Matìo 11:2 - To kə Kəzə̀ kə̀ Fughu ko

² A m bùghò Dzɔ̀n zuw tsughu zwɔ̂ŋ u Yɛso wò an ndùghùtsāʼ, ù n tum tsughu tsə̀təndə̄ghā tə wə̄n tə̀ li to

Matìo 11:2 Iomraidhean Croise

Matìo 1:17

À fi lo enyəa alenìi nughù wô an tì kə Abə̀làhâm, bùghò kɔ̀ʼ tɛ̀ wò an tì kə Dɛvìd, à fə̀ lo kwôo tə aghì eghə̄m à ghè tò tə chìakò. Alenìi nughù wô an tì kə Dɛvìd wəla ù fə̀ lo Də̀ŋ kò, bùghò tɛ̀ wò an tì kə̀là ghe fə̀ dzûm nduw ghee am Babilɔ̀n, à lò sugho kwôo tə aghì eghə̄m à ghè tò tə chìakò. Alekòom nîi tsughu an tì kə dzuū kə ghee kən, bùghò tɛ̀ wò an tì kə Kə̀lestò, à lò alekpee sughò təkwôo èghəm à ghè tò tə chìakò.

Matìo 14:3

À n lo êzə̀ mo Hɛlɔ̀d mafə̄ tsəghàsò lâŋ kò enyəa ghe kûm Dzɔ̌n alo tətsāʼ, ghe tum an ndùghùtsāʼ enyəa a so à lò ghəa e wìzən ù lì ghe fə̀ tɔɔŋ tsəgha enyəa à lǒ Hɛ̀lodìa. Wìzən wən fə̀ niī tsəgha Felèp, wàatsele ù Hɛlɔ̀d, Hɛlɔ̀d m bùghò tsʉ̀ʉn nì nùghù è kɔʼ.

Matìo 4:12

Êzə̄ŋ, ghəa Yɛso zuw tsughu enyəa ghe n Dzɔ̀n kwu, ù n nùghù ndùw aŋ Galèlîi.

Matìo 9:14

Tsə̀təndə̄ghā tə Dzɔ̌n tə m bùghò kòʼ wò Yɛso, bvʉ â wə̄n enyəa, “À lǒ kwò ghàʼ à ghê ghì a Falàsîi à sô baā dzughu zo, tsə̀təndə̄ghā təghà tia tə baā yô a?”

Mâk 6:17

Ù mo êzə dzɛ̀ tsughu bòʼ enyəa, ghuūghùe u wə̄n u fə̀ tum sə aghî, ghe n ndùw kwù dzə̀n ndùw Dzɔ̌n an ndùghùtsaʼ enyəa à lò ghəa e Hɛ̀lòdìa, wì ù Felêp, wàatsele, ù mò nî tsughu aŋ wi.

Lûk 3:19

À n lo êzə̀ mò Dzɔ̌n maā Hɛlɔ̀d wəla ù fə̀ lo də̀ŋ kò bûʼ shwən enyəa ù tsʉ̀ʉn nì kɔ̌ʼ Hɛ̀lodìa wì ù wàazə̀ ù wə̄n. Mò ù maā wə̄n shwən sùghò aŋ ghəa a wə̄n à biigh à li gho.

Lûk 9:7

Hɛlɔ̀d, tɔɔŋ tûw wəla ù fə̀ lô tuw ko am mbùʼ è Galèlîi, n zuw tsughu ghəa yia a dzə̀m a fə̀ səā, tuw kə m kpuw wə̄n, ghe màʼà kə̂aa kaŋlō enyəa Dzɔ̌n maā kɔʼ sə alo evʉ̄.

Dzɔ̌n 4:1

A fə̀ bughoo Yɛso kele sə kɔʼ enyəa ghî a Falàsîi a maā shwaʼ wən wo zuw enyəa, “Yɛso nǎam nìi ndùw kô tsə̀təndə̄ghā, fughuu ndùw ghee â mùghù ŋ Kə̀zə̀ mò, tsə̀ghàtàʼà Dzɔ̌n.”