Matìo 10:7 - To kə Kəzə̀ kə̀ Fughu ko

⁷ E kəā nduw ghəa a Kəzə̀ ghò aŋghəa ghɛ̀ nduūw, dzàa ndùw enyəa, ‘Fɔ̂e ù kəwālā wə m bùghò.’

Matìo 10:7 Iomraidhean Croise

Matìo 10:8

E baaŋ nduw nlò ghî à dzaŋā gho, zòo nughùun kɔ̀ʼɔ ghì à kpuuwn gho, baaŋ ndùw ghì a tətsùghò, shùaan sə̌a ndùw sùghò zʉ̀ ù biigh wo. Mùghò mò ghɛ̀ â daʼa kə fughu kə̀nughùnùghù, fughu sə̀ ndùw sùghò nlǒ kə̀nughùnùghù.

Matìo 11:1

A m bughò Yɛso tsʉ̀ mɛʼɛ̀ tsughu tsə̀təndə̄ghā tə wə̄n tən èghəm a ghè tò tə bə̀ghà, ù n zə̀ghàa tsùghù luʼu chìa ù mò lo a te, nùghù nyə̀ ndùw an nàʼà mə̀la ŋ kùʼù lo kaāŋ tsəgha a fughu, ndùw kàʼ ndùw ghì a zoʼn gho a fughu. Ù n zoʼn ndùw aghì naʼà tə̀ nàʼà a fughu am mbùʼ e te, kə̀a ndùw sughò shwaʼ u Kəzə̀.

Matìo 21:31

Yɛso m bvʉ tsughu â ghee enyəa, “À mò lo wɛ ù ghɛ̌ wò aŋ ghee a bə̀ghà a, ù mò fwaʼ fəgha kəla tsele mò ləghaa ghè kò a?” Ghe m bɛ̀lɛ̀ tsùghù enyəa, “Ù sûesʉ wə̄n.” Yɛso n dzɛ̀ â ghee enyəa, “Kùmkùm, aŋghəa Ǹ dzâa wô fɛ â ghɛ̀, ghê dzə̀akə̀mwàʼsò lo kɔʼɔ tàʼŋ ghɛ̀ alo kəwālā ghèe ghê kpàlà wò.

Matìo 21:43

Zən lò e ghee Ǹ so Ǹ dzâa wô â ghɛ̀ enyəa, ghe lo nìi nùghùun kɔ̀ʼɔ̂ fɔ̀e u Kəzə̀ aŋ ghùu ghɛ̀, ghe nîi fughuu ndûw â ghî ghəla ghe lo aleghəŋlo ghəa è dzûŋ e səā wô a te.”

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Mâk 6:12

Ghe fi sə ndùw nù, nàʼn ndùw enyəa ghî ghə̀n à dzə̀m màʼà èbo.

Lûk 16:16

Ghɛ̌ fə̀ bwiī ko an làŋ kə Musî, zuuw sùghò tsʉ̀ e ghîishʉ̀gha bùghò kùm wò an tì kə Dzɔ̌n Fùghùu mùghù ŋ Kə̀zə̀; alenìi nughù wô an tì kə te ko, ghî à fɛ tsòo mgbɛ̌ɛ kə̀aa tsə̀ghà kô ghəa e Fɔ̀e u Kəzə̀, ndə̀m è àghì yia a dəmà aleŋgaām nyə aŋ ghəa e te zo.

Lûk 9:2

Ù n daŋso tùm sə̀ ndùw ghee enyəa ghe e naʼn nduw tùm è dzùŋ kùu ndùw Fɔ̂e u Kəzə̀, baaŋ ndùw sùghò tə̀dzàŋà.

Lûk 9:6

Ghɛ̀ n daŋso nùghù è tsughu, nyəa ndùw nàʼà tə̀nàʼà, nàʼn ndùw Làbəlà è Kəzə̀, baaŋ ndùw sùghò àghì an lùʼù tən tə̀ dzə̀m.

Lûk 9:60

Yɛso m fəŋso dzɛ̀ â wən enyəa, “Zə̀ghaa ndùw ghî ghəla ghe lô tò ghî à kpuuwn gho ghe e tsəən nduw ghî à kpuuwn gho, yia a bughò ghû, kuuwn nàʼa kaaŋ ndǔw tum è Fɔ̀e ù Kəzə̀.”

Dzɔ̌n 3:2

Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Kə̀fwàʼ 10:25

Aŋ ghəa Pità nyəa ndûw ènyə, mò Kɔ̀nelìus sə̀ tǐ ghèe wə̄n daŋso tə̀m ndùw tə̀ŋguʼ a tsəlà wə̄n, fùghù ndùw wən â kɔʼso mò.

Kə̀fwàʼ 28:31

kə̀aa ndùw kô ghəa e fɔ̀e u Kəzə̀, zoʼn ndùw sùghò àghì kùu ndùw Mughu ù te Yɛso Kə̀lestò an ndɛ, mo fəgha kə li kə təghàsò sùghò yò wə̄n.

Kə̀fwàʼ 4:2

A m bùghò ghe bughò èzə̀, nə̀ghà mə̀ n tɔ̀ ndùw ghee enyə səkə̀sə, enyəa so ghê Pità mò zoʼn nduw aghî, kə̀aa ndùw ghəa a Yɛso enyəa ù maā zôo nùghù kɔ̀ʼ alo evʉ̄.