Matìo 11:1 - To kə Kəzə̀ kə̀ Fughu ko

¹ A m bughò Yɛso tsʉ̀ mɛʼɛ̀ tsughu tsə̀təndə̄ghā tə wə̄n tən èghəm a ghè tò tə bə̀ghà, ù n zə̀ghàa tsùghù luʼu chìa ù mò lo a te, nùghù nyə̀ ndùw an nàʼà mə̀la ŋ kùʼù lo kaāŋ tsəgha a fughu, ndùw kàʼ ndùw ghì a zoʼn gho a fughu. Ù n zoʼn ndùw aghì naʼà tə̀ nàʼà a fughu am mbùʼ e te, kə̀a ndùw sughò shwaʼ u Kəzə̀.

Matìo 11:1 Iomraidhean Croise

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Matìo 7:28

A m bùghò Yɛso kə̀a mɛʼɛ̄ tsughu ghəa ghən gho, tuw kə m kpuw saʼ kə aghì chì an dziī zəla ù zoʼn ghəa gho a te.

Matìo 9:35

Yɛso ŋ ŋgəaa ndùw nàʼà tə̀ ne to tə dzə̀m àsùghò n tughoon mò a te, zoʼn ndùw àghì, kə̀aa ndùw sùghò ghəa a Kə̀zə̀ an Ndughutə̀ne tə Tə̀dzûu tò, baaŋ ndùw dzàŋà tə ghì ghə̀n a dzə̀m àsùghò ndzughu tə ghee to.

Mâk 6:12

Ghe fi sə ndùw nù, nàʼn ndùw enyəa ghî ghə̀n à dzə̀m màʼà èbo.

Lûk 23:5

Ghe m mgbɛɛ ko enyəa, “Ù tiso naŋa kɔʼ naʼ e Dzùdîa e dzə̀m alo efwē an tsʉ̀ e wə̄n. Ù fə̀ ziī tsughu aŋ Galèlîi, vʉ̀ ù bùghò tɛ̂ wô fɛ.”

Lûk 8:1

Yɛso n daŋso nùghù è tsughu, bwìin kǎaŋ ndùw nàʼà tə̀nàʼà, nàʼn ndùw Làbəlà è Dzùŋ. Tsə̀təndə̄ghā tə̀n èghəm à ghè tò tə bə̀ghà n lo ghèe ghee,

Dzɔ̌n 15:10

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Dzɔ̌n 15:14

Ghɛ̀ lo fən ghaŋā abugho ghɛ̀ bɔɔ̄m fwaʼà ndûw fəgha kəla Ǹ dzâa wô â ghɛ̀.

Kə̀fwàʼ 1:2

bùghò tɛ̀ wò tsuʼ fəla ghe mò nî kɔʼ nduw wə̄n alo kəwālā, mo daʼa kə Zuʼ tə̀ Zɔlɔ kə ŋ wən ghəəŋ tsughu ù m fùghù tsùghù dzə̀ ètsʉ̀ â tum tə wə̄n təla ù fə̀ shîaa kɔʼ.

Kə̀fwàʼ 10:38

Ghɛ̀ kwo nû ghəa ghə̀là Zə̀ kə fə̀ tsuʼ tsughu Yɛso, ghùw ù Nazalɛ̀t wə̄n, fughu tsughu wən â Zuʼ tə̀ Zɔlɔ to àsùghò dwaʼa wo. Ghɛ̌ yia kwo sughò ghəa ù mò ŋgəaa ghəə̄ŋ kaāŋ ndûw dzɔ̂ zò, baāŋ ndùw ghì ghəla vʉatsə̄a a naŋā ŋgòʼ a zəŋò ghee, tɔŋlo enyəa Zə̀ kə̀ mò ti a bǎà wə̄n.

Kə̀fwàʼ 10:42

Ù n dzɛ̀ â ghàʼ enyəa ghàʼ è kəaa nduw shwaʼ ù dzûŋ wò â ghì ghò, dzàa fùghuu ndùw enyəa Yɛso lǒ ghùw wəla Zə̀ kə̀ mò tsuʼ naŋā enyəa ù è saʼa tuw u ghì ghəla ghe lô â tuw ko à ghì à kpuuwn gho.

1 Tɛ̀sàlonìan 4:2

Ghɛ̀ kwo nû tsʉ̂ zəla ghàʼ lo mo a m fughu â ghɛ̀ an daʼa kə Mùghubè Yɛso kə̀la ù mò fughu â ghàʼ,

2 Tɛ̀sàlonìan 3:10

Ghǎʼ maā fughu naŋa ghɛ â lâŋ kən ko an ghəa sɛ̀ mò lo a dzə̀m enyəa, “Abugho ghùw ləghaa yo alefwaʼā, ù kì yo alezə̄.”

2 Tɛ̀sàlonìan 3:6

Ghàʼ dzâa wò â ghɛ̀ a waazə̂ ghaʼa gho an zən e Mughu ù te Yɛso Kə̀lestò enyəa ghɛ̀ è ka e tughuu ghɛ à ghê waazə̂ ghɛʼɛ à li ghəla ghe ləghaa alezuum lo kaāŋ tsəgha mo ghe fwaʼa yò fəgha kə̀ li ko, mo ghe mughu sugho yo aŋghəa bughōo kəla ghɛ̌ fə̀ zoʼn ni aŋ ghùu ghàʼ děe ghè kò.

1 Timotì 6:14

enyəa ghù e bwiī an lwàŋ wə̄n wo mò ghù nɔ̀ʼɔ yo, ghî ghə̀ e ke yo alesāʼ ghû; nì nùghù ezə̄n ndùw tɛ̀ ndùw an tsû wəla Mughùbè ù sɛ̀, Yɛso Kə̀lestò kè kôom bugho a te.