n daŋso dzɛ̀ â tûw vʉ enyəa, “Nə̀ghaan sə ndùw kwe kə̀a kò.” Tûwbʉ̀ghà vʉ̀ n nə̀ghàan sə è nduw, kwe kə wə̄n kə m bɔɔm kòom tùghù dòʼò wò tǒ kə̀ li kən.

Matìo 21:14

Ghî à foō ghə m bùghò kòʼ wò Yɛso a fughu am Ndùghù è Kə̀zə̀ e ne, àsùghò ghì à ŋgɔɔn bwiī gho, ù m baaŋ kɔʼ ghee.

Matìo 5:3

“Dzɔ̀ lò â ghì ghəla ghe ləə̄m təla ko â Zə̀ kò, nu fɔ̂e u kəwālā u lo â ghee.

Matìo 9:30

Ghe n daŋso kàʼ ndùw luʼū tə̀ koʼo to. Yɛso n daŋso kùɛɛn tsùghu ghee enyəa, “E kwo ko ghùw lò zuūw ghəa ghən gho!”

Mâk 7:37

Tuw kə m kpùw ndùw ghee enyə, tsə̀ghà kə̀bəŋ, ghe mo enyəa, “Ù fwàʼ ghəa a te gho a dzə̀m kədzûŋ; bùʼ ghə̌əŋ daŋso sùghò enyəa kùʼ ù è zuuw wo tuūŋ wo, mùʼ ù è kəaa wo ghəa gho.”

Mâk 9:25

A m bùghò Yɛso kòʼ tsughu enyəa ghî à nyəŋo zùuŋ wò nù, ù n zùghù tsùghu zʉ̀ ù biigh vʉ̀ enyəa, “Ghǔ zʉ̀ wəla ghù kùʼsò ghî ghò, ghəəŋ sùghò enyəa ghe doʼò ùmùʼ, Ǹ so Ǹ dzâa wô â ghù enyəa, zəghaa tsughu wə̄n, e kwo ghù ke kôom nyəa koʼò sughò a zəŋò wə̄n!”

Lûk 4:18

“Zuʼ tə Mughù ù te tə kê lò a zəŋò mùghò, bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho. Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ mo ghe mǒ ghee kwu an tsam lo səā nù, n naʼà ndûw sughò enyəa ghî à foō a lo kòʼò àsə, àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.

Dzɔ̌n 10:25

Yɛso m bɛ̀lɛ̀ ndùw ghee enyəa, “M̀ mâa dzɛ̀ â ghɛ̀, ghùw wɛʼɛ vʉ̀a ù yò alebōo. Fwà kə̀là M̀ fwaʼa an zən e Tsele waŋa, fwàʼ kə teso dzàa nù ghùw wəla Ǹ lo ghè wò.

Dzɔ̌n 10:38

Mò à lò dzə enyəa M̀ fwāʼa nù, ghɛ yia buw aleboō fughu â mùghò bòʼ shwaʼ waŋa, kuuwn bòo tsughu ko nlô fwàʼ kə te ko, tò ghɛ̀ lo e kwo, ghɛ̀ zuwkɛlɛ sugho enyəa Bəgha lo a zəŋò mùghò, tò ghəa Ǹ lôo a zəŋò wə̄n.”

Dzɔ̌n 2:23

A m bùghò ù sò lô an zə kə̀ Zəŋso Naaŋ ko an Yɛ̀lusalɛ̀m, ndə̀m tə aghî tə m boo fughu ndùw â wə̄n, bòʼ sə̀ghà mə̀lā ù fə̀ deē ghè mò.

Dzɔ̌n 3:2

Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Dzɔ̌n 5:36

Ghəa ghə̀là Ŋ̀ kuūwn kə̀aa wò â ghɛ̀ tsəghàtàʼà sə a Dzɔ̌n à teso gho; tɔŋlo enyəa fwàʼ wəla Tsele waŋā fughu enyəa M̀ fwaʼà mɛʼɛ̀, à lo fwàʼ ù mɔʼɔ̄ wəla M̀ fwaʼā, fwàʼ u te dêe nù enyəa Tsele waŋā m mùghò tum.

Dzɔ̌n 9:7

Aŋghəa Yɛso zɔʼ nduw tə̀ghà mò an sə a ghûw vʉ̀, ù n dzɛ̀ â ghùw vʉ enyəa, “Nduw tsughu sǔuw kɔʼ sʉ wʉ̀a wò an tsəm kə Silwàm.” (Silwàm mòʼnlò enyəa, Ghùw ù tum). Ghùw ù vʉ n ndùw tsùghù sùw kɔ̀ʼ wò è sugho, nùghù wò èbàm mò ù kòʼò tə̀luʼū.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.